Read Nyishi 1 TIMOTI 4 Bible Online

1 TIMOTI 4 - Nyishi bible

1 TIMOTI 4

¹Yalv bidlalal bedwn, kuiyum mam kokwngam nyi tuugin mwwjwnam mam axia peekul bulv xaalyo bo yalwg benam mam tal uiyig tomswrnam mam bugil swwtayin.

²Soq svk tomswrnam si xaalyob vm mvvnbo nyi tulug hoqgv lengdwn, bulug mwwcin nanv yoqdwr oggv gux kunam hvb nyidwn.

³Hoqhvk nyiv sulak nyem naanamv al maadwn ho dvnam tuuky gon dvma bvk hvl bedwn. Hvbmabde Pwnbov hog mwlw dvnam mam dvm dvb pwnum, hoqgab mwwjwbo la jvqtwngam cengk bo tulungv dvma daab paqyalinco hvl xumtwl svgagvrwql dvto.

⁴Pwnbov pwnam hog mwlw luuxiv aldvn, hog akkam haqdwb nyima dvn. Hvbmabde hoq mwlw ham Pwnboam xuml paqxo tvl dvdwb nyidwn.

⁵Hoggab hoqham Pwnbog agamv la swgwnamv dvrwq dvb mvdwn.

⁶Vbw-bor tulungam soq mwlw sam tomswr baloqkam no atv mwwjwnam agam mam dvtv sul yal lo swwnam hoo jvqtwb tomswrnam mam tal nyinam hv no Jisu Kristog nyera albo akgob nyitayin.

⁷Hvbmabde niqtuq doomabo goonam tulungam tamabv. Hvbmabde no atam nyiidar nyiib nyil swwdwb nyinyoqto.

⁸Gv vpam nyinyoqnamv meeg xinamv doodwn, hvbmabde yal gab nyinyoqnamv hog mwlw gab sijag swwg gab kam ho kokw gabkam aldvn.

⁹Soq benam si jvqtwngv, mwlwngv loomin gvdwb la tvjw dvb nyidwn.

¹⁰Soq pagoq soq gablak ngulv nyelinb domdu dvn ho ator alwb bon nyidwn. Hoggab ngulv nyi mwlwg Pwnbo, hvb jaqkam mwam mwwjwbo nyi tulug simab turl doonbo ngulam ywwt ywwnbo Pwnbog alaqho ngulv hingwdvn.

¹¹No soq mwlw sam gaml jito hoo tomswrto.

¹²No yaapa nyiib nyigam gab, nam hiyv nvkam henjab komabv; hvbmabde no nyi nyiily albo nyiib nyigdvl mwwjwbo nyi tulungam kaag mvdwb, no agam gook mwlwho, nyitaq mvtaqho, abyko ho, mwwjwnamho hoo dvrwq namho kaag dvb nyito.

¹³No dvrwqbo potangam nyi tulungam poory rikinko ho, bekinko ho tomswrko ho noqg mood moomangam ngo hvvc maady deedib jito.

¹⁴Nyiqry kaanbo ho axa tulungv noqg aoho bulug alaqngv idaql xumdwkho yalv nam lvqc cinam lvqcam no osum palam maabv.

¹⁵Soq mwlw sam no bon nyinbo hoo no mwwgab lala gvdwl sam haagabl nyito, hoo noqg alwb swwrabnam mam nyi tulungam kaapa dvb jito.

¹⁶Noqg pagoqkam la noqg tomswrnam bvrwqkam hengab to; hoggab no ham nyib nyiloqkam no atamkam hoo noqg benam mam tanbo nyi tulungam ywwtayin.