Read Nzema 1 Edk 6 Bible Online

1 Edk 6 - Nzema bible

1 Edk 6

¹Livae wole mralɛ mrenya nsa: Gɛhyɔn, Kohate, yɛɛ Mɛlɛlae.

²Kohate wole mrenya nna: Amelam, Yezaa, Hibulɔn, yɛɛ Ɛzeɛle.

³Amelam wole mrenya nwiɔ: Aalɔn nee Mosisi. Eza ɔwole raalɛ ko, bɛfɛlɛ ye Meleam. Aalɔn wole mrenya nna: Needabe, Abaehu, Ɛlieza, yɛɛ Yitamaa.

⁴Ɛlieza abo zo amra, ɔvi awolɛndoazo kɔdwu awolɛndoazo la a le ɛhye: Fenɛhaze, Abaehyua,

¹⁰Azalaya (mɔɔ yɛle gyima wɔ Ɛzonlenlɛ Sua ne mɔɔ Belemgbunli Sɔlɔmɔn zile wɔ Gyɛlusalɛm la anu la),

¹¹Amalaya, Ahaetɛbe,

¹²Zeedɔko, Hyalɛm,

¹³Helekaya, Azalaya,

¹⁴Sɛlaya, yɛɛ Gyɛhozadake.

¹⁵Belemgbunli Nɛbukadenɛza dule Gyɛhozadake nee menli bie wɔ Dwuda nee Gyɛlusalɛm na Ɛdɛnkɛma manle bɛvale bɛ bɛhɔle nlɔnu.

¹⁶ Livae wole mrenya nsa: Gɛhyɔn, Kohate, yɛɛ Mɛlɛlae.

¹⁷Mrenya nsa ɛhye, ko biala wole mralɛ mrenya. Gɛhyɔn wole Lebenae nee Hyemɛyae,

¹⁸Kohate wole Amelam, Yezaa, Hibulɔn, yɛɛ Ɛzeɛle;

¹⁹yɛɛ Mɛlɛlae wole Maalae nee Muhyae.

²⁰Gɛhyɔn abo zo amra, ɔvi awolɛndoazo kɔdwu awolɛndoazo: Lebenae, Gyeehate, Zema,

²¹Dwowaa, Yedo, Zila, yɛɛ Gyiatɛlae.

²²Kohate abo zo amra, ɔvi awolɛndoazo kɔdwu awolɛndoazo: Amenadabe, Kɔla, Asɛ,

²³Ɛlekeena, Yibayasafe, Asɛ,

²⁴Teehate, Yulayɛle, Ɛzaya, yɛɛ Hyeewɛle.

²⁵Ɛlekeena wole mrenya nwiɔ: Ameesae nee Ahaemo.

²⁶Ahaemo abo zo amra, ɔvi awolɛndoazo kɔdwu awolɛndoazo: Ɛlekeena, Zofae, Neehate,

²⁷Yilayabe, Gyɛloham, Ɛlekeena.

²⁸Samoɛle wole mrenya nwiɔ: Dwowɛle a le kpanyinli a, yɛɛ Abaegya a le kakula a.

²⁹Mɛlɛlae abo zo amra, ɔvi awolɛndoazo kɔdwu awolɛndoazo: Maalae, Lebenae, Hyemɛyae, Ɛza,

³⁰Hyemɛya, Hagaya, yɛɛ Asaya.

³¹Menli mɔɔ Belemgbunli Devidi vale Ɛdɛnkɛma Sua nu ɛzonlenlɛ edwɛndolɛ nwo ngyehyɛlɛ ne wulale bɛ sa nu wɔ mekɛ mɔɔ bɛvale Ngyekyeleɛ Ɛlɛka ne bɛziele aze la ɛne:

³²Menli ɛhye mɔ hakyihakyile bɛ nwo yɛle edwɛndolɛ gyima ne wɔ Ɛdɛnkɛma Ndanlɛ Sua ne anu toonwo ɔhɔdwule mekɛ mɔɔ Belemgbunli Sɔlɔmɔn zile Ɛdɛnkɛma Ɛzonlenlɛ Sua ne wɔ Gyɛlusalɛm la.

