Read Nzema 1 Edk 9 Bible Online

1 Edk 9 - Nzema bible

1 Edk 9

¹Bɛdianle Yizilayɛma kɔsɔɔti abusua abusua, na mɔɔ bɛnyianle ye la, bɛhɛlɛle bɛ aluma wɔ Yizilayɛ Arelemgbunli Tetedwɛkɛ Mbuluku ne mɔ anu. Dwudama ɛtane mɔɔ yɛle la ati, bɛdule bɛ wɔ maanle ne anu bɛ nee bɛ hɔle nlɔnu wɔ Babelɔn.

² Bɛdabɛ mɔɔ bɛlumuale bɛziale bɛrale bɛ azua zo bɛrayɛle bɛ gyima la a le Yizilayɛma bie mɔ, sɛlɛvolɛma, Livaema, yɛɛ Ɛzonlenlɛ Sua nu sonvolɛma.

³Menli vi Dwuda, Bɛngyaman, Yifelaem, yɛɛ Manasɛ mbusua ekpunli ne mɔ anu hɔdɛnlanle Gyɛlusalɛm.

⁴Menli mɔɔ vi mbusua ekpulike ekpulike ne mɔ mɔɔ vi Dwuda abusua ekpunli ne anu ziale radɛnlanle Gyɛlusalɛm la amuala le ɛya nsia abulahɔnla. Dwuda ara Pɛlɛze asa azo ne, sonla mɔɔ lile bɛ ti la a le Yutae, mɔɔ ɔ ze a le Amehɛde, na ɔ nlenya a le Ɔmelae la. Ye mgbanyinli ne bie mɔ a le Yemelae, yɛɛ Beenae. Sonla mɔɔ lile Dwuda ara Hyila asa azo ne ati la a le Asaya mɔɔ le awolɛ kpanyinli la. Yemɔ yɛɛ ɔle bɛ abusua ne kpanyinli a. Sonla mɔɔ lile Dwuda ara Zila asa azo ne ati la a le Gyiwɛle.

⁷Bɛngyaman abusua ekpunli ne anu amra ɛhye mɔ a dɛnlanle Gyɛlusalɛm a: Salu mɔɔ le Mɛhyɛlam ara ne, ɔ nlenya a le Hasɛnua ara Hodavaya Yebenaya ɔ ze a le Gyɛloham Yila, ɔ ze a le Ɛzae yɛɛ ɔ nlenya a le Mekelae Mɛhyɛlam, ɔ ze a le Hyɛfataya, yɛɛ ɔ nlenya a le Yebenaegya ara Wuluwɛle

⁹Menli mɔɔ vi mbusua ekpulike ekpulike ne mɔ mɔɔ vi Bɛngyaman abusua ekpunli ne anu la le ɛya ngɔnla abulanlu nee nsia. Menli mɔɔ bɛbobɔ bɛ aluma la kɔsɔɔti le mbusua mgbanyinli.

¹⁰Sɛlɛvolɛma ɛhye mɔ dɛnlanle Gyɛlusalɛm: Gyɛdaya, Gyɛhɔyalebe, yɛɛ Gyeeken Azalaya, ɔ ze a le Helekaya (Ɛzonlenlɛ Sua ne neavolɛ kpanyinli ne) ye mgbanyinli ne bie mɔ a le Mɛhyɛlam, Zeedɔko, Mɛlayo, yɛɛ Ahaetɛbe Adaya, ɔ ze a le Gyɛloham, yɛɛ ye mgbanyinli ne bie mɔ a le Pahyɔ nee Malekaegya Meeyasae ɔ ze a le Adeɛle, yɛɛ ye mgbanyinli ne bie mɔ a le Gyazɛla, Mɛhyɛlam, Mɛhyelɛmete, yɛɛ Yemɛ.

¹³Sɛlɛvolɛma mɔɔ le mbusua mgbanyinli la le apenle ko, ɛya nsuu abulasia. Bɛle menli mɔɔ ze gyima mɔɔ bɛdi ye Ɛzonlenlɛ Sua ne anu la anye zo kpalɛ.

