Read Nzema Edw 127 Bible Online

Edw 127 - Nzema bible

Edw 127

¹Saa Ɛdɛnkɛma ɔdaye yeanzi sua ne a, bɛdabɛ mɔɔ bɛsi la fɛ mgbane. Saa Ɛdɛnkɛma ɔdaye yeanzinza suakpole ne a, sinzavolɛma solo nafelɛ mgbane.

²Ɔnle debie mgbane kɛ ɛkɛdwazo ndɛ na ɛnrɛla ndɛ, ɛkɛva ɛ nwo amuala ɛkɛyɛ gyima ɛsesebɛ; ɔluakɛ Ɛdɛnkɛma yɛ maa bɛdabɛ mɔɔ ɔkulo bɛ la, wɔ mekɛ mɔɔ bɛlafe la.

³Nea, mralɛ mrenya le agyadeɛ mɔɔ vi Ɛdɛnkɛma ɛkɛ a; awolɛ le nyilalɛ.

⁴Mgbavolɛ nu mralɛ mrenya ɛnyialɛ le kɛ ɛda mbaka wɔ ɛlɔnenli asa anu.

⁵Nyilalɛ ɛha sonla ne mɔɔ ye ɛda mbaka boa ne ɛyi la. Saa ɔ nee ye kpɔvolɛma nyia ɛdendɛlɛ wɔ anlenkɛ kpole ne anloa a, ɔ nyunlu ɛnrɛgua aze ɛlɛ.