Read Nzema Dwo 35 Bible Online

Dwo 35 - Nzema bible

Dwo 35

¹“Dwobu, ɛdwenle kɛ ɛhye le fɔɔnwo, kɛ ɛkɛha kɛ ɛdi benle wɔ Nyamenle anyunlu,

³mɔɔ yemɔti ɛbiza kɛ, ‘Duzu nvasoɛ a menyia a? Saa meyɛ ɛtane a anrɛɛ kɛ mezi mekpazi ɛ?’

⁴Mebabua wɔ nee ɛ gɔnwo mɔ.

⁵“Bɛdo bɛ nye anwuma, na bɛnlea amungu ne mɔ mɔɔ wɔ bɛ ti zo anwuma la.

⁶ Saa bɛyɛ ɛtane a, duzu a bɛnyia ye mɔɔ Nyamenle ɛnlɛ bie a? Yɛɛ saa bɛ ninyɛmunli ne mɔ yɛ mɔnwo a, duzu a bɛyɛ bɛmaa ye a?

⁷Saa ɛle tenlenenli a, duzu a ɛfa ɛmaa ye, anzɛɛ duzu a ɔnyia ye ɔfi ɛ sa nu a?

⁸Wɔ amumuyɛ ne mɔ ka sonla mɔɔ le kɛ ɛdawɔ la, yɛɛ wɔ tenleneyɛlɛ ka sonla ala.

⁹“Ɛsisilɛ bebelebe ti menli tea nu su; bɛsu kɛ awie ɛlie bɛ ɛvi nzisi tumi bo.

¹⁰Na bɛ biala ɛnga kɛ, ‘Nyamenle me Bɔvolɛ, mɔɔ maa meto edwɛne nɔɔzo, mɔɔ kilehile yɛ tɛla azɛlɛ ye azo nane, na ɔmaa yɛyɛ nrɛlɛbɛvolɛma yɛtɛla anwomanyunlu nloma la wɔ ni?’

¹²Bɛtea nu bɛsu, na ɔmbua bɛ, ɔboalekɛ ɛtanevolɛma le mgbanyizonle.

¹³Nɔhalɛ, Nyamenle ɛndie ɛzunlɛ mgbane mgbane, yɛɛ Tumivolɛ ne ɛmbu ye bɔbɔ.

¹⁴Dwobu, ɛse ɛnnwu Nyamenle; noko wɔzi abotane ɛlɛkendɛ, na wɔ edwɛkɛ ne la ɔ nyunlu.

¹⁵Kɛmɔ ɔnva ɛya ɔndwi sonla nyunlu, na ɔntinli mɛladonlɛ ndeanlɛ zo ɛsesebɛ la ati,

¹⁶Dwobu buke ɔ nloa tendɛ ɛdendɛlɛ biala, na ɔkeha edwɛkɛ mɔɔ nrɛlɛbɛ biala ɛnle nu la.”