Read Nyishi JOSUA 15 Bible Online

JOSUA 15 - Nyishi bible

JOSUA 15

¹Judag nyob nyiilungam bulug imiq dvpar-dvparam nyooko daiyag Idom vrr hoqgv naalayil Jinwg deexa-rara namgub bul gab jibwqnum.

²‍Hoo bulug nyooko hoqg gvda vrrv Al Sa-svlog ako daiya xaqb vrr rwl kunum.

³‍Hoqhv Akrabbim gv nyooko gvda namgub, ho Jin namgub vrr rwpeqnam, hoo Kades-barnea nyooko gvda namgub, ho Hejron namgub, ho Addar odum namgub, ho Karka namgub vrnam,

⁴‍ho Ajmon gvdangam vrr rwpeq layil Ijipt gv Pobu tulu namgub, hoo sa-svlo ywwtwr namgub vrr rwl kunum. Soq si nulug nyooko daiyag gvda vrrv.

⁵‍Hoo dou-cagag gvda vrrv Jordon ogumg Al Sa-svlo namgub vrnum. Hoo nyoodum daiyag gvda vrrv sa-svlo hoqgv Jordon ogum namgub vrram rwrnum.

⁶‍Hoo Bet-hogla hoqgv naalayil odum daiyag Bet-araba namgub vrr rwpeqnam. Hoo Reubenwg ko tuup Bohanwg wlw diip ko namgub vrr rwcanum.

⁷‍Hoo Akor Lywpa hoqgv Debir namgub vrr rwcanam, hoo odum daiya vrrv Gilgal namgub, hogloq hv Adummimwg lywpa akongam tuurwqnum. Hoo En-semes iss hoqgv En-rogel ywwtwr namgub vrram rwknum.

⁸‍Ho nyooko daiyag Jebus tulug (hoqhv Jerusalem) hoqgv Hinnomwg Ko tuup tulug Lywpa namgub vrram rwcanum. Hoo dou-haagag gvda vrrv Hinnomwg Lywpangam tuurwqbo puutu tuluho, hoo nyoodum daiyag Repaim Lywpa namgub vrram rwtarnum.

⁹‍Ho gvda vrrv puutu ao hoqgv Neptoag iss namgub, hoo Epron Puutug bopam tulu namgub vrnum. Ho gvda vrrv Baalangam rwyumnum (hoqhv Kiriat-jearim).

¹⁰‍Hoo gvda vrrv dou-haagag Baala hoqgv Seir Puutu namgub vrr rwiyumnam, hoqhv nyoodum daiyag Jearim Puutungam (hoqhv Kesalon) vrr rwpeqnum, hoo Bet-semes namgub vrr rwlnam hoo Timna namgub vrr rwpeqnam.

¹¹‍Nyoodum daiyag diisw nyook Ekronwg gorbw namgub gvdangam vrr rwcanam, ho Sikkeron gvdangam rwyumnam hoo Baala Puutu namgub vrr rwcanam hoo Jabneel namgub vrr rwlinam. Ho sa-svlo ho gvda vrram rwtupnam.

¹²‍Hoo dou-haagag vrrv Koibo Sa-svlo hoqg soiyoq namgub vrnum. Soq sib Judag nyiilug bulug nyob tulu gab gvda vrram rwyum kunum.

¹³‍At Swg Josuanvn gaml jiknam hvb, mwv Jepunneg ko tuup Kalebnvn Judag nyiilug pengko ho Kiriat-arba, hoqhv Hebron gvdangam jinum (Arba Anakwg abv).

¹⁴‍Hoo Kaleb Anakwg ko tuup oum mam, Sesai, Ahiman hoo Talmai, Anakwg hosiqkam hoq gvda hoqgv ruqlinl ruqpaq kunum.

¹⁵‍Hoo mwv hoqgv Debirho doonbo tulungam ceeko dvb caanum. Debirg otuq hoqg eminv Kiriat-seper hvnum.

¹⁶‍Hoo Kaleb benum, “Hiyv lajaqkam Kiriat-seperam nyob pal ham naareqbo akam ngoqg nyem ko Aksanvn mwwg nywxwb jitayin.”

¹⁷‍Hoo Kalebg vbw-bor Kenaj ko tuup Otniyel ham naareq kunum. Hoo mwv mwwg nyem ko Aksanvn mwwg nywxwb jinum.

¹⁸‍Hwdlo mwn Otniyel dookub haai yikho, mwn mwam mwnwg abam rongo rwqg kotwk hvl benum. Hoo mwn svdam hoqgv ipoq yin, hoo Kaleb mwnwn benum, “No hoggv konw do?”

