Read Nyishi 1 TISSOLONIKA 1 Bible Online

1 TISSOLONIKA 1 - Nyishi bible

1 TISSOLONIKA 1

¹Poul, Silas hoo Timoti galoqkv— Tissolonika dvrwq namlo ho Pwnbo Abv la At Sw Jisu Kristo gab doonbo nyi tulu gab Salam- Anyangv la swrsomalongv nulgab doonka!

²Ngulv looxiam nulgab Pwnboam paqdwn, hoo ngulug swgw ko ho looxiam ngulv nulug eminam bepadvn.

³Nulv hoggub nyil nulug mwwjwngam biim maab ap pan ho nulug abynamv nulam hoggub atorjaqb bonam nyim dvb jipan, hoo nulug hangv At Sw Jisu Kristog aoho hog hwdgo hingw dvn ham ngulv Ab Pwnbog agaho bepa jidwn.

⁴Ngulug vbw-bor tulu, ngulv sam cengdwn Pwnbov nulam abydvn, hoo nulam mwwg atwg nyiib nyim dvb xuqpa kun.

⁵Hoggab ngulv nulug dookub Tugu Pui agam arongv baqa twqma, hvbmabde atoram, Dvrwqbo Yalam hoo hingxw cwrwl jvqtw puiyam soq lvgab baqanum. Ngulv hoggub nyinbo nyiv ham nulug lvgab doodwkho ngulv hoggub nyil swwnam kaakinam mam nulv ham cengdo; soq si nulgab alko pagoq gob nyinum.

⁶Nulv ngulug la At Swg nyikwb nyimin gvnum, hoo nulv hentwr hemangam hens kubaco hvbjaqkam nulv Tugu Puiyam, Dvrwqbo Yalwg jinam mam hemp alwb nvvrwqnum.

⁷Hoggab nulv Mesidoniya ho Akaiya lo doonbo mwwjwbo nyi tulu mwlw gab kaag dvb nyinbo nyi gob nulv nyipa ku.

⁸At Sw Jisug puiyv nulug galoqkv Mesidoniya ho Akaiya gvda tvqpwho yuupw twqma, hvbmabde nulug Pwnboam mwwjwnam pui pagoqkv gvda mwlwb wnkun, soq pagoq so ngulv hog bes dookma.

⁹Soq nyi tulu si mwlwngv nulv ngulam hoggub nyil ui panam hoqgv wkur kunv Pwnbog dookub haanum hoo nywywngam sima bo jvqtw Pwnboam xumtab haapa kun

¹⁰hoo sik boam turdkub purab kunam Pwnbog mwwg Ko Tuupam, Jisug ao gvda toloqgv ipoq tanam mam, Pwnbog hang lengnam hoqgv ngulam ywwd boam kaayal doonam mam bulv atv bepal doodwn.