Read Nzema Nih 12 Bible Online

Nih 12 - Nzema bible

Nih 12

¹Sɛlɛvolɛma nee Livaema mɔɔ nee Hyialeteɛle ara Zɛlɛbabɛle nee Sɛlɛvolɛ Kpanyinli Dwɔhyua vi nlɔnu ziale rale la ɛne:

²Sɛlɛvolɛma: Sɛlaya, Gyɛlɛmaya, Ɛzela, Amalaya, Malɛke, Hatɛhye, Hyɛkanaya, Rilihɛm, Mɛlɛmo, Yedo, Genɛtowae, Abaegya, Maegyamen, Meeyadaya, Belega, Hyɛmaya, Dwɔyalebe, Gyɛdaya, Salu, Emɔko, Helekaya, yɛɛ Gyɛdaya. Menli ɛhye mɔ a le sɛlɛvolɛma ne mɔ mgbanyima wɔ Dwɔhyua mekɛ zo a.

⁸Livaema: Menli ɛhye mɔ a nea moyɛlɛ edwɛndolɛ zo a: Gyɛhyua, Benuwae, Kademeɛle, Hyɛlibaya, Dwuda, yɛɛ Matanaya.

⁹Menli ɛhye mɔ a le edwɛndolɛma ekpunli ne mɔɔ die edwɛne ne mɔ azo la a; Bakebukaya, Ɛno, yɛɛ bɛ gɔnwo mɔ Livaema.

¹⁰Dwɔhyua le Dwɔyakem ɔ ze; Dwɔyakem le Yilayahyebe ɔ ze; Yilayahyebe le Dwɔyada ɔ ze;

¹¹Dwɔyada le Dwɔnatan ɔ ze, yɛɛ Dwɔnatan le Gyadua ɔ ze.

¹²Mekɛ mɔɔ Dwɔyakem le Sɛlɛvolɛ Kpanyinli la ɛnee ɛhye mɔ a le sɛlɛvolɛma mbusua ekpulike ekpulike ne mɔ mgbanyinli a: [Sɛlɛvolɛ] — [Abusua Ekpulike] Mɛlaya — Sɛlaya Hananaya — Gyɛlɛmaya Mɛhyɛlam — Ɛzela Gyihoheenan — Amalaya Dwɔnatan — Malukae Dwosefi — Hyɛbanaya Adena — Hɛlem Hɛlekeeyae — Mɛlayo Zɛkalaya — Yedo Mɛhyɛlam — Genɛtɔn Zekelae — Abaegya ...s — Menayamen Peleteeyae — Mowadaya Hyamua — Belega Gyɛhɔnatan — Hyɛmaya Matinae — Dwɔyalebe Ɛzae — Gyɛdaya Kaleeyae — Saleeyae Yibɛ — Emɔko Hahyebaya — Helekaya Nɛtanile — Gyɛdaya

²²Wɔ sɛlɛvolɛ mgbanyinli Yilayahyebe, Dwɔyada, Dwɔnatan, yɛɛ Gyadua mekɛ zo, bɛhɛlɛle Livaema nee sɛlɛvolɛma mbusua mgbanyinli aluma bɛziele. Bɛyɛle ɛhye toonwo ɔhɔdwule Pɛhyea Maanle Maanle Belemgbunli Dalayɛse mekɛ zo.

²³Livaema mbusua mgbanyinli aluma ɛdeɛ ne mɔ, bɛhɛlɛle bɛwulale Edwɛkɛsisilɛ Mbuluku ne mɔ anu ɔhɔkpulale Yilayahyebe anlɔnra Dwɔnatan mekɛ zo ala.

²⁴Livae mgbanyinli ɛhye mɔ: Hahyabaya, Hyɛlibaya, Gyɛhyua, Benuwae, yɛɛ Kademeɛle a nleanle manle bɛhyɛle Livaema anu ekpunli ekpunli a. Mekɛ ko biala ekpunli nwiɔ to ayɛlɛyelɛ nee moyɛlɛ edwɛne maa Nyamenle, kɛmɔ Nyamenle sonla Belemgbunli Devidi hyehyɛle la.

²⁵Ɛzonlenlɛ Sua ne sinzavolɛma ɛhye mɔ a zinzale azua mɔɔ wɔ Ɛzonlenlɛ Sua ne nlenkɛ mgbole ne mɔ anloa mɔɔ bɛfa ninyɛne bɛsiezie nuhua la a: Matanaya, Bakebukaya, Obadaya, Mɛhyɛlam, Talemɔn, yɛɛ Akɛbe.

