Read Nyishi NYIQRY 9 Bible Online

NYIQRY 9 - Nyishi bible

NYIQRY 9

¹Kokw so ao gumtw ang deenv mwwg tuuliam miqnum, ho ngo takar cwrg ao gvda toloqgv gvda gvtwb yoqlnam mam kaapanum, ho mwam nywywngam hocmanam hotup doomabo ung hoqg sabi heqkonanam jinum.

²Takar cirv hoq ungngam heqkonum ho wm mwkv hoq ura hoqgv wm mvram ramt jaq galoqkv lengnam hvb wm mwkv juulin banv doonyig hutongam ho doonyi-pool aongam hwrlub apnum.

³Wm mwk ura hoqgv komar takamv gvda gvtwb ipoqnum ho bulam pooxu-yvs cumdwqkv hog hwdgo atordvn hvdkalam go bulam atoram jinum.

⁴Bulam nwmwngam, svvnam ho asaq svvnam muiyu mabwk hvbmabde Pwnbog morxtubnam mam bulug tuqtam aoho baqma dvn ham aro muiyu mvdwb benum.

⁵Komar takam tulungam soq nyi tulu sam mvmdvb jima, hvbmabde pool barng go hentwr kaanyi henl doom dvb jitwqpan. Hoq hentwr kanyiv pooxu-yvs ponam cumdwq hvb nyitayin.

⁶Hoq pool barngwg uraho bulv sidwb mwwtayin, hvbmabde sigv bulug ogum hoqgv keleqtayin.

⁷Komar takam tulungv nyob parab dvb nyix-nyiaqbo svpur tulu hvb nyinum. Bulug dumpo ho hun ywr dumtup hvb nyinbo bopyangam bengnum, bulug nyuqmv nyi tulug nyuqtuq-moor hvb nyinum.

⁸Bulug dumpo dumv nyem tulug dumpo dum hvb nyinum. Bulug exiv sony nyot exy hvb nyinum.

⁹Bulug swqbwngv lyoqdwr soruq gvpan jaq hvb nyinum, ho bulug alap labdinamv nyob patab wikam svpur vijaqg xaryikam ked dudinam hvb dunum.

¹⁰Bulv amiv baqdwn ho lvtaqngv pooxu-yvs ponam hvb pondvn ho bulug amy lvgab nyi tulungam pool barng gob pontayin.

¹¹Bulug aoho lvpw at ak doodwn, mwv nywywngam hocmak ung ham agamb Apollion (Hvgdvn hv “Twrnbo”).

¹²Otuqjaqb bosnam hentwrv wnkun, soq kokwb vnyw gota bosnam hentwrv haasv dooxiq dvn.

¹³Ax deen ao gumtwngv mwwg tuuliam miqnum, ho Pwnbog agaho doonbo hun yugw pvvk hoqg cuukiq vpy hoqgv agam yal ak dulin dvb ngo tapanum.

¹⁴Hoq agam Yalv ax deen ao gumtwngam benum, “Iupratas pobu hotbo ho nootul apnam ao gumtw vpiam tolinto!”

¹⁵Ho ao gumtw vpiam hoq mood gab, hoq aal gab ho hoq vnyw gab hoq pool gab nyia ko acam oum hoqgam akwn mengm dvb tolinum.

¹⁶Ngam betamnamv svpur aoho caobo sipaiyv lwwyw lwwyw lwwnyi lwwyw gob nyinum.

¹⁷Ho ngoqg kaapanamv svpur tulungv hoq aoho caobo tulungv, bulug soruqngv wm hvb lwwcwnum ho jeenum ho nyenda kvlanum. Svpur tulug dumpongv sony nyot dumpo hvb nyinum ho bulug agam ura hoqgv wmv bioqlinum, hoq mwkv suuc jaqb sulinum.

¹⁸Hoq hentwr oum hoq wmv, wm mwkgab ho svpur agam hoqgv lengn bo suucbo norv nyia koam acam oum hoqgam akwn mengknum.

¹⁹Svpur tulug atorv bulug agamhv la amiv hv doodwn. Bulug amy tulungv tvb dumpo hvb nyidwn ho bulv ham nyi tulungam jwwn nadwn.

²⁰Soq twrnbo si mengk maanam nyi tulungv bulug mwwnam hoqgv mwwkur kumanum. Bulv uiyam xumnam mam apaqmab nyiknum. Hvbmabde hun, rup, raaiyo, wlw, svvda hoqgv mvnam kvvyw-kaac dvb vnyiqkv kaapa maanbo, nyurungv tapa maanbo hvbmab lvpiangv wlaq maanboam xumnam hoqgv wkur maanum.

²¹Hvbmab bulug nyi mengnam, bulug sootu tunam, bulug yocu-yabio nyil almab nyinam, ho dvco conam hoqgv mwwkur maanum.