Read Nyishi JOSUA 19 Bible Online

JOSUA 19 - Nyishi bible

JOSUA 19

¹Vnyi deen tak cingnamv Simeon gab cinglinum, hv Simeonwg nyob nyiilug gab Judag nyiilu otu naak pengko ho bulam otu naam dvb cingcanum.

²‍Hoo bulv bul gab otu naaknum Beerseba, Seba, Molada,

³‍Hajar-sual, Bala, Ejem,

⁴‍Eltolad, Betul, Horma,

⁵‍Jiklag, Bet-markabot, Hajar-susa,

⁶‍Bet-lebaot, hoo Saruhen—camleq oum bopam tulu lvgab bulug nampam tulungv doonum;

⁷‍Ain, Rimmon, Eter, hoo Asan—camleq vpy bopam tulu lvgab bulug nampam tulungv doonum,

⁸‍lvkin gob soq nampam tulug lvgab soq bopam tulungam Baalat-beer ho Negebg Rama namgub dooyumnum. Soq tulu si Simeonwg nyiilug bulug nyob dvpar hoqg otu nvvsiqnamv.

⁹‍Simeonwg nyiilug otu naaknamv Judag nyiilug dwrbu-dwrya lvgab doobanum. Hoggab Judag nyiilug otu naanamv vigo koinum, hoqgab Simeonwg nyiilungv bulug pengko ho bulug otungam naanum.

¹⁰‍Oum deen tak cingnamv Jebulun nyob nyiilu gab cinglinum. Hoo bulug otu naanam dwrbu-dwryangv Sarid namgub wcnum.

¹¹‍Ho bulug dou-haagab vrrv rwca layil hoo Mareal aob hoo Dabbeset namgub rwqdanam, hoo dou-cagag Jokneamwg iss namgub vrnum.

¹²‍Sarid hoqgv vrrv dou-caga taqcgonwb wnv Kislot-tabor namgub vrnum. Hoq hoqgv wknv Daberat, ho Japia namgub rwcnum.

¹³‍Hoq hoqgv vrrv wknv dou-caga daiyag Gat-heper, ho Et-kajinwb rwpeqnam, hoo Rimmon hoqgv Nea daiyab tuukur wnum,

¹⁴‍ho nyoodum hoqg vrrv Hannaton namgub wkurnum, hoo Iptahel Lywpa ho hoqg vrram rwtarnum;

¹⁵‍hoo Katta, Nahalal, Simron, Idala, hoo Betleham—camleq vnyi bopam tulu lvgab bulug nampam tulungv doonum.

¹⁶‍Soq bopam tulu lvgab bulug nampam tulungam Jebulunwg nyiilungam, bulug nyob tulungv otu nvvsiqnamv.

¹⁷‍Vpy deen tak cingnamv Issakarwg nyob nyiilug gab cinglinum.

¹⁸‍Soq dwrbu-dwrya si bul gab haataq kunum, Jejreel, Kesullot, Sunem,

¹⁹‍Haparaim, Siyon, Anaharat,

²⁰‍Rabbit, Kision, Ebej,

²¹‍Remet, En-gannim, En-hadda, Bet-pajjej.

²²‍Hoqg vrrv Tabor, Sahajuma, hoo Bet-semes hoo hoqg vrrv Jordon ho rwtarnum—camleq ax bopam tulu lvgab bulug nampam tulungv doonum.

²³‍Soq bopam tulu lvgab bulug nampam tulungam Issakarwg nyiilungam, bulug nyob tulungv otu nvvsiqnamv.

²⁴‍Ang deen tak cingnamv Aserwg nyob nyiilug gab cinglinum.

²⁵‍Soq dwrbu-dwrya si bul gab haataq kunum, Helkat, Hali, Beten, Aksap,

²⁶‍Allammelek, Amad, hoo Misal. Hoqg dou-haagag vrrv Karmel la Sihor-libnat gvdangam rwdaqnum,

²⁷‍ho hoqg dou-caga vrrv Bet-dagon namgub wknum, hoo nyoodum daiyag vrrv Jebulun la Iptahel ho Bet-emek hoo Neiel gvda tulungam rwdaqnum. Ho nyoodum hoqgv hvraqb wnv Kabul,

²⁸‍Ebron, Rehob, Hammon, Kana, ho Koibo Sidon namgub caanum.