²⁶Menli ɛhye mɔ mɔɔ bɛbobɔ bɛ aluma la ɛnee de aze wɔ Dwɔyakem, Dwɔhyua ara nrenya ne mɔɔ le Gyɛhozadake anlɔnra ne nee Amɛnlado Nihɛmaya yɛɛ sɛlɛvolɛ Ɛzela, mɔɔ le mɛla kilehilevolɛ la mekɛ zo.

²⁷Mekɛ dwule mɔɔ ɔwɔ kɛ akee bɛbuke Gyɛlusalɛm bane ne na bɛtu bɛmaa Nyamenle la, bɛkpondɛle Livaema mɔɔ wɔ ɛleka biala la abo zo bɛ nee bɛ rale Gyɛlusalɛm, amaa bɛ kɔsɔɔti bɛava fɛlɛkolilɛ bɛabɔ nuhua bɛava sɔnwosɔnwo, getaa mgbole nee ngyikyi, moyɛlɛ, nee edwɛndolɛ bɛali ɛvoyia ne.

²⁸Livae edwɛndolɛma mbusua mɔɔ zuozua Gyɛlusalɛm la boɔboale bɛ nloa wɔ Gyɛlusalɛm. Bɛvi Nɛtɔfa nee ye ngameɛngameɛ,

²⁹Bɛtegelegale, Giba, yɛɛ Azemeevɛte nee bɛ ngameɛngameɛ a bɛrale a.

³⁰Sɛlɛvolɛma nee Livaema bule amaamuo nluanle bɛ nwo, menli ne, nlenkɛ mgbole ne mɔ nee bane ne.

³¹Memboɔboale Dwuda mgbanyima ne mɔ anloa wɔ bane ne sinli nyunlu anwuma na menvale bɛ menziele menli ekpunli mgbole nwiɔ anloa kɛ bɛnlea bɛmaa bɛva ayɛlɛyelɛ edwɛne bɛkpɔsa suakpole ne azo na bɛyɛ Nyamenle mo. Ekpunli ne mɔɔ lumua la luale bane ne sinli nyunlu hɔle fema zo mɔɔ di kɔ Ewula Anlenkɛ Kpole ne anwo la.

³²Hohyaya a lile menli mɔɔ to edwɛne ne la anzi a, yɛɛ Dwuda mgbanyima ne foa ko noko doa ye.

³³Sɛlɛvolɛma mɔɔ lɛ aweɛne ndendenle la bɔle bɛ aweɛne ne mɔ doale bɛ. Bɛmɛ a le: Azalaya, Ɛzela, Mɛhyɛlam, Dwuda, Bɛngyaman, Hyɛmaya, yɛɛ Gyɛlɛmaya. Sonla mɔɔ doale zolɛ bieko la a le Dwɔnatan ara Zɛkalaya. Ɔle Hyɛmaya anlɔnra. (Ye mgbanyima ne bie mɔ a le Matanaya, Maekaya, yɛɛ Zakɛ mɔɔ vi Esafe abusua nu la.)

³⁶Akee mbusuafoɔ mɔɔ hale la doale zolɛ. Bɛmɛ a le Hyɛmaya, Azali, Melalae, Gelalae, Meeyae, Nɛtanile, Dwuda, yɛɛ Haneenae. Ɛhye mɔ ko biala lɛ agolebɔlɛ ninyɛne mɔɔ le kɛ mɔɔ ɛnee Nyamenle sonla Belemgbunli Devidi bɔ la bie. Mɛla kilehilevolɛ Ɛzela a lile ekpunli ɛhye ati a.

³⁷Bɛdwule Nzufeanvea Anlenkɛ Kpole ne anwo la, bɛluale kpolike ne mɔ mɔɔ kɔ Devidi suakpole ne azo la azo bɛpɛle nuhua wɔ Devidi Anlenkɛ Kpole ne anwo wɔ suakpole ne aduduleɛ afoa nu.

