Read Nyishi 3 JON 1 Bible Online

3 JON 1 - Nyishi bible

3 JON 1

¹Nyiixa bo Nyi ak galoqkv- Ngoqg jvqtw jaqb tumab abynam Gaius.

²Ngoqg tumanam ajin, ngo xumdwn noqg nyitaq mwlwho alwb no nyinka hvl hoo noqg gv ayaq ngvkam hoqgv ngo cengdwn noqg Yalv kam ngoqg cengnamv alwb doodwn mwwdo.

³No mwwjw alwl doodwk hvl vbw-bor tulu gon ngoqg dook si wcwl ngam betamnam mam tatwl ngo hemp al mwwpanum hoo no looxiam jvqtwngam mwwgab doonamv aljaqdo.

⁴Ngoqg ko tulungv jvqtwg uraho doodwk hvl tapa tvl hemp ponam hvb ngo hoglokam hemp pobin yaanam dooma dvn.

⁵Ngoqg tumanam ajin, noqg mwwjw swwswl noqg vbw-bor tulu gab bon nyinam mam bet lakam kaacin maanam nyiin tulungam noqg svkanam mam tatwl paqdwn.

⁶Bulv noqg bulam abil anyanam mam soq dvrwq namlo si bepanum. No hvraqb bulam svka kaagdvl bulug nyoyw wtungam wwm dvb noqg yuunam mam Pwnboam hang xumdvb nyito.

⁷Hoggab bulv Kristog bonam nyidwb hvl mwwjw maanbo hiyv galoqkam svka nvvrwq maab nyinum.

⁸Hoggab ngulug Kristan nyi tulungv soq nyi tulu sam svka dvb nyidwn, hoqhvb ngulv kam bulug jvqtw bonam nyikho nyiba dvb nyidwn;

⁹Ngo dvrwq namlongam pota tvqcw go xeqtwn; hvbmabde atam nyig wgbo gob mwwnbo Diyotrepes ngoqg benam mam miceq gokam tama.

¹⁰Hvbmabde ngo wtayin, ho ngoqg wc yukam ngo mwwg nyinam wnam hog mwlw luuxy cwram bepor tayin, hoo mwwg ngulam bec-beyal benam mam la mwwg xaalyob benam mwlwngam belin tayin. Ham twqma, mwv Kristan vbw-bor tulungam svgagvrwq ma, hoo nyi asaqkv bulam svgagvrwq tai nyiloqkam bulamkam ham nyim maab betor dvn hoo bulam dvrwq namlo hoqgv agab ruqlin dvb nyidwn.

¹¹Ngoqg tumanam ajin, hognvkv almadwn ham nyimin gvmabv, hvbmabde hognvkv aldvn ham nyimin gvto. Hiyv albo bonam nyidwn mwv Pwnbog nyiv, hoo hiyv almanbo bonam nyidwn hoq nyi akv mwv Pwnboam kaaka ma.

¹²Nyi vxy cwrv Dimitriasnvn paql bedwn; hoo jvqtwngv atam kam mwam alpak hvl paqdwn. Ngulv kam hvvky swwdwn hoo ngulug hvvky puiyv jvqtw dvn ham no cengl doodo.

¹³Ngo nam xeqsv vigo doos do, hvbmabde ham ngo pota rooxob nyinw ma.

¹⁴Ngo nam oyu maadab kaapa tayin, hoo ngulv kvvrwql goomin sutju.

¹⁵Swrsomalongv noqg lvgab doonka. Ngoqg ajin mwlwngv nam alwb dootka hvl bilwqdo, ngulug ajin mwlwngam ngulv alwb doodwk hvl betam to.