²⁹‍Ho vrrv Ramab tuukurnum, ho Taiyarg gurum nwqtum ko bopam namgub haanum. Ho vrrv Hosab tuukurnum, hoo sa-svlo ho rwtupnum; ho Mahalab la Akjib,

³⁰‍Umma, Apek hoo Rehob gvdangam naataqnum—camnyi leq vnyi bopam tulu lvgab bulug nampam tulungv doonum.

³¹‍Soq bopam tulu lvgab bulug nampam tulungam Aserwg nyiilungam, bulug nyob tulungv otu nvvsiqnamv.

³²‍Ax deen tak cingnamv Naptalig nyob nyiilug gab cinglinum.

³³‍Hoo bulug gvda vrrv Helep hoqgv Kora gvdag Jaanannim, hoo Adami-nekeb, hoo Jabneel, hoo Lakkum namgub wnum, hoo hoqhv Jordon ho rwtarnum.

³⁴‍Ho dou-haaga daiyag vrrv Ajnot-tabor hoqgv Hukkok namgub tuukurnum, hoo nyooko daiyag Jebulun gvla Aser gvdangam mvdaq layil hoo dou-caga Jordonwg Judaho wcnum.

³⁵‍Gurum nwqtumnam bopam tulungv Jiddim, Jer, Hammat, Rakkat, Cinneret,

³⁶‍Adama, Rama, Hajor,

³⁷‍Kedes, Edrei, En-hajor,

³⁸‍Yiron, Migdal-el, Horem, Bet-anat, hoo Bet-semes—camleq kiya bopam tulu lvgab bulug nampam tulungv doonum.

³⁹‍Soq bopam tulu lvgab bulug nampam tulungam Naptalig nyiilungam, bulug nyob tulungv otu nvvsiqnamv.

⁴⁰‍Kvn deen tak cingnamv Danwg nyob nyiilug gab cinglinum.

⁴¹‍Hoo soq dwrbu-dwrya si bul gab haataq kunum, Jora, Estaol, Ir-semes,

⁴²‍Saalabbin, Aijalon, Itla,

⁴³‍Elon, Timna, Ekron,

⁴⁴‍Elteke, Gibbeton, Baalat,

⁴⁵‍Jehud, Bene-berak, Gat-rimmon,

⁴⁶‍hoo Me-jarkon la Rakkon lvgab Joppa dwrbu-dwryangv kam haataqnum.

⁴⁷‍Hwdlo Danwg nyiilungv bulug gvdangv dooma yukun, Danwg nyiilungv Lesemb caabnv bulam ceekol nyob panum, hoo bulv lyoqr orioq hoqgv bulam mingtwr tvl gvdangam naareqnum, ho bulv gvdangam gumn naal hoqho nvmcw paal dooknum, bulug ab Danwg emin ho bulv ham Lesem Dan hvl emin goqnum,

⁴⁸‍Soq bopam tulu lvgab bulug nampam tulungam Danwg nyiilungam, bulug nyob tulungv otu nvvsiqnamv.

⁴⁹‍Hwdlo Israel nyiilungv bulug otu naadynam gvda dwrbu-dwryangam naaxo kokw so, bulv Nunwg ko tuup Josuanvn otu jinum.

⁵⁰‍At Swg bulam gaml jiknam hvb mwwg bopam konam mam, Iprayim diisw gvdag Timnat-serangam jinum. Hoo mwv bopam mam ywrknv ho hoqho nvmcw mvl doognum.

⁵¹‍Soq otu naam deenam sam nyub Eleajar la Nunwg ko tuup Josua hoo Israel nyiilug nyob dvpar hoqg imiq-imiqkam nyigbo tulungv, At Swg agaho kvvrwq minsko tombu haagag Silo ho gvdangam jipin-jira kunum. Hoqgab bulv gvdangam mvpin-mvranam mam nyiyum kunum.