Read Nzema Ade 24 Bible Online

Ade 24 - Nzema bible

Ade 24

¹Akee Ɛdɛnkɛma zele Mosisi kɛ, “Ɛ nee Aalɔn, Needabe, yɛɛ Abaehu, nee Yizilayɛ mgbanyima abulasuu ɛrɛla me nwo ɛke wɔ boka ye azo. Bɛgyinla moa ekyii na bɛzonle me.

²Mosisi angomekye a babikye Ɛdɛnkɛma anwo ɛkɛ a; menli mɔɔ ɛha la ɛnrɛbikye ye, yɛɛ menli ne noko ɛnrɛhɔ boka ne azo bie.”

³Mosisi rahanle mɔɔ Ɛdɛnkɛma hanle la amuala nee nwolɛ mɛla ne amuala hilele menli ne. Menli ne mɔ kɔsɔɔti bɔle nu hanle kɛ, “Edwɛkɛ biala mɔɔ Ɛdɛnkɛma ɛha la, yɛbali zolɛ.”

⁴Na Mosisi hɛlɛle Ɛdɛnkɛma edwɛkɛ ne amuala. Ɔdwazole nwonlomɔ mangyee ne ɔzile azukponle nee mpila bulu nee nwiɔ, kɛmɔ Yizilayɛ mbusua ekpunli bulu nee nwiɔ ne de la wɔ boka ne abo.

⁵Na ɔzoanle Yizilayɛ mgbavolɛ ɔmanle bɛhɔbɔle ɛyelalɛ azu na bɛvale nlankɛ nyinli bɛbɔle anzonudwolɛ azu bɛmanle Ɛdɛnkɛma.

⁶Na Mosisi wolale mogya ne foa ko guale ahyɛnze nu, na ɔvale foa ko ne ɔguale azukponle ne anwo.

⁷Akee ɔvale ngyekyeleɛ buluku ne, na ɔgengale ɔhilele menli ne; na bɛhanle kɛ, “Edwɛkɛ biala mɔɔ Ɛdɛnkɛma ɛha la yɛbayɛ, yɛɛ yɛbayɛ tieyɛ yeamaa ye.”

⁸ Mosisi vale mogya ne dole guale menli ne anwo, na ɔhanle kɛ, “Kɛmɔ Ɛdɛnkɛma edwɛkɛ ne se la, mogya ye sɔ ngyekyeleɛ ne mɔɔ Ɛdɛnkɛma nee bɛ ɛkyekye la anloa.”

⁹Akee Mosisi nee Aalɔn, Needabe, Abaehu, yɛɛ Yizilayɛ mgbanyima abulasuu hɔle boka ne azo,

¹⁰na bɛnwunle Yizilayɛ Nyamenle ne. Bɛnwunle debie mɔɔ zɔho ezukoa bolɛ buluwu mɔɔ sonle bolɛ na nuhua te kɛ anwomanyunlu la wɔ ɔ gyakɛ abo.

¹¹Ɛdɛnkɛma angu Yizilayɛ mgbanyima ɛhye mɔ. Bɛnwunle Nyamenle, bɛlile na bɛnlonle.

¹²Ɛdɛnkɛma zele Mosisi kɛ, “Bɛla me nwo ɛke wɔ boka ye azo na kendɛ ɛkɛ. Mebava awolɛ ndɛbandɛba ne mɔ mɔɔ mehɛlɛ mɛla ne mɔ mɔɔ bɛbahilehile bɛ la zolɛ la meamaa wɔ.”

¹³Yemɔti Mosisi nee ye sonvolɛ Dwɔhyua dwazole, na Mosisi hɔle Nyamenle boka ne azo.

¹⁴Ɔhanle ɔhilele mgbanyima ne mɔ kɛ, “Bɛhendɛ yɛ ɛke kɔkpula kɛ yɛkɛzia yɛkɛra la. Aalɔn nee Hule nee bɛ wɔ ɛke, awie mɔɔ kɛnyia edwɛkɛ la, ɔhɔ bɛ nwo ɛkɛ.”

¹⁵Akee Mosisi hɔle boka ne azo na amungu hedale boka ne azo.

¹⁶Ɛdɛnkɛma anyunlunyia ne dale boka Saenae azo, na Yizilayɛma nwunle ye kɛ ɔle kɛ senle ɔlɛsɔ boka ne ati zo lɔ. Amungu ne hedale boka ne azo kenle nsia, na ye kenle nsuu ne azo Ɛdɛnkɛma vɛlɛle Mosisi wɔ amungu ne anu.

¹⁸Mosisi wolole amungu ne anu na ɔhɔle boka ne azo. Mosisi lile kenle abulanla, ewiazo nee nɔɔzo wɔ boka ne azo.