Read Nzema Dwo 37 Bible Online

Dwo 37 - Nzema bible

Dwo 37

¹“Ɛhye bɔbɔ maa me ahonle tu, na ɔsi me kunlu.

²Tie kɛ ɔ ne ɛlɛsi ahulu bie a, nee kpomgbanyekpomgbanye mɔɔ ɔlɛyɛ la.

³Ɔdwu aleɛabo ɛleka biala, yɛɛ ye ɛsɛlɛmanye kpakye a ɔdwu aleɛabo muleɛ biala azo.

⁴Ɛhye anzi, ɔ ne kulu; ɔfa ye belemgbunli tumi ɛnelɛ ne ɔkulu, yɛɛ kɛ bɛte ɔ ne ala la ɛnee ɛvedelɛ ne doa ye.

⁵Nyamenle fa ɔ ne kulu ɛzulolɛ nu bie; ɔyɛ ninyɛne mgbole mɔɔ yɛnrɛhola yɛnrɛde bɛ bo a.

⁶Ɔluakɛ ɔka ɔkile ezukɔtweaba kɛ, ‘Tɔ azɛlɛ ye azo’; na ɔse ezule kɛ, ‘Mia nuhua.’

⁷Ɔkpɔne menli gyima, amaa menli kɔsɔɔti anwu ye gyima.[8]

⁸Akee nane ne mɔ kɔ bɛ nla ɛleka, na bɛboa bɛ tunli nu.

⁹Ahumuakyima vi ye ekpumgbunli ne anu finde, yɛɛ ɛyɛlɛ vi anwoma mɔɔ ɛlɛbɔ la anu ba.

¹⁰Nyamenle die ɛnwomenle a ɔtɔ ayese, na ɔmaa azule ne mɔ bɔ kunguma ndɛndɛ.

¹¹Ɔmaa nzule gyinla amungu nu; na amungu ne mɔ maa ezule fedevede.

¹²Ɔmaa bɛpɛ bɛ nwo fɛlɛnvɛlɛ, ɔmaa bɛyɛ debie biala mɔɔ ɔkɛze bɛ la, wɔ ewiade ye anu ɛleka biala.

¹³Saa bɛ nvonleɛ ɛdenrɛlɛ o, ye azɛlɛ ye ati o, anzɛɛ ye ɛhulolɛ ti o, ɔmaa ɔsi zɔ.

¹⁴O Dwobu, tie ɛhye; gyinla na dwenle Nyamenle nwanwane gyima ne mɔ anwo.

¹⁵Asoo ɛze kɛ Nyamenle si maa ɛsɛnlɛmanye kpakye amungu ne anu la?

¹⁶Asoo ɛze kɛ amungu ne mɔ si sinze anwomanyunlu la? Ɔle nrɛlɛbɛvolɛ kpole, ɔyɛ nwanwane gyima.

¹⁷Wɔmɔ saa nyiakɛ anwoma ne maa ewiade gyinla a, wɔ adɛladeɛ ne mɔ dɔ.

¹⁸Asoo ɛkɛhola ɛkɛyɛ kɛ ɔdaye, ɛkɛdɛlɛdɛlɛ anwomanyunlu ne, ɛkɛmaa ɔkɛyɛ ɛsesebɛ kɛ neanleɛ la?

¹⁹Kile yɛ mɔɔ yɛha yɛhile ye la; awozinli ti, yɛnrɛnwu yɛ edwɛkɛ ne dwula.

²⁰Asoo bɛha bɛhile ye kɛ mebadendɛ ɔ? Asoo sonla kɛhulo kɛ bɛkɛme ye?

²¹“Kɛkala, wienyi kpakye anwomanyunlu, mɔɔ anwoma ne ɛye ɔ nyunlu la, menli ɛnrɛhola wienyi ne nea.

²²Ɛdɔlɔlɛ guanye kɛ ezukoa nvutuke vi sɔlɔ ba; tumi bedevinli ɛbɔ Nyamenle ɛyia.

²³Tumivolɛ ne, yɛnrɛhola yɛnrɛnwu ye; ye tumi nee ye pɛlepɛlelilɛ le kpole, yɛɛ ɔnrɛbu ɔ nye ɔnrɛgua ye tenleneyɛlɛ zo.

²⁴Yemɔti menli sulo ye, ɔmbu menli mɔɔ dwenle kɛ bɛze nrɛlɛbɛ na bɛbɛlɛbɛla bɛ nwo la bie.”