³³Menli mɔɔ yɛle gyima ne la nee bɛ mra ne mɔ ɛne: Kohate sua nu amra: Kpanyinli mɔɔ lile edwɛndolɛma ne ati la a le Dwowɛle ara Himan. Ye abusua ɛlɔnwɔne ne kɛ kɔ ye la ɛne. Himan, Dwowɛle, Samoɛle,

³⁴Ɛlekeena, Gyɛloham, Yilayɛle, Towa,

³⁵Zɛfe, Ɛlekeena, Neehate, Ameesae,

³⁶Ɛlekeena, Dwowɛle, Azalaya, Zɛfanaya,

³⁷Teehate, Asɛ, Yibayasafe, Kɔla,

³⁸Yezaa, Kohate, Livae, Gyekɔbo.

³⁹Himan adiema Esafe a le edwɛndolɛma ekpunli ne mɔɔ tɔ zolɛ nwiɔ la kpanyinli a. Ye abusua ɛlɔnwɔne ne ɛne: Esafe, Bɛlikaya, Hyemɛya,

⁴⁰Maekeɛle, Beeyasaya, Malekaegya,

⁴¹Ɛtenae, Zila, Adaya,

⁴²Yitan, Zema, Hyemɛyae,

⁴³Gyeehate, Gɛhyɔn, Livae.

⁴⁴Yitan mɔɔ vi Mɛlɛlae sua nu la a le edwɛndolɛma ekpunli ne mɔɔ tɔ zolɛ nsa la kpanyinli a. Ye abusua ɛlɔnwɔne ne ɛne: Yitan, Kehyae, Abedae, Malɛke,

⁴⁵Hahyabaya, Amazaya, Helekaya,

⁴⁶Amezae, Beenae, Hyeemɛ,

⁴⁷Maalae, Muhyae, Mɛlɛlae, Livae.

⁴⁸Bɛyele bɛ mediema Livaema mɔɔ hale la kɛ bɛmɛ bɛyɛ ɛzonlenlɛ gyima mɔɔ ɛha Nyamenle Ndanlɛ Sua ne anu la.

⁴⁹Aalɔn nee ɔ bo zo amra a bɔle ɛyelalɛ nee ɛyɛlɛ evuanlɛ ɛkpunlɛ azu wɔ azukponle ne mɔ azo na bɛyɛle Nwuanzanwuanza Nu Nwuanzaanwu Ɛleka ne gyima ne a. Bɛluale Nyamenle sonvolɛ Mosisi ngyehyɛlɛ ne azo bɛyɛle mgbɔdalɛ nzɛlɛlɛ bɛmanle Yizilayɛma amuala.

⁵⁰Aalɔn abo zo amra ne mɔ ɛne: Ɛlieza, Fenɛhaze, Abaehyua,

⁵¹Bɛkae, Ɛzae, Zɛlahaya,

⁵²Mɛlayo, Amalaya, Ahaetɛbe,

⁵³Zeedɔko, yɛɛ Ahaemaze.

⁵⁴Ɛleka mɔɔ bɛdɛnlanle la nee bɛ ɛweɛne ne mɔ ɛne: Aalɔn abo zo amra mɔɔ le Kohate abusua nu amra la a lumuale nyianle azɛlɛ ne bie a.

⁵⁵Bɛnyianle Hibulɔn azɛlɛ ne mɔɔ wɔ Dwuda la nee azɛlɛ mɔɔ bɛdidi zolɛ la,

⁵⁶na ɛya ɛya nee namunamu mɔɔ bikye suakpole ne la bɛvale bɛmanle Gyɛfɛni ara Kalɛbe.

⁵⁷Bɛvale azuamgbole ɛhye mɔ bɛmanle Aalɔn abo zo amra ne mɔ: Hibulɔn, Lebena nee azɛlɛ mɔɔ la nwolɛ la amuala, Gyatɛ, Ɛhyetɛmowa nee nwolɛ azɛlɛ mɔɔ bɛdidi zo la; Haelɛn nee azɛlɛ mɔɔ bɛdidi zolɛ la, Dibɛ nee azɛlɛ mɔɔ bɛdidi zolɛ la, Ahyan, yɛɛ Bɛte Hyimɛhye nee azɛlɛ mɔɔ bɛdidi zolɛ la.

⁵⁸

⁵⁹

⁶⁰Bɛngyaman abusua ekpunli ne maanzinli ne anu, bɛvale Giba, Alɛmɛte, yɛɛ Anato nee azɛlɛ mɔɔ bɛdidi zolɛ la bɛmanle bɛ. Azuamgbole mɔɔ Kohate abusua ne anu amra nyianle la le bulu nee nsa.