¹⁹‍Mwn mwam benum, “Ngam lvqc lo ak jitwb. No ngam Negeb gvdangam jipa ku, hvbmabde ngam iss doonbo gvda loqrub jitbv.” Hoo mwv mwnwn odumho la ako ho iss subuq buqlin boam jinum.

²⁰‍Soq si Judag nyob nyiilug bulug dvpar-dvparv otu nvvsiq kunamv.

²¹‍Judag nyob nyiilug akog vtwr-anya bopam tulug Idom ho gvda vrr tulungv Kabjeel, Eder, Jagur,

²²‍Kina, Dimona, Adada,

²³‍Kedes, Hajor, Itnan,

²⁴‍Jip, Telem, Bealot,

²⁵‍Hajor-hadatta, Keriot-hejron (hoqhv Hajor),

²⁶‍Amam, Sema, Molada,

²⁷‍Hajar-gadda, Hesmon, Bet-pelet,

²⁸‍Hajar-sual, Beerseba, Bijiotia,

²⁹‍Baala, Iim, Ejem

³⁰‍Eltolad, Kesil, Horma,

³¹‍Jiklag, Madmanna, Sansanna,

³²‍Lebaot, Silhim, Ain, hoo Rimmon: hoq mwlw hv, camnyi leq kiya bopam tulug lvgab bulug nampam tulungv doonum.

³³‍Hoo haapa gvdaho, Estaol, Jora, Asna,

³⁴‍Janoa, En-gannim, Tappua, Enam,

³⁵‍Jarmut, Adullam, Soko, Ajeka,

³⁶‍Saaraim, Aditaim, Gedera, Gederotaim: camleq vpy bopam tulu lvgab bulug nampam tulungv doonum.

³⁷‍Jenan, Hadasa, Migdal-gad,

³⁸‍Dilean, Mijpe, Jokteel,

³⁹‍Lakis, Bojkat, Eglon,

⁴⁰‍Kabbon, Lahmam, Kitlis,

⁴¹‍Gederot, Bet-dagon, Naama, hoo Makkeda: camleq ax bopam tulug lvgab bulug nampam tulungv doonum.

⁴²‍Libna, Eter, Asan

⁴³‍Ipta, Asna, Nejib

⁴⁴‍Keila, Akjib, hoo Maresa: kiya bopam tulug lvgab bulug nampam tulungv doonum.

⁴⁵‍Ekron pamda tulug lvgab hoqg nampam tulungv doonum;

⁴⁶‍Ekron hoqgv sa-svlo namgub, Asdod bviywrho doonbo mwlwngv bulug nampam tulu lvgab doonum.

⁴⁷‍Asdod, ho hoqg pamda tulungv hoo hoqg nampam tulungv; Gaja, ho hoqg pamda tulungv hoo hoqg nampam tulungv; Ijipt Pobu hoqgv Koibo Sa-svlo soiyoq namgub doonum.

⁴⁸‍Hoo diisw gvdaho Samir, Jattir, Soko,

⁴⁹‍Danna, Kiriat-sanna (hoqhv Debir),

⁵⁰‍Anab, Estemo, Anim

⁵¹‍Gosen, Holon, hoo Gilo: camleq akin bopam tulu lvgab bulug nampam tulungv doonum.

⁵²‍Arab, Duma, Esan,

⁵³‍Janim, Bet-tappua, Apeka,

⁵⁴‍Humta, Kiriat-arba (hoqhv Hebron), hoo Jior: kiya bopam tulu lvgab bulug nampam tulungv doonum.

⁵⁵‍Maon, Karmel, Jip, Jutta,

⁵⁶‍Jejreel, Jokdeam, Janoa,

⁵⁷‍Kain, Gibea, hoo Timna: wyw bopam tulu lvgab bulug nampam tulungv doonum.

⁵⁸‍Halhul, Bet-jur, Gedor,

⁵⁹‍Maarat, Bet-anot hoo Eltekon: ax bopam tulu lvgab bulug nampam tulungv doonum.

⁶⁰‍Kiriat-baal (hoqhv Kiriat-jearim), hoo Rabba: bopam vnyig lvgab bulug nampam tulungv doonum.

⁶¹‍Deexa-raraho, Bet-araba, Middin, Sekaka,

⁶²‍Nibsan, Al bopam, hoo Engedi: ax bopam tulu lvgab bulug nampam tulungv doonum.

⁶³‍Hvbmabde Jerusalemwg doonbo tulu, Jebus nyi tulungam, Judag nyiilungv ruqlinl ruqpaq nyomanum, hoqgab soolo godab Jebus nyi tulungv Jerusalemho Judag nyiilug lvgab doomin gvdwn.