Read Nzema Ɛzl 2 Bible Online

Ɛzl 2 - Nzema bible

Ɛzl 2

¹Yizilayɛma mɔɔ bɛhyele bɛ bɛhɔle nlɔnu wɔ Babelɔn maanzinli nu la anu somaa ne ala ziale rale Gyɛlusalɛm nee Dwuda, na awie biala hɔle ye sua zo. Belemgbunli Nɛbukadenɛza a hyele menli zɔhane mɔ mgbanyinli nuokɛ hɔle Babelonia a.

²Menli mɔɔ lile bɛ ti nee bɛ rale la a le Zɛlɛbabɛle, Dwɔhyua, Nihɛmaya, Sɛlaya, Rililaya, Mɔdekae, Belehyan, Mezepa, Begeveeyae, Rilihɛm, yɛɛ Beeyana. Yizilayɛ mbusua nee abusua ko biala anu menli mɔɔ ziale rale la dodo ɛne:

³Pɛlɔhye - Apenle nwiɔ, ɛya ko abulasuu nee nwiɔ Hyɛfataya - Ɛya nsa abulasuu nee nwiɔ Ɛla - Ɛya nsuu abulasuu nee nnu Peehate Mowabe (Gyɛhyua nee Dwowabe abo zo amra) - Apenle nwiɔ, ɛya mɔtwɛ, bulu nee nwiɔ Yilam - Apenle ko, ɛya nwiɔ abulanlu nee nna Zatu - Ɛya ngɔnla abulanla nee nnu Zakeeyae - Ɛya nsuu abulasia Beenae - Ɛya nsia abulanla nee nwiɔ Bibeyae - Ɛya nsia abulanwiɔ nee nsa Azegade - Apenle ko, ɛya nwiɔ abulanwiɔ nee nwiɔ Adonaekam - Ɛya nsia abulasia nee nsia Begeveeyae - Apenle nwiɔ, abulanlu nee nsia Eden - Ɛya nna abulanlu nee nna Etɛ (mɔɔ eza bɛfɛlɛ ye Hɛzikaya) - abulahɔnla nee mɔtwɛ Bizeyae - Ɛya nsa abulanwiɔ nee nsa Dwɔla - Ɛya ko bulu nee nwiɔ Hahyɛm - Ɛya nwiɔ abulanwiɔ nee nsa Gebaa - Abulahɔnla nee nnu

²¹Akee bɛdabɛ mɔɔ bɛ mgbanyinli dɛnlanle azua ɛhye mɔ azo la ziale rale: Bɛtelɛhɛm - Ɛya ko abulanwiɔ nee nsa Nɛtɔfa - Abulanlu nee nsia Anato - Ɛya ko abulanwiɔ nee mɔtwɛ Azemeevɛte - Abulanla nee nwiɔ Keleate Gyealem, Kɛfaela nee Bilotu - Ɛya nsuu abulanla nee nsa Releema nee Giba - Ɛya nsia abulanwiɔ nee ko Mekemahye - Ɛya ko abulanwiɔ nee nwiɔ Bɛtɛle nee Eyae - Ɛya nwiɔ abulanwiɔ nee nsa Nibo - Abulanlu nee nwiɔ Magebehye - Ɛya ko abulanlu nee nsia Yilam ɛhendeɛ ne - Apenle ko, ɛya nwiɔ abulanlu nee nna Hɛlem - Ɛya nsa abulanwiɔ Lɔɔdo, Heedede, yɛɛ Ono - Ɛya nsuu abulanwiɔ nee nnu Gyɛleko - Ɛya nsa abulanla nee nnu Sɛnaa - Apenle nsa, ɛya nsia abulasa

³⁶Sɛlɛvolɛma mbusua ekpulike ekpulike mɔɔ ziale rale la ɛne: Gyɛdaya (Gyɛhyua abo zo amra) - Ɛya ngɔnla abulasuu nee nsa Yemɛ - Apenle ko, abulanlu nee nwiɔ Pahyɛ - Apenle ko, ɛya nwiɔ abulanla nee nsuu Hɛlem - Apenle ko, bulu nee nsuu

⁴⁰Livae mbusua ekpulike ekpulike mɔɔ ziale rale la ɛne: Gyɛhyua nee Kademeɛle (Hodavaya abo zo amra) - Abulasuu nee nna Ɛzonlenlɛ Sua nu edwɛndolɛma (Esafe abo zo amra) - Ɛya ko abulanwiɔ nee mɔtwɛ Ɛzonlenlɛ Sua ne sinzavolɛma (Hyalɛm, Etɛ, Talemɔn, Akɛbe, Hataeta, yɛɛ Hyobeeyae abo zo amra) - Ɛya ko abulasa nee ngɔnla

⁴³Ɛzonlenlɛ Sua nu sonvolɛma mbusua ekpulike ekpulike mɔɔ ziale rale la ɛne: Zaeha, Hasufa, Tabeeyo, Kilɔso, Sayaha, Peedɔn, Lɛbeena, Hagaba, Akɛbe, Heegabe, Hyamelae, Heenan, Gedɛle, Geehaa, Riliaya, Rilizen, Nɛkoda, Gazam, Ɛza, Pasia, Bisae, Asena, Mɛyunem, Nɛfesem, Bakebɛke, Hakufa, Haahɛ, Bazelɛte, Mɛhaeda, Haahya, Baakɔso, Sesɛla, Tima, Nɛzaya, yɛɛ Hataefa.

