Read Nzema Edw 112 Bible Online

Edw 112 - Nzema bible

Edw 112

¹Bɛye Ɛdɛnkɛma ayɛlɛ! Nyilalɛ ɛha sonla ne mɔɔ sulo Ɛdɛnkɛma, na ɔ nye die ye mɛla ne mɔ anwo la.

²Ɔ bo zo amra bayɛ katakyiema wɔ maanle ne anu; bɛbayila fɔɔnwonli ne abo zo amra.

³Ezukoa nee anwonyia wɔ ye sua nu; ye tenleneyɛlɛ ne wɔ ɛkɛ ne dahuu.

⁴Wienyi kpa menli mɔɔ di boɛ la awozinli, Ɛdɛnkɛma le dovolɛ, anwunvɔnezelɛnli nee tenlenenli.

⁵Ɔyɛ boɛ ɔmaa sonla mɔɔ buke ɔ sa nu bɔ bosea, na ɔyɛ debie biala nɔhalɛ nu la.

⁶Ɔluakɛ pɛlepɛlenli ne abo zo ɛnrɛminli ɛlɛ; bɛbahakye ye dahuu.

⁷Tenlenenli ɛnzulo amaneɛ ɛtane, ɔgyinla kpundii na ɔfa ɔ rɛle ɔwula Ɛdɛnkɛma anu.

⁸Ye ahonle gyi pi, ɔnzulo, kɔkpula kɛ ɔkɛli ye kpɔvolɛma anwo zo konim.

⁹ Yebuke ɔ sa nu wɔ ɛhyianvolɛma anwo zo; ye tenleneyɛlɛ ne wɔ ɛkɛ ne dahuu; bɛbava enililɛ bɛakpogya ye tumi ne zo.

¹⁰Amumuyɛnli nwu ye na ɔfa ɛya; ɔdedɛ ɔ nwo bonrane nu na ɔminliminli, amumuyɛnli adwenle yɛ mgbane.