Read Nyishi 1 JON 1 Bible Online

1 JON 1 - Nyishi bible

1 JON 1

¹Kol otuqjaq hoqgv dooky kunbo swwg agam mam, ngulv ham tapa tukun, ho ngulv atwg vnyiqkv kaatkun, ho ngulug atwg alaqkv hubdy pwcwl hubkal kaatkun. Hoq pagoqkam ngulv nulam xeqg dvn.

²Soq Swwg si kokw so vnyiqkv kaapa dukub nyidikho ngulv sam kaatkun. Hoqgab ngulv soq pagoqkam goodwn, ho Atwg lvgab doonbo nwrba cwtam swwg bvrwqkam ngulam bekin kunam mam ngulv nulam bekin dvn.

³Ngulv hognvkam kaatkun ham nulamkam bekin dvn. Hoggab nulvkam sam tatwl ngulv hoggub nyil Abwg lvgab la mwwg Ko Tuup Jisu Kristog lvgab doobanam hvbkalam nulamkam ngulug lvgab lvkin gob swwbaml hang pwkinb mwwl swwm dvb mwwdwn.

⁴Ngulv soq sam xeqnam si hvb loqkam ngulug hempam niqtuq lengm dvb hvl xeqg yin.

⁵Soq pui si mwwg ko tuup galoqkv ngulug tapa kunamv; hoqgab nulam sam bekin dvn. Pwnbo hutongv, ho mwwg uraho miceqko gokam kan dooma dvn.

⁶Ngulv mwwg lvgab lokub dooba dvn hvl bejo ywwtwl ngulv kan uraho doob nyiloqkam ngulv agam mvkam ho bon nyik hookam vm dvn. Ho jvqtwngam tal swwma dvn.

⁷Hvbmabde ngulv huto uraho doob nyiloqkam, mwv huto ho doodwn, ngulv akwn akwnwg lvgab lokub dooba dvn, ho mwwg Ko Tuup Jisug uiyv ngulam hog mwlwg nyic luuxy hoqgv nyedar darxaq dvn.

⁸Ngulv atv ngulug nyic nyinam dooma dvn hvl beb nyiloqkam ngulv atam vm mvvs dvn ho ngulug uraho ngulv jvqtwngam doog maadwn.

⁹Hvbmabde ngulv ngulug atwg nyic nyinam mam betam baloqkam mwv mwwg birwl apnam mam niqtuq lengm dvb jitayin, hoo hognvkv aldvn ham mvtayin; mwv ngulug nyic nyinam mam apaq jitayin, hoo ngulug hog mwlw nyixiaq wxiaq kunam mam dvrwq dvb nyedar darxaq taikun.

¹⁰Ngulv atv nyic nyimak hvl beb nyiloqkam ngulv Pwnboam xaalyo bogub bedwn, hoo ngulug uraso mwwg agamv dooma dvn.