Read Nzema Edw 107 Bible Online

Edw 107 - Nzema bible

Edw 107

¹ O bɛyɛ Ɛdɛnkɛma mo, ɔluakɛ ɔle kpalɛ; ye ɛhulolɛ kpundii ne wɔ ɛkɛ ne dahuu. 136.1; Gyɛ 33.11

²Bɛmaa bɛdabɛ mɔɔ Ɛdɛnkɛma ɛlie bɛ la ɛha, bɛmɛ mɔɔ yelie bɛ yevi bɛ amaneɛnwunlɛ nu, na yeboɔboa bɛ nloa yevi maanle maanle zo, ɔvi aduduleɛ nee adɔleɛ, ɛbɔ nu nee nyevile nu la ɛha ye zɔ.

⁴Bie mɔ luoluale ɛsɛlɛ zo, bɛannwu adenle bɛangɔ suakpole biala azo;

⁵ɛhɔne hunle bɛ, nzuhɔne hunle bɛ, bɛ nwo yɛle bɛ bɛtɛɛ.

⁶Bɛzunle bɛvɛlɛle Ɛdɛnkɛma wɔ bɛ amaneɛnwunlɛ nu, na ɔliele bɛ ɔvile bɛ nyanenwunlɛ nu.

⁷Ɔvale bɛ ɔluale adenle fɔɔnwo zo, toonwo bɛdwule suakpole zo na bɛdɛnlanle ɛkɛ.

⁸Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ nwanwane gyima mɔɔ ɔdi ɔmaa menli la ati.

⁹Ɔluakɛ ɔmaa mɔɔ nzuhɔne ku ye la nzule, yɛɛ mɔɔ ɛhɔne ku ye la, ɔmaa ye aleɛ.

¹⁰Bie mɔ dɛnlanle awozinli nu, arɛlebɔlɛ nu, pilizama mɔɔ bɛgua bɛ anga na bɛlɛnwu amaneɛ,

¹¹ɔluakɛ bɛde Nyamenle edwɛkɛ ne anwo atua, na bɛkpo Anwuma Anwumanli ne folɛdulɛ ne.

¹²Gyima ɛsesebɛ manle bɛ nwo bɛlɛle bɛ; bɛdule bɛguale, bɛannyia awie amboa bɛ.

¹³Bɛzunle bɛvɛlɛle Ɛdɛnkɛma wɔ bɛ amaneɛnwunlɛ nu, na ɔliele bɛ ɔvile bɛ nyanenwunlɛ nu.

¹⁴Ɔyele bɛ ɔvile awozinli ne nee arɛlebɔlɛ ne anu, na ɔbubule bɛ anga ne mɔ.

¹⁵Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ ye nwanwane gyima mɔɔ ɔdi ɔmaa menli la ati.

¹⁶Ɔluakɛ ɔbubu kɔbele nlenkɛ mgbole, na ɔpepɛ nlenkɛ nzi mbulalɛ nu nwiɔ nwiɔ.

¹⁷Bie mɔ ɛtane bɔle bɛ anwonyane, na bɛ ɛtane ne mɔ manle bɛnwunle nyane dɔɔnwo;

¹⁸bɛkpole aleɛ ngakyile biala, na bɛbikyele ewule anlenkɛ nloa.

¹⁹Bɛzunle bɛvɛlɛle Ɛdɛnkɛma wɔ bɛ amaneɛnwunlɛ nu, na ɔliele bɛ ɔvile bɛ nyanenwunlɛ nu.

²⁰Ɔhanle edwɛkɛ ne, na bɛ nwo zale, na ɔliele bɛ ɔvile ewule nu.

²¹Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ ye nwanwane gyima mɔɔ ɔlile ɔmanle menli ne la ati.

²²Bɛbɔ ye moyɛlɛ azu, na bɛdo anyelielɛ edwɛne bɛha ye nyɛleɛ ne mɔ.

²³Bie mɔ vale meli hɔle nyevile zo, bɛhɔlile gua wɔ azule mgbole zo.

²⁴Bɛnwunle Ɛdɛnkɛma nyɛleɛ ne mɔ, nee ye nwanwane gyima ne mɔ wɔ buma ne anu.

²⁵Ɔluakɛ ɔdendɛle, na ahumu dwazole manle nyevile azɛlɛkye bule mgbole.

²⁶Azɛlɛkye ne manle meli ne mɔ zo, finle bɛ buma ne mɔ anu; bɛ anwosesebɛ minlinle manle bɛ nzuzuguazo bɔle bɛ.

²⁷Bɛtotɔle kɛ menli mɔɔ ɛbo nza, na bɛ nrɛlɛbɛ muala wiele.

²⁸Bɛzunle bɛvɛlɛle Ɛdɛnkɛma wɔ bɛ amaneɛnwunlɛ nu, na ɔliele bɛ ɔvile bɛ nyanenwunlɛ nu;

²⁹ɔmanle ahumu ne guale, na azɛlɛkye ne mɔ guale diinyi.

³⁰Bɛlile fɛlɛko, ɔboalekɛ maanle nu ɛgua, na ɔ nee bɛ hɔdwule ahonle ne mɔɔ bɛlɛkɔ zo la azo.

³¹Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ ye nwanwane gyima mɔɔ ɔdi ɔmaa menli la ati.

³²Bɛhanvo ye wɔ mekɛ mɔɔ menli ne kɛyia la, na bɛye ye ayɛlɛ wɔ mgbanyima ayia ne anu.

³³Ɔmaa azule kakyi ɛsɛlɛ, nzubula kakyi azɛlɛ resee;

³⁴azɛlɛ mɔɔ kye aleɛ la kakyi ngyenle azɛlɛ, wɔ menli ne ɛtane ne mɔ ati.

³⁵Ɔmaa nzule bu ɛsɛlɛ zo, azɛlɛ resee kakyi nzubula;

³⁶ɔmaa menli mɔɔ ɛhɔne ku bɛ la tɛnla zolɛ, na bɛkyekye suakpole bɛtɛnla zolɛ.

³⁷Bɛso ɛya bɛdua aleɛ, bɛyɛ vanye egyinli, na bɛnyia bɛyɔba dɔɔnwo.

³⁸Ɔyila bɛ, ɔmaa bɛ nwo so dɔɔnwo; ɔmmaa bɛ nlankɛ anwo ɛnyɛ ekyi.

³⁹Saa bɛdi bɛ nwo zo konim na bɛ nwo yɛ ekyi, bɛsisi bɛ, bɛnwu amaneɛ, na bɛdi nyane a,

⁴⁰ɔmaa arelemgbunli mɔɔ sie bɛ la nwu kɛ ɔ nye ɛnlie nwo, na ɔmaa bɛkpɔsɛkpɔsa ɛsɛlɛ zo.

⁴¹Ɔye bɛdabɛ mɔɔ bɛhyia la nyane nu, na ɔmaa bɛ nwo so kɛ nyɛmoa.

⁴²Pɛlepɛlema nwu ye na bɛdi fɛlɛko; na amumuyɛma mua bɛ nloa.

⁴³Mɔɔ ze nrɛlɛbɛ la ɛdwenle ninyɛne ɛhye mɔ anwo; bɛmaa menli ɛdwenle Ɛdɛnkɛma ɛhulolɛ kpundii ne anwo.