¹⁴Livae abusua ekpunli ne anu amra ɛhye mɔ dɛnlanle Gyɛlusalɛm: Hyɛmaya, ɔ ze a le Hasehyɛbe, ye mgbanyinli ne bie mɔ a le Azelaekam, Hahyabaya mɔɔ vi Mɛlɛlae abusua nu, Bakebakaa, Hilɛhye, yɛɛ Geelale. Matanaya, ɔ ze a le Maeka, ye mgbanyinli ne bie mɔ a le Zekelae yɛɛ Esafe Obadaya, ɔ ze a le Hyɛmaya, ye mgbanyinli ne bie mɔ a le Geelale yɛɛ Gyɛdutɛn. Bɛlikaya, ɔ ze a le Esa, yɛɛ ɔ nlenya a le Ɛlekeena mɔɔ dɛnlanle Nɛtɔfa namunamu ne mɔ anu la.

¹⁷Ɛzonlenlɛ Sua ne sinzavolɛma ɛhye mɔ nee bɛ nwo amra dɛnlanle Gyɛlusalɛm: Hyalɛm, Akɛbe, Talemɔn, yɛɛ Ahaeman. Bɛ kpanyinli a le Hyalɛm.

¹⁸Ɔvi tete toonwo mɔɔ ɔradwule bɛ mekɛ zo la, bɛ nlenya mɔ dɛnlanle Belemgbunli Anuhɔlɛ ne foa ko mɔɔ di kɔ aduduleɛ la. Alumua ne ɛnee bɛmɛ a bɛsinza Livaema azokoɛleɛ ne anuhɔlɛ ne mɔ a.

¹⁹Hyalɛm, ɔ ze a le Kɔli, yɛɛ ɔ nlenya a le Yibayasafe. Yemɔ yɛɛ ɔ gɔnwo mɔ mɔɔ bɛ muala bɛbɔ Kɔla abusua ne bie la a zinzale adenle ne mɔɔ kɔ Ndanlɛ Sua ne mɔɔ bɛsonle Ɛdɛnkɛma nu la a. Zɔhane ala a bɛ mgbanyinli yɛle a. Bɛzinzale Ɛdɛnkɛma azokoɛleɛ ne.

²⁰Ɛlieza ara Fenɛhaze, Ɛdɛnkɛma nee ye ɛdɛnla! Ɔnleanle bɛ nwo zo wɔ mekɛ bie anu.

²¹Mɛhyɛlɛmaya ara Zɛkalaya a ɛnee le Ɛdɛnkɛma Ɛzonlenlɛ Ndanlɛ Sua ne anlenkɛ sinzavolɛ a.

²²Ɛka bɛ muala ɛbɔ nu a ɛnee bɛle menli ɛya nwiɔ, bulu nee nwiɔ yɛɛ bɛyele bɛ kɛ bɛzinza nlenkɛ nee anuhɔlɛ ne mɔ a. Bɛyele bɛ bɛvile bɛ azua zo, kɛmɔ bɛ mbusua mgbanyinli ne mɔ dodo de la. Belemgbunli Devidi nee Nyamenle kpɔmanvolɛ Samoɛle a hyɛle gyima ne manle bɛ mgbanyinli yɛle a.

²³Zɔhane ati mgbanyinli zɔhane mɔ nee bɛ bo zo amra a le menli mɔɔ zinzale Ɛdɛnkɛma Ɛzonlenlɛ Sua ne anuhɔlɛ ne mɔ a.

²⁴Ɛzonlenlɛ Sua ne lɛ anuhɔlɛ kpole ko wɔ ye tɛba nu ko biala: sɔlɔ, nyiakɛ, aduduleɛ, yɛɛ adɔleɛ.

²⁵Sinzavolɛma ɛhye mɔ anwo amra vi bɛ namunamu ne mɔ anu baboa maa bɛsinza toonwo kenle nsuu na bɛahakyi bɛ.

²⁶Ɔluakɛ sinzavolɛ mgbanyinli nna ne le Livaema yɛɛ bɛmɛ a bɛdi ɛzonle wɔ gyima ne ɛyɛlɛ nu a. Eza bɛdi ekpumgbunli ne mɔ mɔɔ wɔ Ɛzonlenlɛ Sua ne anu nee ninyɛne mɔɔ wɔ nu la anwo ɛzonle.

²⁷Bɛ azua nu bikye Ɛzonlenlɛ Sua ne ɛkɛ ne ala, ɔboalekɛ ɔle bɛ gyima kɛ ɔwɔ kɛ bɛsinza sua mumua ne na nwonlomɔ biala bɛtukuedukue sua ne nlenkɛ ne mɔ.

