Read Nzema Nih 7 Bible Online

Nih 7 - Nzema bible

Nih 7

¹Akee bɛwiele bane ne kɔsɔɔti die. Menduoduale nlenkɛ mgbole ne mɔ ɛbonle, menyeyele nlenkɛ mgbole ne mɔ sinzavolɛma, edwɛndolɛma yɛɛ Livaema.

²Akee menyele me diema Haneenae nee Hananaya mɔɔ yemɔ a ɔnea aranemgbole ne azo la kɛ bɛ mu nwiɔ bɛnlea suakpole Gyɛlusalɛm, ɔluakɛ Hananaya di nɔhalɛ na ɔle sonla mɔɔ sulo Nyamenle tɛla menli dɔɔnwo a.

³Na menzele bɛ kɛ, “Aleɛ kye a bɛmmabukebuke Gyɛlusalɛm nlenkɛ mgbole ne mɔ kɔkpula kɛ sɛnzɛne ne kɛra anwuma la, yɛɛ saa nɔsolɛ sinzavolɛma ne mɔ kpɔne gyima a, bɛtoto nuhua na bɛva mbulalɛ ne mɔ bɛgua nlenkɛ ne mɔ anzi.” Eza menzele bɛ kɛ bɛye Gyɛlusalɛmma bie mɔ bɛmaa bɛ gyima, bɛmaa bie mɔ noko ɛzinza bɛdabɛ bɛ awuke ne mɔ nee awuke awuke mɔɔ zuozua bɛ la.

⁴Gyɛlusalɛm le suakpole kpalɛ mɔɔ wale yɛɛ ɔtɛlɛ, noko menli mɔɔ wɔ zolɛ la anzo, yɛɛ azua dɔɔnwo ɛnle zolɛ.

⁵Nyamenle manle me adwenle na menvɛlɛle menli ne nee bɛ mgbanyima nee mbɔlɔba ne mɔ nee menli mɔɔ ɔwɔ kɛ bɛkɛlɛhɛlɛ bɛ aluma wɔ bɛ mbusua ekpunli ekpunli aluma mbuluku ne mɔ anu la, na memanle bɛyiale kɛ bɛnleɛnlea bɛ aluma ne mɔ, kɛmɔ bɛhɛlɛle bɛ wɔ bɛ mbusua ekpunli ekpunli ne mɔ mbuluku ne mɔ anu la. Na menwunle mbusua mɔɔ lumuale vile akɛlɛzonlenlɛ nu rale la, na bɛmɛ ɛne:

⁶Nlɔnuma ne dɔɔnwo vi Babelɔn a ziale rale Gyɛlusalɛm nee Dwuda a, na ko biala ziale hɔle ɔdaye ye sua zo. Bɛ mgbanyima ne mɔ hɔdwule Babelonia mekɛ mɔɔ Belemgbunli Nɛbukadenɛza vale bɛ ɛlɔne nu donvula la.

⁷Menli mɔɔ lile bɛ ti nee bɛ rale la ɛne: Zɛlɛbabɛle, Dwɔhyua, Nihɛmaya, Azalaya, Releeyamaya, Neehameenae, Mɔdekae, Belehyan, Mesepɛlɛte, Begeveeyae, Nɛhum yɛɛ Beeyana.

