Read Nyishi JOSUA 12 Bible Online

JOSUA 12 - Nyishi bible

JOSUA 12

¹Soq gvda tulu soqg lvpw at tulungam Israel nyiilungv bulam mviya tvl hoo Jordon dou-caga daiyag bulug gvdangam gumn naanum, hoqhv Arnon Lywpa hoqgv Hermon Puutu namgub, ho dou-haagag Araba gvda mwlwngam:

²‍Hesbon ho doonbo Amor nyi tulug lvpw at Sihonnvn, hiyv Aroyer hoqgv Arnon Lywpa vrr namgub, hoo Jabbok pobu ra lvpa hoqgv Ammon nyi tulug gvda vrr namgub, hoo Gilead gvda papo gon,

³‍hoo Araba hoqgv dou-cagag Cinnerot Sa-svlo namgub, hoo Bet-jesimot daiyangam, Araba Sa-svlongam, Al Sa-svlongam, nyooko daiyag Pisga puutu gunum-gvnam gvdangam;

⁴‍hoo Astarot la Edrei ho Repaiyam hoqgv boumnam Basanwg lvpw at Og

⁵‍hoo mwv Hermon Puutu hoqgv Saleka hoo Basan gvda mwlwngam hoo Gesurait gvla Maakat nyi tulug gvda vrr namgub, hoo Gilead gvda papo gonwg Hesbonwg lvpw at Sihonwg gvda vrr namgub pvvb bwwl doognum.

⁶‍At Swg nyera Mojes la Israel nyiilungv bulam mviya kunum. Hoo At Swg nyera Mojes, Reuben nyi tulungam la Gad nyi tulungam hoo Manasseg nyob papo gon bulug gvdangam gumn naam kunum.

⁷‍Hoo soq gvda tulu soqg lvpw at tulungam Josua la Israel nyiilungv bulam Jordon dou-haaga daiyaho mviyanum, hoqhv Lebanonwg Lywpa Baal-gad hoqgv Halak Puutu namgub, hogloq hv Seir namgub caanum (hoo Josua bulug gvdangam Israel nyob tulungam jibwq tvl gumn naamnum,

⁸‍diisw gvdangam, haapa gvdangam, Araba gvdangam, puutu gunum-gvnam gvdangam, deexa-rara gvdangam, hoo Negeb gvdangam, hoqgv Hittait nyi tulug gvdangam, Amor nyi tulug gvdangam, Kanaan nyi tulug gvdangam, Perijj nyi tulug gvdangam, Hibitait nyi tulug gvdangam, hoo Jebus nyi tulug gvdangam naanum):

⁹‍Jerikog lvpw at akam; Betel bviywrho doonbo, Aiyig lvpw at akam;

¹⁰‍Jerusalemwg lvpw at akam; Hebronwg lvpw at akam;

¹¹‍Jarmutwg lvpw at akam; Lakiswg lvpw at akam;

¹²‍Eglonwg lvpw at akam; Gejerwg lvpw at akam;

¹³‍Debirg lvpw at akam; Gederwg lvpw at akam;

¹⁴‍Hormag lvpw at akam; Aradwg lvpw at akam;

¹⁵‍Libnag lvpw at akam; Adullamwg lvpw at akam;

¹⁶‍Makkedag lvpw at akam; Betelwg lvpw at akam;

¹⁷‍Tappuag lvpw at akam; Heperwg lvpw at akam;

¹⁸‍Apekwg lvpw at akam; Lasaronwg lvpw at akam;

¹⁹‍Madonwg lvpw at akam; Hajorwg lvpw at akam;

²⁰‍Simron-meronwg lvpw at akam; Aksap gv lvpw at akam;

²¹‍Taanakwg lvpw at akam; Megiddog lvpw at akam;

²²‍Kedeswg lvpw at akam; Jokneamwg lvpw at akam;

²³‍Napat-dor ho doonbo Dorwg lvpw at akam; Galili ho doonbo Goiimg lvpw at akam;

²⁴‍Tirjag lvpw at akam: ho cammum leq akin lvpw at tulungam mviyanum.