²⁸Livaema mɔɔ ɛha la bie mɔ gyima a le ahyɛnze nee dwora ne mɔ mɔɔ bɛfa bɛyɛ nzɛlɛlɛ la azo ɛnleanlɛ. Mekɛ biala mɔɔ bɛbava bie la bɛtia, yɛɛ bɛfa bɛsia bɛba noko a eza bɛtia.

²⁹Bie mɔ noko nea ninyɛne mɔɔ anwo te mɔɔ bɛfa bɛyɛ ɛzonlenlɛ gyima ne la azo, ninyɛne mɔɔ le kɛ esamo, nwanye, ɔlivi nwole, ɛyɛlɛ evuanlɛ, yɛɛ aleɛdonlɛ ninyɛne evuanlɛ nee ninyɛne evuanlɛ mɔɔ bɛfa bɛkpumgbu sua nu la.

³⁰Noko ninyɛne ɛhye mɔ ɛfonlɔfonlanlɛ ne le sɛlɛvolɛma ne gyima.

³¹Livaenli bie mɔɔ bɛfɛlɛ ye Matetaya, mɔɔ le Hyalɛm ara nrenya kpanyinli ne, mɔɔ vi Kɔla abusua nu la yɛ keeki ndɛbandɛba mɔɔ bɛfa esamo nee ɔlivi nwole bɛyɛ bɛfa bɛbɔ azu bɛmaa Nyamenle la.

³²Bɛdabɛ mɔɔ bɛvi Kohate abusua nu la a yɛ kpanwo ngunguma bulu nee nwiɔ ne mɔɔ Ɛnwomenlelielɛ Kenle biala bɛfa bɛgua ɛkponle zo bɛbɔ azu bɛmaa Nyamenle la a.

³³Livae abusua ne anu mgbanyinli ne bie mɔ a nea Ɛzonlenlɛ Sua ne anu edwɛndolɛ zo a. Mbusua mgbanyinli ɛhye mɔ dede Ɛzonlenlɛ Sua ne ekpumgbunli ne bie mɔ anu; bɛnyɛ gyima gyɛne biala, ɔboalekɛ bɛyɛ gyima nɔɔzo nee ewiazo.

³⁴Menli mɔɔ bɛbobɔ bɛ aluma wɔ ɛke la le mbusua mgbanyinli wɔ Livae abusua ekpunli ne anu. Bɛ muala bɛdɛnlanle Gyɛlusalɛm.

³⁵Gebɛyɔn ɔ ze Gyiyayɛle a kyekyele suakpole Gebɛyɔn na ɔdɛnlanle ɛkɛ a. Bɛfɛlɛ ɔ ye Meeyaka.

³⁶Ɔ ra nrenya kpanyinli a le Abedɛn, yɛɛ ɔ mra mrenya mɔɔ ɛha la a le Zɔɔ, Kehye, Beeyale, Nɛɛ, Needabe,

³⁷Gidɔ, Ahayo, Zɛkalaya, yɛɛ Mekelo,

³⁸mɔɔ wole Hyemɛya la. Bɛ nee bɛ nwo amra ne mɔ amuala dɛnlanle Gyɛlusalɛm, bɛ nee bɛ mbusua mɔɔ ɛha la anye bɔ zolɛ.

³⁹Nɛɛ wole Kehye, yɛɛ Kehye wole Belemgbunli Sɔɔlo. Sɔɔlo wole mrenya nna: Dwɔnatan, Malekaehyua, Abenadabe, yɛɛ Ɛhyebeeyale.

⁴⁰Dwɔnatan wole Mɛlebeeyale yɛɛ Mɛlebeeyale wole Maeka.

⁴¹Maeka wole mrenya nna: Paetɔn, Milɛke, Talɛya, yɛɛ Ehaze.

⁴²Ehaze wole Gyɛla, Gyɛla wole mrenya nsa: Alɛmɛte, Azemeevɛte, yɛɛ Zemelae. Zemelae wole Moza,

⁴³Moza wole Baenɛya, Baenɛya wole Relɛfaya, Relɛfaya wole Ɛliesa, yɛɛ Ɛliesa wole Ezɛle.

⁴⁴Ezɛle wole mrenya nsia: Azelaekam, Bokɛlu, Yehyemeeyɛle, Hyialaya, Obadaya, yɛɛ Heenan.