Read Nyishi NYIQRY 17 Bible Online

NYIQRY 17 - Nyishi bible

NYIQRY 17

¹Kokw so huc kvn go bvvnbo ao gumtw kvn pengko hoqgv akwn ngam benum, “Haagdvl kaato, ngo nam swsw yuupwnam meqjo bo buu tulug soiyoqho doonbo nampam mam hogbvxeq laqm-baqm tayin ham kaakin tayin.

²Gvda gvt soq lvpw at tulungv mwam yocu-yabio nyinum, ho gvda gvtwg nyi tulungv mwnwg nyis-nyipeqnam almanbo opo hoqgv twwxum kunum.”

³Yalv kokw so ngam mwwg alaqho bvvnum, hoo ao gumtwngv ngam diixa-rara bool wgnum. Hoq diixa-raraho ngo nyem ak lwwcw bo mooro nyi akwg aoho doodunam mam kaapanum. Hoq mooro nyi akwg aoho Pwnboam hvnyw-har bisul xeqpwl apnam mam kaapanum. Hoq mooro nyi hv dumpongv kvn go baqnum, ho vrrwngv rwwyw taqtgo gvnum.

⁴Nyem akv lwwsa bo ho lwwcw bo vj koonum, ho rup hun gujv hoqho gvnum. Nyem akv mwnwg alaqhv hun pvtaq taqg bvvnum, hoq pvtaqhv kac-kanyiaqbo mwnwg nyis-nyipeql nyinam hoqg niqtuq pvtaq tvqpw go doonum.

⁵Mwnwg tuqt aoho niqtuq jaqkam hiyvkam cengmanam ura pui bvrwq ak hoq eminam xeqpwl apnum; “Bebilonv mwlwngam meqjo gvnbo hoo gvda gvt mwlw soq oyumnam ann nukumv.”

⁶Ho ngo nyem akam dvrwqbo nyi tulug hijum mam la Jisun mwwjw ko-gab mengknam nyi tulug hijum mam twwxum tvl doodwb kaapanum. Ngo nyem akam kaatwl, loma vrram loml deedy jaqgob mwwnum.

⁷“No hoggub lomdwn?” hvl ao gumtw akv ngam benum. “Ngo nyem ak hoqg ura bvrwqngam ho nyem akam baqnbo mooro nyi akwg dumpo kvn go baqnbo ho vrrw rwwyw go gvnbog bvrwqngam nam bekin tayin.

⁸Noqg kaanam hoq nyoro nyi ak vv aal gol turl doonum, hvbmabde sija mwv turma dukun, mwv ked ung ura hoqgv leng layil twrdwb wtayin. Ho gvda gvt sam pwma daqd hoqgv swwg pota uraho emin xiqlwq maanam nyi tulungv hoq mooro akam kaatwl bulv deedy jaq gokbo mwwl lomtayin. Soq si lok turl doonum, hvbmab sija si turl dookma, hvbmabde soq si lokta lingkur tayin.

⁹“Soq so pumb rwnam hangv doodub nyidwn. Dumpo kvn hv nyem ak hoqg dootamnam puutu kvnnam bedwn. Ho lvpw at kvnnam kam begdvn.

¹⁰Anggon dubn kun, akwn hvraqb lvpwngam bvvdu dvn, ho akwn hvraqb haasv dooxiq dvn. Mwv haatayin, hvbmabde mwv oyu go lvpw pwduram.

¹¹Hoq mooro nyi ak hv lok turl doonum, hvbmabde mwv sija turl dook maanbo lvpw at akv; mwv atv piin deen lvpw atv, mwv kvnwg pengko hoqg akwn, mwv sija sig nyookub twrk dvb wta yukun.

¹²“Hoqgv noqg vrrw rwwyw taqtgo kaanam hv lvpw wyw taqtv, mwv sija lvpwngam bvvrab maada. Hvbmabde mooro nyi akwg lvgab wm swlw durgob mwam lvpwngam bvvm dvb atoram jitayin.

¹³Soq wyw taqt soqg nyidynamv bulgab akinv, hoggab bul mwlwg atoram la nyidynam mam deexa-rara nyi akam jipan.

¹⁴Bulv Sviya koam ceebio nyemaqb daql sonyiv nyob patayin, hvbmabde mwwg dvgoq goqnam, xuqnam tulungv la mwwjwbo buu tulungv bulam nyob paiya tayin, hoggab mwv at tulungam At Sw yaangv hoq lvpw at tulungam Lvpw at yaangv.”

¹⁵Ao gumtw akv ngam benum, “Yocu-yabio nyinbo nyem akv dootamnan noqg kaapanam iss hv nyiilu gv hoo nyiitw mvqlw gv hoo nyob tulungv hoo agam goa tulu gv.

¹⁶Noqg vrrw rwwyw taqtgo kaanam hv mooro nyi ak hv meqjo bo nyem akam oyum tayin. Bulv hoq nyem hoqgam hog mwlwngam doonam mam naareq tukul mwam asar talo dvb apaq tayin, bulv hoq nyem ak hoqg vdinam dvtayin ho mwam wm uraho parxia tayin.

¹⁷Hoggab Pwnbov mwwg agamv niqtuq lengnam gob mwwg hang mwlwqkob lokub nyimdvb bulug hang uraho mwwg pagoqkam jitwl mooro nyi akam bulug atoram jinum.

¹⁸“Ho noqg kaanam nyem akv hv gvda gvt soqg lvpw at tulungam bvvnbo lvpw koi xitorbo akv.”