⁸Yizilayɛ mbusua ne mɔ mɔɔ bɛ nee bɛ hɔle nlɔnu mɔɔ ziale rale la dodo ɛne: Pɛlɔhye - Apenle nwiɔ, ɛya ko abulasuu nee nwiɔ Hyɛfataya - Ɛya nsa abulasuu nee nwiɔ Ɛla - Ɛya nsia abulanlu nee nwiɔ Peehate Mowabe (Gyɛhyua nee Dwowabe abo zo amra) - Apenle nwiɔ, ɛya mɔtwɛ bulu nee mɔtwɛ. Yilam - Apenle ko, ɛya nwiɔ abulanlu nee nna Zatu - Ɛya mɔtwɛ abulanla nee nnu Zakeeyae - Ɛya nsuu abulasia Benuwae - Ɛya nsia abulanla nee mɔtwɛ Bibeeyae - Ɛya nsia abulanwiɔ nee mɔtwɛ Azegade - Apenle nwiɔ, ɛya nsa abulanwiɔ nee nwiɔ Adonaekam - Ɛya nsia abulasia nee nsuu Begeveeyae - Apenle nwiɔ, abulasia nee nsuu Eden - Ɛya nsia abulanlu nee nnu Eta (mɔɔ eza bɛfɛlɛ ye Hɛzikaya la) - Abulahɔnla nee mɔtwɛ Hahyɛm - Ɛya nsa abulanwiɔ nee mɔtwɛ Bizeeyae - Ɛya nsa abulanwiɔ nee nna Hɛlefe - Ɛya ko menli bulu nee nwiɔ Gebɛyɔn - Abulahɔnla nee nnu

²⁶Menli mɔɔ bɛ mgbanyima anrɛɛ de azua ɛhye mɔ azo la noko ziale rale: Bɛtelɛhɛm nee Nɛtɔfa - Ɛya ko abulatwɛ nee mɔtwɛ Anato - Ɛya ko abulanwiɔ nee mɔtwɛ Bɛte Azemeevɛte - Abulanla nee nwiɔ Keleate Gyialem, Kɛfaela nee Biyɛlo - Ɛya nsuu abulanla nee nsa Releema nee Giba - Ɛya nsia abulanwiɔ nee ko Mekemahye - Ɛya ko abulanwiɔ nee nwiɔ Bɛtɛle nee Eyae - Ɛya ko abulanwiɔ nee nsa Nibo - Abulanlu nee nwiɔ Yilam - Apenle ko ɛya nwiɔ abulanlu nee nna Halem - Ɛya nsa abulanwiɔ Gyɛleko - Ɛya nsa abulanla nee nnu Lɔɔdo, Heedede yɛɛ Ono - Ɛya nsuu abulanwiɔ nee ko Sɛnaa - Apenle nsa, ɛya ngɔnla abulasa

³⁹Sɛlɛvolɛma mbusua ekpulike ekpulike mɔɔ vi nlɔnu ziale rale la ɛne: Gyɛdaya (Gyɛhyua abo zo amra) - Ɛya ngɔnla abulasuu nee nsa Yemɛ - Apenle ko, abulanlu nee nwiɔ Pahyɛ - Apenle ko, ɛya nwiɔ abulanla nee nsuu Hɛlem - Apenle ko, bulu nee nsuu

⁴³Livaema mbusua ekpulike ekpulike mɔɔ vi nlɔnu ziale rale la ɛne: Gyɛhyua nee Kademeɛle (Hodavaya abo zo amra) - Abulasuu nee nna Ɛzonlenlɛ Sua nu edwɛndolɛma (Esafe abo zo amra) - Ɛya ko abulanla nee mɔtwɛ Ɛzonlenlɛ Sua sinzavolɛma (Hyalɛm, Etɛ, Talemɔn, Akɛbe Hataeta yɛɛ Hyobeeyae abo zo amra) - Ɛya ko abulasa nee mɔtwɛ

⁴⁶Ɛzonlenlɛ Sua nu gyimayɛvoma mbusua ekpulike ekpulike mɔɔ vi nlɔnu ziale rale la ɛne: Zaeha, Hasufa, Tabeeyo, Kilɔso, Saya, Peedɔn, Lɛbeena, Hagaba, Hyalemae, Heenan, Gedɛle, Geehaa, Riliaya, Rilizen, Nɛkoda, Gazam, Ɛza, Pasia, Bisae, Mɛyunem, Nɛfɛhyɛsem, Bakebɛke, Hakufa, Haahɛ, Bazelete, Mɛhaeda, Haahya, Baakɔso, Sesɛla, Teema, Nɛzaya, Hataefa.

⁵⁷Sɔlɔmɔn sonvolɛma abo zo amra mbusua ekpulike ekpulike mɔɔ vi nlɔnu ziale rale la ɛne: Soteeyae, Sofɛlɛte, Pɛlaeda, Gyeeyala, Daakɔn, Gedɛle, Hyɛfataya, Hatele, Pokɛlɛte, Hazɛbeeyem yɛɛ Amɔn.

