Read Nyishi 2 TIMOTI 1 Bible Online

2 TIMOTI 1 - Nyishi bible

2 TIMOTI 1

¹Pwnbog mwwlwqkob Jisu Kristog xuqnam ho Jisu Kristog tolo ngulug swwgv dood nvk hvl dingrwl apnam puiyam bekin mvdwb kanamnam Poul galoqkv—

²Ngoqg tumanam ko tuup Timoti gab. Ngoqg Ab Pwnbov la At Sw Jisu Kristo nam anyangam, ayangam hoo swrsomalongam jignvka.

³Ngoqg ab ann tulungv xumnam hvbkalam ngo atwg hangv hingxw cwrwl cengtwl ngo Pwnboam paqdwn. Ngo aalam kam aiyam kam ngoqg swgw gwwcw gwwtam looxiam nam bepa banv Pwnboam paqdwn.

⁴Ngo noqg nyiqs dinam mam mwwpal ngo nam kvvnw aldo, ho ngo nam kaapa kubaloqkam ngo hemp al taikun.

⁵Ngo noqg atorjaqb mwwjwnam mam mwwgab dvn, hoqkv noqg xox ann Loiswg la noqg ann Iyunisg mwwjwnam mam kam mwwpa dvn. Ngo jvqtw jaqb mwwjwdvn no kam hvb mwwjw dvnpv mwwdo.

⁶Hoqgab ngo nam bepadvn, no Pwnbog aky jinam lvqcam niim maab apto, hoggab ngo noqg aoho alaq idaql Pwnboam xumnum.

⁷Hoggab Pwnbov ngulam jiknam yalv ngulam bos somdvb jima dvn, hvbmabde mwwg ngulam jinam yalv ator al mvdwb, abynam ho atam cwqswl mwwlaqnan atoram jidwn.

⁸Hoqgab no ngulug At Swg puiyam bedwb, ho ngoqg mwwg gab pvtwq doonam puiyam bedwb hvnyw bos maabv. Hvbmabde Tugu Pui gab ngoqg lvgab hentwr hemin gvdwb mwwto, hoggab Pwnbov hoqham cwqn nanam Pwnbov ator jitayin.

⁹Mwv ngulam ywwpa kun ho ngulam mwwg nyiib nyim dukub bibwq kunam si ngulv hog nyis tulungam ak nyigam gab ma, hvbmabde mwwg atwg mwwlwqko gabsu ho mwwg ngulam anyako gab sulak mwv ngulam mwwg anyangam kol moodv lengma daaho Kristo Jisu galoqkv jil ap kunum,

¹⁰hvbmabde sija ngulam ywwnbo Kristo Jisu haaknv mwwg galoqkv ngulam kaakin pakun. Hoggab Kristo swwgwg atoram tugu puiywg lvgab mviya tukul ngulam nywywngam sima bo nwrba cwtam swwgam kaakin pakun.

¹¹Pwnbov mwwg Tugu Puiyam bekin mvdwb la tomswr mvdwb ngam xuqlin jipan.

¹²Hoqgab sulak ngo soq hentwr sam hendwn. Hvbsujaqkam ngo mwwjw swsw dvn, hoggab hiyvn ngo mwwjwdvn ham ngo cengdwn, ho mwv ngam hoq Aal nagub rvkil aptai nvbo hvl ngo mwam hingw dvn.

¹³Ngoqg galoqkv noqg taknam tomswrnam jvqtw agam mam mwwgab gvdwl noqg swwgwb apto ho Kristo Jisu galoqkv kaapanam mwwjwngam la abynam mam mwwgabto.

¹⁴Albo lvqcam nam ap mvdwb jinam mam no ham ngulug hang uraso doonbo dvrwqbo Yalwg ator lvgab hvvmin apto.

¹⁵No cengdo, Asiya gvda so doonbo nyi tulu mwlwngv ngam axia kunum, hoq pengko ho Pigelas la Hermojinis doodwn.

¹⁶Pwnbo albo Onisiporaswg imiqkam aya gvnka, hoggab mwv ngam vigo biywr-bebianum. Mwv ngoqg pvtwq uraho doonam mam kaadwb hvnyw bos maanum,

¹⁷hvbmabde mwv Roman ho wc twqda kalam ngam meegaql mvpa maady deedib meegaqnum.

¹⁸Pwnbo At Sw mwam hoq Aalam ayangam At Sw galoqkv kaapa mvdwb jignvka! Ho no sam kam cengdo mwv hog hwdgo Ipisi alo mwv ngoqgab nyijnum.