⁵⁵Sɔlɔmɔn ngɛkɛlɛ abo zo amra mɔɔ ziale rale la ɛne: Soteeyae, Hasofɛlɛte, Pɛluda, Gyeeyala, Daakɔn, Gedɛle, Hyɛfataya, Hatele, Pokɛlɛte, Hazɛbayem, yɛɛ Emae.

⁵⁸Ɛzonlenlɛ Sua ne sonvolɛma nee Belemgbunli Sɔlɔmɔn sonvolɛma abo zo amra mɔɔ ziale rale la le ɛya nsa abulahɔnla nee nwiɔ.

⁵⁹Menli ɛya nsia abulanlu nee nwiɔ bie mɔɔ le Dɛlaya, Tobaya, yɛɛ Nɛkoda abo zo amra la vi azua Tɛle Mila, Tɛle Hahya, Kilɛbe, Adan, yɛɛ Yemɛ azo ziale rale, noko bɛangola bɛangile kɛ bɛle Yizilayɛma, yɛɛ bɛangola bɛangile Yizilayɛ abusua ekpunli holɛ ko mɔɔ bɛvi nuhua la.

⁶¹Eza sɛlɛvolɛma mbusua ekpulike ekpulike bie mɔɔ le Habaya, Hakɔzo, yɛɛ Bazeleeyae abo zo amra la rale. (Bazeleeyae Sɛlɛvolɛma abusua ekpulike ne kpanyinli ne gyale Bazeleeyae mɔɔ le Geleadenli la ara raalɛ na ɔlua zolɛ ɔvale ɔ ye ɔ ze ne duma ɔdonle ye abusua ekpulike ne.) Menli ɛhye mɔ nleɛnleanle ngɛlata ne mɔ anu la bɛannwu bɛ mbusua ne mɔ aluma wɔ sɛlɛvolɛma mbusua ekpulike ekpulike ne mɔ anu, na ɔlua zolɛ bɛyele bɛ bɛvile sɛlɛvolɛlilɛ ne anu kɛ bɛle menli mɔɔ anwo ɛnde a.

⁶³ Amɛnlado ne zele bɛ kɛ bɛmmadi aleɛ nwuanzanwuanza ne mɔɔ bɛva bɛbɔ azu bɛmaa Nyamenle la bie kɔkpula mekɛ mɔɔ sɛlɛvolɛ bie ɛva “Yulem” nee “Tɛmem” ɛbiza Nyamenle la.[2]

⁶⁴Menli mɔɔ vi nlɔnu rale la amuala le apenle ngoko abulanla nee nwiɔ, ɛya nsa abulasia. Mraalɛ nee mrenya sonvolɛma - Apenle nsuu, ɛya nsa abulasa nee nsuu Mraalɛ nee mrenya edwɛndolɛma - ɛya nwiɔ Mgbɔnwɔ - Ɛya nsuu abulasa nee nsia Mgbɔnwɔndua - Ɛya nwiɔ abulanla nee nnu Afunlumu - Ɛya nna abulasa nee nnu Asoaso - Apenle nsia, ɛya nsuu abulanwiɔ

⁶⁸Mɔɔ nlɔnuma ne mɔ radwule Ɛdɛnkɛma Ɛzonlenlɛ Sua ne anwo wɔ Gyɛlusalɛm la, mbusua mgbanyinli mɔɔ wɔ nu la bie mɔ vale ahunlundwolɛ ahyɛlɛ ninyɛne manle kɛ bɛva bɛzi Ɛzonlenlɛ Sua ne bieko wɔ ɔ bo zo ne ala.

⁶⁹Kɛmɔ bɛ anwosesebɛ ne si to kɔ la, bɛvale ezukoa nvutuke mɔɔ bɛsuzu a ɔto tone nu kilo ɛya nnu, dwɛtɛ fufule kilo apenle nwiɔ, ɛya mɔtwɛ, yɛɛ sɛlɛvolɛ adɛladeɛ ɛya ko a bɛmanle a.

⁷⁰ Akee sɛlɛvolɛma ne, Livaema ne, nee menli ne bie mɔ dɛnlanle Gyɛlusalɛm nee ye namunamu ne mɔ azo. Edwɛndolɛma, Ɛzonlenlɛ Sua ne sinzavolɛma, nee Ɛzonlenlɛ Sua ne sonvolɛma ne mɔ hɔle bɛ azua zo, yɛɛ Yizilayɛma mɔɔ hale la bɛdabɛ noko bɛhɔle bɛ azua zo.