Read Nyishi JOSUA 21 Bible Online

JOSUA 21 - Nyishi bible

JOSUA 21

¹Ho Lebig ab imiq dvparam nyigbo tulungv nyub Eleajar la Nunwg ko tuup Josua hoo Israel nyiilug ab dvparam nyigbo dookub haanum.

²‍Hoo bulv bulam Kanaan gvdag Silo ho benum, “At Sw Mojes lvgab gaml jil begamv ngulam dook bopam mam la ngulug tuun-mee gab nwmw dook gvdangam jitayin hvnum.”

³‍Hoqgab At Swg gaml jikjaqb Israel nyiilungv Lebi nyi tulungam soq bopam sam la bulug otu nvvsiqnam nwmw doonbo gvdangam bulam jinum.

⁴‍Ho Kohat nyob nyiilungam tak cinglinum. Hoqgab nyub Aaron gv hosiq Lebi nyiilu gab Juda, Simeon, hoo Benjamin nyob tulug gvda hoqgv camleq oum bopam go jim dvb tak cinglinum.

⁵‍Hoo Kohat nyi tuugin Iprayimg nyob hoqgv, ho Dan gvla Manasseg nyob papo gon hoqgv bopam wyw go jim dvb tak cinglinum.

⁶‍Gerson nyiilungam Issakarwg nyob hoqgv, ho Aserwg nyob hoqgv, ho Naptalig nyob hoqgv, hoo Basan ho doonbo Manasseg nyob papo gon hoqgv bopam camleq oum go jim dvb tak cinglinum.

⁷‍Merari nyiilungam Reubenwg nyob hoqgv, ho Gadwg nyob hoqgv, hoo Jebulunwg nyob hoqgv bopam camleq vnyi go jim dvb tak cinglinum.

⁸‍At Sw Mojes lvgab gaml jinam hvb, soq bopam tulu sam la nwmw doonbo gvdangam Israel nyiilungv tak cinglin layil Lebi nyi tulungam jiknum.

⁹‍Judag nyob nyiilug hoqgv la Simeonwg nyob nyiilug hoqgv soq eminam bopam tulu sam bulv jinum,

¹⁰‍ho hoq tuluhv Aaron gv hosiq Kohat nyi tulug nyob dvpar Lebi nyi tulungam jiknum; hoggab tak cingnamv bulam otuqcob cingcanum.

¹¹‍Judag diisw gvda Kiriat-arba (Arba Anakwg abv), hoqhv Hebron gvdag nwmw naleqgo dook gvdangam bulv bulam jiknum.

¹²‍Hvbmabde bopamg rongo tulungam la hoqg nampam tulungam Jepunneg ko tuup Kalebnvn otu naam dvb jiknum.

¹³‍Hoo nyub Aaron gv hosiqkam bulv Hebron, ho nyi mengpel kigwl-cwwgw ko bopam mam, ho hoqg lvgab nwmw dook gvdangam, ho Libna lvgab hoqg nwmw dook gvdangam jiknum,

¹⁴‍Jattir lvgab hoqg nwmw dook gvdangam, ho Estemoa lvgab hoqg nwmw dook gvdangam,

¹⁵‍Holon lvgab hoqg nwmw dook gvdangam, Debir lvgab hoqg nwmw dook gvdangam,

¹⁶‍Ain lvgab hoqg nwmw dook gvdangam, Jutta lvgab hoqg nwmw dook gvdangam, Bet-semes lvgab hoqg nwmw dook gvdangam jiknum—nyob vnyi soqgv bopam kiya go jiknum;

¹⁷‍ho Benjamin nyob tulu hoqgv, Gibeon lvgab hoqg nwmw dook gvdangam, Geba lvgab hoqg nwmw dook gvdangam,

¹⁸‍Anatot lvgab hoqg nwmw dook gvdangam, hoo Almon lvgab hoqg nwmw dook gvdangam—bopam vpy go jiknum.

¹⁹‍Nyub Aaron gv hosiqkv bopam naaknamv camleq oum gola hoqg nwmw dook gvdangam naaknum.

²⁰‍Lebig nyob hoolu Kohat nyi tuugin ham Iprayim nyob tulug bopam hoqgv bulam gvda jilinum.