⁶⁰Ɛzonlenlɛ Sua nu gyimayɛvoma nee Sɔlɔmɔn sonvolɛma abo zo amra ne mɔ kɔsɔɔti mɔɔ vi nlɔnu ziale rale la le ɛya nsa abulahɔnla nee nwiɔ.

⁶¹Menli ɛhye mɔ vi azua ɛhye mɔ azo rale na bɛangola bɛangile kɛ bɛ bo vi Yizilayɛ: Tɛle Mila, Tɛle Haya, Kɛlɛbe, Adɔn, yɛɛ Yemɛ. Bɛle Dɛlaya, Tobaya yɛɛ Nɛkoda abo zo amra. Bɛlua menli ɛya nsia abulanla nee nwiɔ.

⁶³Sɛlɛvolɛma mbusua ekpulike ekpulike ɛhye mɔ hɔkpondɛle bɛ nlenya mɔ aluma wɔ mbusua mbuluku ne mɔ anu na bɛannwu bɛ aluma nuhua, yemɔti bɛyele bɛ bɛvile sɛlɛvolɛlilɛ ne anu, ɔluakɛ bɛ nwo ɛnde. Bɛmɛ a le Hɔbaya, Hakɔzo yɛɛ Bazileeyae (mɔɔ gyale Bazileeyae mɔɔ vi Geleade la ara raalɛ na ɔlua zo ɔvale ɔ ye ɔ ze duma ɔdole ɔ nwo zo la).

⁶⁵ Dwuu amɛnlado ne zele bɛ kɛ ɔnle kpalɛ kɛ bɛdi Nyamenle aleɛ nwuanzanwuanza ne bie kɔkpula kɛ sɛlɛvolɛ bie mɔɔ kola fa “Yulem nee Tɛmem” ne yɛ gyima la kɛra la.

⁶⁶Menli mɔɔ bɛhyele bɛ donvula bɛhɔle nlɔnu mɔɔ ziale rale la amuala le apenle ngoko abulanla nee nwiɔ, ɛya nsa abulasia. Bɛ sonvolɛ mrenya nee mraalɛ le apenle nsuu, ɛya nsa abulasa nee nsuu: Edwɛndolɛma, mrenya nee mraalɛ - Ɛya nwiɔ abulanla nee nnu Mgbɔnwɔ - Ɛya nsuu abulasa nee nsia Mgbɔnwɔndua - Ɛya nna abulasa nee nnu Asoaso - Apenle nsia ɛya nsuu abulanwiɔ

⁷⁰Menli ne dɔɔnwo wowɔle bɛ nwo dadeɛ boale manle bɛduale Ɛzonlenlɛ Sua ne gyima ne anwo kakɛ ne. Kɛ bɛzile bɛduale ye la ɛne: [Amɛnlado ne:] — [Ezukoa nvutuke kilo mɔtwɛ] — Ahyɛnze kuloonwu abulanlu — Sɛlɛvolɛma adɛladeɛ ɛya nnu abulasa Mbusua mgbanyinli: — Ezukoa nvutuke kilo ɛya ko — abulasia nee mɔtwɛ — Dwɛtɛ fufule kilo apenle ko, — ɛya nwiɔ abulanlu Menli mɔɔ hale la: — Ezukoa nvutuke kilo ɛya ko — abulasia nee mɔtwɛ — Dwɛtɛ fufule kilo ɛya ko abulanla — Sɛlɛvolɛma adɛladeɛ abulasia nee nsuu

⁷³ Na akee Yizilayɛma kɔsɔɔti, sɛlɛvolɛma, Livaema, Ɛzonlenlɛ Sua ne sinzavolɛma, edwɛndolɛma, Ɛzonlenlɛ Sua nu sonvolɛma yɛɛ Yizilayɛma mɔɔ hale la amuala hɔdɛnlanle aze wɔ bɛ azua ne mɔ azo.