Read Nzema Edw 110 Bible Online

Edw 110 - Nzema bible

Edw 110

¹[64] Ɛdɛnkɛma zele me Awulae kɛ, “Tɛnla me sa fema zo, kɔkpula kɛ menwɔva wɔ kpɔvolɛma amuala menwɔwula ɛ gyakɛ abo.” 1 Kɔl 15.25; Ɛfɛ 1.20-22; Kɔlɔ 3.1

²Ɛdɛnkɛma bamaa wɔ belemgbunli kpɔma kpole ne vi Zayɔn ara. Ɔse, “Di wɔ kpɔvolɛma anwo zo belemgbunli.”

³Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

⁴ Ɛdɛnkɛma ɛha ndane, yɛɛ ɔnrɛhakyi ye adwenle ɛlɛ. Ɔse, “Ɛle sɛlɛvolɛ dahuu, kɛmɔ Mɛlekezidɛke yɛle la.”

⁵Awulae gyi wɔ fema zo, ɔfa ɛya a ɔbabubu arelemgbunli.

⁶Ɔbadea maanle maanle ne mɔ, na yeamaa avunli ayiyi bɛ ahonleɛ;[65] ɔbahu bɛ arelemgbunli mɔɔ wɔ ewiade amuala la.

⁷Ɔbanlo adehane nzule ne bie; yemɔti ɔbakpogya ɔ ti zo.