²¹‍Ho bulam jiknum nyi mengpel kigwl cwwgw ko bopam, Sekem mam la hoqg lvgab Iprayim diisw gvdag nwmw dook gvdangam, Gejer lvgab hoqg nwmw dook gvdangam,

²²‍Kibjaim lvgab hoqg nwmw dook gvdangam, Bet-horon lvgab hoqg nwmw dook gvdangam—bopam vpy go jiknum;

²³‍hoo Danwg nyob hoqgv, Elteke lvgab hoqg nwmw dook gvdangam, Gibbeton lvgab hoqg nwmw dook gvdangam,

²⁴‍Aijalon lvgab hoqg nwmw dook gvdangam—bopam vpy go jiknum;

²⁵‍hoo Manasse nyob papo gon hoqgv, Taanak lvgab hoqg nwmw dook gvdangam, hoo Gat-rimmon lvgab hoqg nwmw dook gvdangam—bopam vnyi go jiknum.

²⁶‍Kohat nyi tuugin hoqg bopam lvgab hoqg nwmw dook gvdangam naaknamv wyw gob nyinum.

²⁷‍Hoo Lebig nyob hoolu Gerson nyiilungam Manasseg nyob papo gonwg dook Basan ho, nyi mengpel kigwl cwwgw ko bopam, Golan lvgab hoqg nwmw dook gvdangam, hoo Beestera lvgab hoqg nwmw dook gvdangam—bopam vnyi go jiknum;

²⁸‍hoo Issakarwg nyob tulu hoqgv, Kision lvgab hoqg nwmw dook gvdangam, Daberat lvgab hoqg nwmw dook gvdangam,

²⁹‍Jarmut lvgab hoqg nwmw dook gvdangam—bopam vpy go jiknum;

³⁰‍hoo Aserwg nyob tulu hoqgv, Misal lvgab hoqg nwmw dook gvdangam, Abdon lvgab hoqg nwmw dook gvdangam,

³¹‍Helkat lvgab hoqg nwmw dook gvdangam, hoo Rehod lvgab hoqg nwmw dook gvdangam—bopam vpy go jiknum;

³²‍hoo Naptalig nyob tulu hoqgv, Galili hoqg Kedes, nyi mengpel kigwl cwwgw ko bopam, lvgab hoqg nwmw dook gvdangam, Hammot lvgab hoqg nwmw dook gvdangam, hoo Kartan lvgab hoqg nwmw dook gvdangam—bopam oum go jiknum.

³³‍Gerson nyiilungam bopam lvgab hoqg nwmw dook gvdangam jiknamv camleq oum gob nyinum.

³⁴‍Jebulunwg nyob tulu hoqgv Lebi nyi tuugin Merari nyob dvparam Jokneam lvgab hoqg nwmw dook gvdangam, Kartan lvgab hoqg nwmw dook gvdangam,

³⁵‍Dimna lvgab hoqg nwmw dook gvdangam, Nahalal lvgab hoqg nwmw dook gvdangam—bopam vpy gob jiknum;

³⁶‍hoo Reuben nyob tulu hoqgv, Bejer lvgab hoqg nwmw dook gvdangam, Jahaj lvgab hoqg nwmw dook gvdangam,

³⁷‍Kedemot lvgab hoqg nwmw dook gvdangam, hoo Mepaat lvgab hoqg nwmw dook gvdangam—bopam vpy gob jiknum;

³⁸‍hoo Gadwg nyob tulu hoqgv nyi mengpel kigwl cwwgw ko bopam Gilead ho doonbo Ramot lvgab hoqg nwmw dook gvdangam, Mahanaim lvgab hoqg nwmw dook gvdangam,

³⁹‍Hesbon lvgab hoqg nwmw dook gvdangam, Jajer lvgab hoqg nwmw dook gvdangam—bopam vpy gob jiknum.

⁴⁰‍Lebi nyob hoolug Merari nyiilungam bopam jiknamv odum-apal camleq vnyi gob nyinum.

⁴¹‍Israel nyiilug pengko ho Lebi nyi tulug bopam mam hoqg nwmw dook gvdangam naaknamv campy leq piin gob bopam tulungv nyiknum.

⁴²‍Soq bopam tulug bviywr-bvcarho nwmw doonbo gvdangv doonum. Soq tulu si hoqg bopam tulungv.

⁴³‍Bulug ab tulungam jidwb dingr kunam gvdangam At Sw bulam jinum. Hoo bulv ham otub naaknum, hoo bulv hoqho nvmcw cwwl dooknum.

⁴⁴‍Hoo mwv bulug ab tulungam dingrnam hvb At Sw, hoqg bviywr-bvcaram bulam jinum. Bulug nyemaqkv bulam akkam dvqrwq nyomanum, hoggab At Sw bulug ceebio mwlwngam bulug alaqho gvqlwq jiknum.

⁴⁵‍At Sw Israel nyi tulug nombungam albo gomcwram dingr kunam mam gamg kam apaq maab niqtuq nyilinum; mwlwngam niqtuq lengm kunum.