³⁸Ekpunli ko ne mɔɔ bɛdabɛ bɛluale bane ne sinli nyunlu anwuma na bɛvale moyɛlɛ bɛmanle Nyamenle la hɔle bɛne zo. Menvale menli ne foa ko mendoale bɛ. Yɛdole ɛlɔnwɔne yɛpenle Fonlomo Tawa ne anwo yɛhɔle Bane Tɛtɛlɛ ne anwo;

³⁹yɛvi ɛkɛ ne yɛhɔluale Yifelaem Anlenkɛ Kpole ne (mɔɔ eza bɛfɛlɛ ye Dɛba Anlenkɛ Kpole), nee Fɛlɛ Anlenkɛ Kpole ne ati zo. Akee yɛvale Hananile Tawa ne anwo, yɛluale Tawa Ɛya ne anwo yɛhɔle Mboane Anlenkɛ Kpole ne azo. Yɛvale yɛ mgbɔlɔkabɔlɛ ne yɛrale awieleɛ wɔ Ɛzonlenlɛ Sua ne anlenkɛ kpole ne anwo.

⁴⁰Yemɔti moyɛlɛ edwɛndolɛ ekpunli nwiɔ ɛhye rale Ɛzonlenlɛ Sua ne anu. Saa ɛye mgbanyinli ne foa ko mɔɔ ɛnee nee me lua la a

⁴¹sɛlɛvolɛma ɛhye mɔ noko boka nwo: Yilayakem, Meeyasaya, Menayamen, Maekaya, Ɛleyoyinae, Zɛkalaya, yɛɛ Hanahaya;

⁴²menli ɛhye mɔ noko doa bɛ, Meeyasaya, Hyɛmaya, Ɛlieza, Ɛzae, Gyihoheenan, Malekaegya, Yilam, yɛɛ Yizɛ. Edwɛndolɛma mɔɔ Gyɛzelahaya li bɛ ti la a dole edwɛne ne kpole kpalɛ a.

⁴³Kenle ko ne bɛbɔle azu fane dɔɔnwo. Menli ne anye liele kpalɛ, ɔboalekɛ Nyamenle manle bɛlile fɛlɛko. Mraalɛ nee mbɛda kɔsɔɔti bokale ɛvoyialilɛ ne anwo, na anyelielɛ ne manle Gyɛlusalɛm kpudwule na ye nganeɛ dwule moa.

⁴⁴Mekɛ ne anu bɛyele menli mɔɔ nea Ɛzonlenlɛ Sua ne ninyɛnezielɛ azua ne mɔ azo la. Ninyɛne mɔɔ kɔ azua zɔhane mɔ anu la a le debie biala mɔɔ bɛkɛnyia ye, abɛlɛ, nee ma mɔɔ bɛkɛlumua bɛkɛde ye ɛvolɛ biala anu la, yɛɛ ngyɛnu bulu ɛkpɔ ngoko ne mɔɔ bɛkɛva bɛkɛra la. Menli ɛhye mɔ a nea dielie ninyɛne ne fi ɛyazonlɛma ne mɔ mɔɔ zuozua azuamgbole ne mɔ la ɛkɛ a. Bɛfa ninyɛne ɛhye mɔ bɛnea sɛlɛvolɛma nee Livaema, kɛmɔ mɛla ne se la. Na Dwudama kɔsɔɔti anye liele sɛlɛvolɛma nee Livaema anwo.

⁴⁵ Ɔboalekɛ bɛyɛle ɛnluanlɛ gyima ne nee gyima mɔɔ hale la kɔsɔɔ, kɛmɔ Nyamenle kpondɛ la. Zɔhane ala yɛɛ Ɛzonlenlɛ Sua ne anu edwɛndolɛma nee sinzavolɛma yɛle bɛ gyima ne a, kɛmɔ Belemgbunli Devidi nee ɔ ra Sɔlɔmɔn hyehyɛle la.

⁴⁶Mekɛ tendenle mɔɔ ɛze ɛhɔ la, ɔvi Belemgbunli Devidi nee edwɛnekilevolɛ Esafe mekɛ zo ɛnee bɛle edwɛndolɛma mgbanyinli yɛɛ edwɛndolɛma ne ɛdo ayɛlɛyelɛ nee moyɛlɛ edwɛne ɛmaa Nyamenle toonwo a yeradwu ɛnɛ a.

⁴⁷Wɔ Zɛlɛbabɛle nee Nihɛmaya mekɛ zo, Yizilayɛma kɔsɔɔti vale ahyɛlɛ ninyɛne manle bɛvale bɛnleanle Ɛzonlenlɛ Sua ne anu edwɛndolɛma nee sinzavolɛma ne mɔ. Menli vale azubɔlɛ ninyɛne mɔɔ anwo te la manle Livaema, na Livaema ne noko vale sɛlɛvolɛma ne (Aalɔn abo zo amra ne) afoa nu ɛdeɛ manle bɛ.