Read Nzema Dwo 23 Bible Online

Dwo 23 - Nzema bible

Dwo 23

¹Na Dwobu buale ye kɛ,

²“Ɛnɛ noko me somolɛ ne le kpole kpalɛ, mɔɔ melɛkponle ala la ɛnee Nyamenle ɛlɛtinli me nu.

³Anrɛɛ meanwu ɛleka mɔɔ ɔwɔ la, amaa meahɔvinde ɔ nyunlu.

⁴Anrɛɛ menwɔva me edwɛkɛ menwɔdo ɔ nyunlu na meahilehile me edwɛkɛ nu meahile ye.

⁵Anrɛɛ menwɔzukoa ye mualɛ mɔɔ ɔkɛva ɔkɛmaa me la, na meade mɔɔ ɔkɛha ɔkɛhile me la abo.

⁶Asoo ye tumi ne kpole nwo yɛɛ ɔnea ɔ nee me ali a? Kyɛkyɛ, anrɛɛ ɔkɛgyele ɔ nzo ɔkɛdie me somaa.

⁷Ɛkɛ ne, tenlenenli kola nee ye fa adwenle, na me ndɛnebuavolɛ ne kɛbua me benle dahuu.

⁸“Noko nea, mekɔ me nyunlu, na ɔnle ɛkɛ; mekɔ me nzi, noko mennwu ye;

⁹mekpondɛ ye me bɛne zo, noko mennwu ye; yɛɛ mekpondɛ ye me fema zo, noko mennwu ye.

¹⁰Noko yemɔ, ɔze adenle mɔɔ mefa zo la; saa ɔsɔ me ɔnea a, mebavi kɛ ezukoa nvutuke.

¹¹Melua ɔ gyakɛ abo zo ne fɔɔnwo; melua ye adenle ne anu, metɛfonle adenle.

¹²Metɛtule ɔ nloa edwɛkɛ metɛtole; ɔ nloa edwɛkɛ sonle bolɛ maa me.

¹³“Ɔngakyi ɛlɛ; nwane a kɛhola kɛhakyi ye adwenle a? Ɔyɛ mɔɔ ɔdaye ɔkulo la.

¹⁴Ɔluakɛ mɔɔ ɔhyehyɛle ɔmanle me la, ɔbayɛ, yɛɛ ngyehyɛlɛ ɛhye mɔ dɔɔnwo wɔ ɔ ti anu.

¹⁵Yemɔti mekɔ ɔ nyunlu a, ɛnee me ahonle ɛdu; saa medwenle ɔ nwo a, ɛnee ɛzulolɛ ɛha me.

¹⁶Nyamenle ɛmaa me nwo mɔra ɛdu; Tumivolɛ ne ɛha me ɛzulolɛ;

¹⁷ɔluakɛ awozinli ɛva me, na awozinli kabii ɛheda me nwo zo.