Read Nzema Nih 1 Bible Online

Nih 1 - Nzema bible

Nih 1

¹This be be work the Hacaliah son Nehemiah year the of word the his said the. In ( envy cord envy) month the the, the be Artaxerxes, Persia Nation Nation King the old year twenty in throne of the, i, Nehemiah, be here i am nation the city Susa the.

²Me mediema mrenya ne mɔ ko mɔɔ bɛfɛlɛ ye Haneenae la nee menli bie vi Dwuda rale. Membizale bɛ kɛ Gyɛlusalɛm si de la, nee kɛ mediema Dwudama mɔɔ nriandile na bɛanva bɛ donvula bɛangɔ Babelonia la agbɔkɛ nu si de la.

³Na bɛzele me kɛ, “Menli mɔɔ bɛangye bɛ donvula na bɛwɔ sua nu la de nyiane nee anwongyelelɛ nu. Bɛbubu Gyɛlusalɛm bane ne mɔ, yɛɛ bɛyela ye nlenkɛ mgbole ne mɔ.”

⁴Mɔɔ mendele edwɛkɛ ɛhye la, mendɛnlanle aze na menzunle menyele awolɛ kpalɛ na menlile nyane kenle dɔɔnwo; mengɔle zolɛ mengyele ɛhɔne menzɛlɛle Nyamenle

⁵menzele kɛ, “O Ɛdɛnkɛma Nyamenle mɔɔ wɔ anwuma, mɔɔ ɛle nwanwane, ɛle bedevinli a; wɔmɔ mɔɔ ɛsie wɔ ngyekyeleɛ ne nee wɔ ɛhulolɛ ne kpundii ɛmaa menli mɔɔ kulo wɔ na bɛdi wɔ mɛla zo la a,

⁶gyele ɛ nzo tie wɔ sonvolɛ ye nzɛlɛlɛ mɔɔ mefa meado ɛ nyunlu nɔɔzo nee ewiazo meamaa wɔ menli Yizilayɛma la, na nea yɛ. Ɛ mra Yizilayɛma ɛyɛ ɛtane ɛtia wɔ. Ɛhɛe, medame, me nee egya awuke nu amra bɔbɔ yɛyɛ ɛtane yɛtia wɔ.

⁷Yɛyɛ amumuyɛ kpole kpalɛ yɛtia wɔ, yɛɛ yɛnli wɔ mɛla ne nee wɔ ngyehyɛlɛ ne mɔ mɔɔ ɛvale ɛmanle wɔ sonvolɛ Mosisi la azo.

⁸ Mesɛlɛ wɔ, kakye mɔɔ ɛhanle ɛhilele wɔ sonvolɛ Mosisi la kɛ, ‘Bɛdabɛ Yizilayɛma, saa bɛanli nɔhalɛ bɛammaa me a mebabɔ bɛ asande meagua maanle maanle zo;

⁹ na saa bɛsia bɛdi me mɛla ne mɔ azo a, yemɔ saa kanza bɔbɔ bɛbɔle asande bɛhɔle maanle ti nee maanle bo a, mebaboɔboa bɛ nloa meava bɛ meahɔgua ɛleka ne mɔɔ medame meye mezie ɛkɛ ne memaa bɛ la, amaa me duma ne aha ɛkɛ ne dahuu.’

¹⁰“Bɛle wɔ sonvolɛma nee wɔ menli mɔɔ ɛdawɔ wɔva wɔ tumi kpole ne nee wɔ anwosesebɛ ne wɔlie bɛ a.

¹¹O Awulae, gyele ɛ nzo tie wɔ sonvolɛ ye nzɛlɛlɛ, na tie wɔ sonvolɛma mɔɔ lɛ wɔ duma ne anwo ɛzulolɛ la nzɛlɛlɛ; maa saleɛ ɛdoa wɔ sonvolɛ na maa maanle maanle belemgbunli ne ɛnwu ye anwunvɔne ɛnɛ.” Mekɛ ne anu ɛnee mame a mesu belemgbunli ne nza a.