Read Nyishi 1 SAMUYEL 22 Bible Online

1 SAMUYEL 22 - Nyishi bible

1 SAMUYEL 22

¹Debid hoqgv wleq kunv hoo Adullam lwwpwqb kenum. Hoo hwdlo mwwg vbw tulu ngvla mwwg abwg imiqkv ham tapa yukun, bulv mwwg dookub innum.

²‍Hoo nyiicwr-cwrxiv hiyv hentwr-kaas bov, hoo nyiicwr-cwrxiv hiyv dod doon bov, hoo nyiicwr-cwrxiv hiyv kacaq bviyaq dvb swwl doon bov mwwg dook ho hookumnum. Hoo mwv bulug pengko kepten akwb nyinum. Hoo mwwg lvgab nyiingv lwwpy gob doobanum.

³‍Hoo Debid hoqgv Moabg Mijpeb wnum. Hoo mwv Moabg lvpw atam benum, “Pwnbov ngam hoggv ngoqg aoso nyita dvn ham cengnam xaqb, anya mwwpa gvdwl ngoqg abam la ngoqg annam noqg lvgab dooiya mvtbv.”

⁴‍Hoo mwv bulam Moabg lvpw at lvgab doomnum, hoo bulv mwwg lvgab dooba yaanum Debid hingwnam cwwgw lwwpwqho doonam mood xaqb.

⁵‍Ho nyiqry betambo Gad Debidnvn benum, “Lwwpwqho doodu kumabv; lengto, hoo Juda gvda urab wn.” Ho Debid lengk nv hoo Heret nyoro urab wnum.

⁶‍Debidg la mwwg lvgab dooba bo nyi tulug cwwgwl dookam kaapa paku hvl Soul tapanum. Gibea ho Tamarisk svvn niikum ho Soul mwwg alaqho nwwxongam tvqbw tvl doodunum, hoo mwwg nyera tulungv mwam doqyumnum.

⁷‍Hoo mwwg bviywrho daqnbo nyera tulungam Soul benum, “Sija tagabto, Benjaminwg nyiilu nul; Jesse ko tuup ak hv nulam nyiicwr-cwrxiam rongo rwqsaq bvla roo boolu rwqsaqb jitayin, mwv nulam lwwyw aoho hoo lwwg aoho saab gob mvta yin yv,

⁸‍ho nul mwlwngv ngam ceekol hima bwwdwn i? Hwdlo ngoqg ko tuupv Jesseg ko tuupam pvvb birnam mam mviyin ho, nulv ngam akkam betam ma. Nulv ak jijaqkam ngoqgab oa yo mwwma ho ngoqg ko tuupv ngoqg nyerangam nwqduq tvl ngam ceeko mvnum, ho soolo namgub ngam mengdwb tooiya yaal doodo.”

⁹‍Ho Soulwg nyera tulu lvgab daqnbo Idomg Doeg birwqnum, “Ngo Jesse ko tuupam Nob ho Ahitubwg ko tuup Ahimelek dookho haadwb kaapanum,

¹⁰‍hoo mwv At Swn mwwgab toxnum hoo mwam dvs-twwsv jinum hoo mwam Palistan Goliatwg lyoqr orioqkam jinum.”

¹¹‍Ho lvpw atv Ahitubwg ko tuup nyub Ahimeleknvn la mwwg abwg imiq dvparam, Nob ho nyubwb swwl doonbo mwlwngam nyi kanam tvl goqa mvnum, hoo bul mwlwngv lvpw at dookub haanum.

¹²‍Hoo Soul benum, “Tagabto sija, Ahitubwg ko tuup.” Hoo mwv birwqnum, “Ngoqg bir at, ngo si.”

¹³‍Hoo Soul mwam benum, “Hog gab no la Jesse ko tuupv ngam ceekol hima bwwl almab nyita dvn, no mwam wtw ngamla lyoqr orioqkam jitwl hoo mwwgab Pwnbon tox jinum, hoqgab mwv ngam ceekol daqrab paku, ho soolo namgub ngam mengdwb tooiya yaal doom gvdwn?”

¹⁴‍Ho Ahimelek lvpw atam birwqnum, “Hoo noqg nyera tulug pengko hoqgv Debid hvb hiyv dengky bo ak doodo, hiyv lvpw atwg maqbv, hoo nam rvkil kaanbo sipai tulug keptenv, hoo noqg namho xinam nyi akv?

¹⁵‍Soolo xeq ngo mwwgab Pwnbon tox jin mviyv? Hvbma! Lvpw atv mwwg nyerangam ho ngoqg abwg imiq dvparam hog akkam mwum maabv, hoggab noqg nyerangv soq sam koi gokam ho anyo gokam hog akkam cengma.”

¹⁶‍Hoo lvpw atv benum, “Ahimelek, no la noqg abwg imiq dvparv hoggub nyijaqkam sitayin.”

¹⁷‍Hoo lvpw atv mwam rvkil daqn boam benum, “Tobkur gvdwl At Swg nyubam mengto, hoggab bulv Debid lvgab nyemaq ceeba do, hoo bulv cengnum mwv ngoqg hoqgv kenum hvl hoo ngam hoq pagoqkam betam maanum.” Hvbmabde lvpw atwg nyera tulungv At Swg nyub tulungam bulug alaq lvgab mingnw maanum.

¹⁸‍Ho lvpw atv Doegnvn benum, “No tobkur gvdwl nyub tulungam mengto.” Hoo Idomg Doeg tobkur banv hoo nyub tulungam mengnum, hoo mwv hoq aalho nyub kamt vjam koon boam campiin leq ang go mengnum.

¹⁹‍Hoo Nob, bopamg nyub tulungam, mwv lyoqr orioq hoqgv mengnum; nyegangam hoo nyem mam kam, ko anyongam kam hoo ko hoiyinam kam, hvvbam kam, svdam mam kam hoo sviyangam kam, mwv lyoqr orioq hoqgv mengnum.

²⁰‍Hvbmabde Ahitubwg ko tuup Ahimelek gv ko tuup Abiyatar hvl eminam ak hv Debidg kokwb keknum.

²¹‍Hoo Soul At Swg nyub tulungam mengp ku hvl Abiyatar Debidnvn betamnum

²²‍Hoo Debid Abiyatarnvn benum, “Hoq aalho ngo cengnum, hwdlo Idomg Doeg hoqho dooyikho, ho mwv hoggub nyijaqkam Soulnvn betam keetai mwwkynum. Ngo vcib mwwdwq do, ngoqg pagoq gab noqg abwg imiq dvpar mwlwngv sinba.

²³‍Ngoqg lvgab dooba to; bos maabv, hoggab hiyv ngam mengdwb meegaq bov nam kam mengdwb meegaq do. Ngoqg dook so nam hog gokam nyiram.”