Read Nyishi JOSUA 5 Bible Online

JOSUA 5 - Nyishi bible

JOSUA 5

¹Hwdlo dou-haagag Jordon gvdaho doonbo Amor nyi tulungv, hoo sa-svlo bviywrho doonbo Kanaan nyi tulug lvpw at tulungv At Sw Jordon pobungam pwtw dvb mvtwl Israel nyiilungam rapeq mvpa ku hvnam mam tapa twqtwl, bulug hangv hoxa kunum hoo Israel nyiilungam bos kunv vcwr gokam haakam dook maanum.

²‍Hoq moodho At Sw Josuanvn benum, “Israel ko tuup tulungam lwnyi dvb mux mvdwb areqbo yoqc lo mvto.”

³‍Hoqgab Josua areqbo yoqc naalayil Israel ko tuup tulungam Gibeat-haaralot ho mux mvknum.

⁴‍Hoo Josua bulam mux mvnam si hvbaloqkam: Ijipt hoqgv lengk bo nyiilug nyega mwlwngam, hoo nyob palaqbo nyega mwlwngv deexa-rara lamta ho Ijipt hoqgv lengxo kokw so bulv siyum paku.

⁵‍Ijipt hoqgv lengn bo nyiilungam mux mvknum, hvbmabde Ijipt hoqgv lengxo kokw so deexa-raraho ko bwwnam nyiilungam pepaql-mux mvmanum.

⁶‍Hoggab Israel nyiilungv deexa-rara ho nyob akwb nyitwl vnyw campy gob wl doonum, ho nyob palaq tvl Ijipt hoqgv lengk bov siyum kunum, hoggab bulv At Swg benam mam tvjw maanum; wtw lyuminko la ngola biqminko gvdangam At Sw bulug ab tulungam jidwb dingr kunam mam, At Sw gvdangam bulam kaapa mvk maanum.

⁷‍Ho bulug kwlib, bulug ko tulungam swwrab mvnam tulungam Josua pepaql-mux mvnum. Hoggab bulam pepaql-mux mvma tanum, hoggab bulam lamta ho pepaql-mux mvmanum.

⁸‍Hwdlo nyi mwlwngam mux mvnya tvl, bulv bulug svmcw dookho nyookho unv geema deedib doonum.

⁹‍Hoo At Sw Josuanvn benum, “Ijipt hoqgv kac-kanyiaq kam soolo ngo nulug hoqgv darxaq pakun.” Hoo hoqgab soolo godab hoq nyookam Gilgal hvl emin goqdwn.

¹⁰‍Hwdlo Israel nyiilungv Gilgal svmcw ho doodu yikho, bulv Jeriko haapa ho hoqg poolwg aal camleq loopy ariyum ho Dvtv Durum dvnam mam dvrab kunum.

¹¹‍Hoo Dvtv Durum dvnam aalam duiyum kokw so, bulv gvda hoqgv dvs lengn boam opap kiilwq maanam wtwngam la vmbinam vcin mvl dvknum.

¹²‍Hoo gvda hoqgv dvs lengn boam dvxo dvk aal loogwn hoqgv mannangv yaql kumanum. Hoo hoq gvjaq Israel nyiilu gab manna dook maanum, hvbmabde hoq vnyw ho bulv Kanaan gvda hoqg aaxy lengn boam dvknum.

¹³‍Hwdlo Josua Jeriko ho doodu yukho, mwwg vnyiqkv piorabnv kaanum, hoo kaato, nyega ak mwwg alaqho lyoqr orioqkam poobw tvl doqdu dvb kaapanum. Hoo Josua mwwg dookub wbnv mwam benum, “No ngul gab yv, ma ngulug ceebio ngvi yv?”

¹⁴‍Hoo mwv benum, “Ma; hvbmabde ngo At Swg sipaiyam nyig bov hvl benum. Sija ngo haapa kun.” Hoo Josua mwwg nyuqm mam ked namgob pvxw tvl mwam xumnum, “Hoggv ngoqg bir at mwwg nyera gab bilwq de?”

¹⁵‍Hoo At Swg sipaiyam nyig bov Josuanvn benum, “Noqg lvpia hoqgv noqg samtaqnan ham pipaqto, hoggab noqg doqdu ko nyook hv dvrwq dvn.” Hoo Josua bekjaqb nyiknum.