⁶¹Kohate abo zo amra mɔɔ hale la, bɛguale nzeleba na bɛhyɛle azuamgbole bulu mɔɔ wɔ Manasɛ Adɔleɛ la bɛmanle bɛ.

⁶²Bɛvale azuamgbole bulu nee nsa bɛvile Yesakaa, Ahya, Nafetalae, yɛɛ Manasɛ mɔɔ wɔ Beehyan la azɛlɛ ne mɔ azo na bɛhyɛle bɛmanle Gɛhyɔn abusua ɛlɔnwɔne ne anu amra.

⁶³Zɔhane ala yɛɛ bɛvale azuamgbole bulu nee nwiɔ bɛvile Wulubɛn, Gaade, yɛɛ Zɛbulɛn azɛlɛ ne mɔ azo bɛmanle Mɛlɛlae abo zo amra ne a.

⁶⁴Yemɔti Yizilayɛma vale bɛ azuamgbole nee azɛlɛ mɔɔ bɛdidi zolɛ la manle Livaema.

⁶⁵(Bɛguale nzeleba a bɛhyɛle Dwuda, Semɛyɔn yɛɛ Bɛngyaman azuamgbole ne mɔ mɔɔ bɛbobɔ bɛ aluma la bɛmanle bɛ a).

⁶⁶Kohate abo zo amra ne bie mɔ nyianle azuamgbole mɔɔ wɔ Yifelaem azɛlɛ zo la bie.

⁶⁷Bɛmanle bɛ azuamgbole mɔɔ le ɛvealeka la ɛhye mɔ: Hyikɛm mɔɔ wɔ Yifelaem awoka ne mɔ azo, Gizɛ,

⁶⁸Dwokemɛyam, Bɛte Hɔlɔn,

⁶⁹Ayegyalɔn, yɛɛ Gate Relemɔn.

⁷⁰Kohate abusua ɛlɔnwɔne ne anu amra mɔɔ hale la nyianle Manasɛ Adɔleɛ, Enɛ, yɛɛ Baelɛyam azɛlɛ ne mɔ foa ko nee nwolɛ azɛlɛ mɔɔ bɛdidi zolɛ la.

⁷¹Manasɛ abusua ekpunli foa ko ne azɛlɛ ne bie eza hɔle Gɛhyɔn abusua ne ɛkɛ. Azua ne mɔ a le Golan mɔɔ wɔ Beehyan, yɛɛ Ahyetalo, nee azɛlɛ mɔɔ bɛdidi zolɛ la.

⁷²Yesakaa abusua ekpunli nu amra noko nyianle Kidɛhye, Dabɛlate,

⁷³Releemɔto yɛɛ Enɛm, nee azɛlɛ mɔɔ bɛdidi zolɛ la.

⁷⁴Ahya abusua ekpunli ne anu amra nyianle Meehyale, Abedɔn,

⁷⁵Hukɔko, yɛɛ Rilihɔbo, nee azɛlɛ mɔɔ bɛdidi zolɛ la.

⁷⁶Nafetalae abusua ekpunli ne anu amra nyianle Kidɛhye mɔɔ wɔ Galeli, Hamɔn, yɛɛ Keleateeyem, nee azɛlɛ mɔɔ bɛdidi zolɛ la.

⁷⁷Mɛlɛlae abo zo amra mɔɔ hale la nyianle Zɛbulɛn abusua ekpunli nu amra azɛlɛ ne bie. Bɛmɛ a le Relemɔno, yɛɛ Teebɔ, nee bɛ namunamu.

⁷⁸Wulubɛn abusua ekpunli ne azɛlɛ ne mɔɔ di kɔ Azule Dwɔdan ne aduduleɛ wɔ Gyɛleko anzi lɔ la, bɛnyianle Bizɛ mɔɔ wɔ boka azo sɛsɛ ne azo la, Gyaaza,

⁷⁹Kidɛmo, yɛɛ Mɛfeeya, nee azɛlɛ mɔɔ bɛdidi zolɛ la.

⁸⁰Gaade abusua ekpunli ne azɛlɛ ne bɛnyianle Releemɔto mɔɔ wɔ Geleade, Meehaneyem,

⁸¹Hɛhyebɔn, yɛɛ Gyeezɛ, nee azɛlɛ mɔɔ bɛdidi zolɛ la.