Read Nyishi NYIQRY 6 Bible Online

NYIQRY 6 - Nyishi bible

NYIQRY 6

¹Hoq kokwb ngo Sviya ko akam otuqjaqb morxtubnam pota vtiqngam taqgin mvko dvb kaanum, hoq kokwb ngo turl doonbo akwn hoqg doogum dunam hvb agam benam ak, “Haato!” hvl benam mam tapanum.

²Ho ngo kaanum, hoqho puulubo svpur dorg daqnum. Hoq svpur aoho caobo akwg alaqhv illy daag bvvnum, ho mwam ywr dumtup ak jinum. Kokw so mwv mviyal wknum ho mviyabo akam mviya taab wdunum.

³Hoq kokw so Sviya ko akv morxtubnam pota vtiq tiqnyi deenam mvkonum ho turl doonbo svdin vnyi deenv, “Haato!” hvl benum.

⁴Hoq kokwb lwwcw bo svpur dorg lengnum. Hoq svpur aoho caobo akam gvda gvt so nyob paiyaq mins mvdwb atoram jilwqnum, ho nyi tulungam akwn akwn mvmin sul sim dvb jinum. Mwam lyoqr orioq daat jaqn bog jinum.

⁵Hoq kokwb Sviya ko akv oum deen muxul apnam pota vtiqngam mvkonum. Ho oum deen turl doonbo nyi akv, “Haato!” hvl benam mam ngo tapanum. Ho ngo kaiya bo svpur dorg kaapanum. Hoq svpur aoho caobo akwg alaqho xinnan pala ak bvvnum.

⁶Ho ngo turl doonbo nyi vpig pengko hoqgv agam benamgo tapanum, hv benum, “Aalam rwqjonam hwdgo wtw am loq hucgo ho aalam rwqjonam hwdgo tanyeq loq huc ciumgo, hvbmabde kuty svvnam la roo boolungam muiyu maabv!”

⁷Sviya ko akv kokw so morxtubl apnam pota vtiq tiqpy deenam mvkol taakoqnum. Kokw so turl doonbo svdin vpy deen hoqg “Haato!” hvl benam mam ngo tapanum.

⁸Ho ngo kaanamv hoqho gv ojv lwwsa-lwma bo svpur dorg daqnum. Hoq svpur aoho caobo ak hoqg eminv Sinam hvl doonum, hoq kokw kokwb Oramv wmin gvnum. Ho bulam gvda gvtam vpy gob mvpin tvl, akwn mvpinam hoqgv nyob panam, dwr-kano, vcnam hoo gwr-sonyiam mengm dvb gaml jipa kun.

⁹Kokw so Sviya ko akv morxtubnam pota vtiq tiqng deenam mvkoqnum, Ho Pwnboam mwwjwl Pwnbog Tugu Puiyam haakam alwb bekarko gab mvnya kunam bulug Yalam ngo yugw pvvk niikum gol kaapanum.

¹⁰Bulv vc alwb sogoql benum, “Mwlwngam ator yanbo, dvrwq bvla jvqtw bo At Swv! No hwdlo aalam gvda gvt so doonbo nyi tulungam bulv ngulam mengk gab bulam pw-hwwl laqm-baqm tayin?”

¹¹Bulam vxiam kamt puulubo hoq rumsaq twqb koom dvb jinum hoo bulv benum, nulug bon nyibam nyera ajin tulungam ho bor tulungam mingyumnam gob nulv miceqgo doonu to.

¹²Hoq kokwb ngo Sviya ko akv morxtubl apnam pota vtiq tiqx deenam mvkonam mam kaapanum. Hoqho nyioby ak vcjaqb hwqnum, ho doonyiv vj jex kaiya bo hvb kan kunum ho poolv kam ui hvb lwwcw kunum.

¹³Takarv gvda gvtwb, taoq aaxy ningma bov doogum dooiyv vcjaqb wikam taoq svvnam lywdin yukam yoqlnam hvb yoqlnum.

¹⁴Cwwnyiaq-doonyiaqngv potangam vtiq tiqnam hvb tiqlub kunum hoo yornam hoo iss boqcumv bulug dook hoqgv wleq kunum.

¹⁵Kokw so gvda gvt soqg lvpw atv, saab tulungv, sipai nyemaq tulungv, ab bokum tulungv, nyi mwlwngv, nyetv la aro tulungv bulv atam lwwpwq ho lwwn urahv, yorn aoho kvs sikarl yvnum.

¹⁶Bulv yornam la wlwngam benum, “Hun pvlw aoho doonbo ho Sviya ko akwg hang lengnam hoqgv ngulam kvsil apdvb ngulug aoso geqtin to!

¹⁷Hoggab hang lengdynam moodv haapa ku ham hiyv sija daqtor nyotayin?”