Read Nzema Edw 136 Bible Online

Edw 136 - Nzema bible

Edw 136

¹ O bɛyɛ Ɛdɛnkɛma mo, ɔluakɛ ɔle kpalɛ, ɔluakɛ ye ɛhulolɛ kpundii ne wɔ ɛkɛ dahuu. 118.1; Gyɛ 33.11

²O bɛyɛ nyamenle ne mɔ Nyamenle ne mo; ɔluakɛ ye ɛhulolɛ kpundii ne wɔ ɛkɛ dahuu.

³O bɛyɛ awulae mɔ Awulae ne mo; ɔluakɛ ye ɛhulolɛ kpundii ne wɔ ɛkɛ dahuu.

⁴Ɔ ngomekye ala a ɔyɛ nwanwane ninyɛne mgbole a; ɔluakɛ ye ɛhulolɛ kpundii ne wɔ ɛkɛ dahuu.

⁵ Yemɔ mɔɔ ɔvale ye nrɛlɛbɛ ɔbɔle anwuma la; ɔluakɛ ye ɛhulolɛ kpundii ne wɔ ɛkɛ dahuu.

⁶ Yemɔ mɔɔ ɔbɔle azɛlɛ tɛtɛlɛ ye wɔ azule ne mɔ avinli la; ɔluakɛ ye ɛhulolɛ kpundii ne wɔ ɛkɛ dahuu.

⁷ Yemɔ mɔɔ ɔbɔle ahɛnlaneɛ mgbole ne mɔ la; ɔluakɛ ye ɛhulolɛ kpundii ne wɔ ɛkɛ dahuu.

⁸Sɛnzɛne ne fi ewia alehyenlɛ nu; ɔluakɛ ye ɛhulolɛ kpundii ne wɔ ɛkɛ dahuu.

⁹Siane nee nwɔlɔra ta aledwolɛ nu; ɔluakɛ ye ɛhulolɛ kpundii ne wɔ ɛkɛ dahuu.

¹⁰ Ɔhunle Yigyibiti belamunli mralɛ ne mɔ; ɔluakɛ ye ɛhulolɛ kpundii ne wɔ ɛkɛ dahuu.

¹¹ Ɔyele Yizilayɛma ɔvile Yigyibitima avinli; ɔluakɛ ye ɛhulolɛ kpundii ne wɔ ɛkɛ dahuu.

¹²Ɔvale tumi kpole, ye tumi ɛsalɛ ne; ɔluakɛ ye ɛhulolɛ kpundii ne wɔ ɛkɛ dahuu.

¹³ Ɔkpakyele Nyevile Kɔkɔlɛ ne anu nwiɔ; ɔluakɛ ye ɛhulolɛ kpundii ne wɔ ɛkɛ dahuu.

¹⁴Ɔmanle Yizilayɛma luale nuhua pɛle; ɔluakɛ ye ɛhulolɛ kpundii ne wɔ ɛkɛ dahuu.

¹⁵Na ɔmanle Yigyibiti belemgbunli ne nee ye ɛlɔnema wule; ɔluakɛ ye ɛhulolɛ kpundii ne wɔ ɛkɛ dahuu.

¹⁶Ɔvale ye menli ne ɔpɛle ɛsɛlɛ ne; ɔluakɛ ye ɛhulolɛ kpundii ne wɔ ɛkɛ dahuu.

¹⁷Ɔhunle arelemgbunli mgbole; ɔluakɛ ye ɛhulolɛ kpundii ne wɔ ɛkɛ dahuu.

¹⁸Ɔhunle arelemgbunli katakyiema; ɔluakɛ ye ɛhulolɛ kpundii ne wɔ ɛkɛ dahuu.

¹⁹ Amɔle Belemgbunli Saehɔn; ɔluakɛ ye ɛhulolɛ kpundii ne wɔ ɛkɛ dahuu.

²⁰ Beehyan Belemgbunli Ɔɔgo; ɔluakɛ ye ɛhulolɛ kpundii ne wɔ ɛkɛ dahuu.

²¹Ɔvale bɛ azɛlɛ ne ɔyɛle agyadeɛ; ɔluakɛ ye ɛhulolɛ kpundii ne wɔ ɛkɛ dahuu.

²²Ɔvale ɔyɛle ye sonvolɛ Yizilayɛ agyadeɛ; ɔluakɛ ye ɛhulolɛ kpundii ne wɔ ɛkɛ dahuu.

²³Yɛ nwo hyelele yɛ la ɔhakyele yɛ; ɔluakɛ ye ɛhulolɛ kpundii ne wɔ ɛkɛ dahuu.

²⁴Ɔliele yɛ ɔvile yɛ kpɔvolɛma asa anu; ɔluakɛ ye ɛhulolɛ kpundii ne wɔ ɛkɛ dahuu.

²⁵Ɔmaa abɔdeɛ kɔsɔɔti aleɛ; ɔluakɛ ye ɛhulolɛ kpundii ne wɔ ɛkɛ dahuu.

²⁶Bɛyɛ anwuma Nyamenle ne mo; ɔluakɛ ye ɛhulolɛ kpundii ne wɔ ɛkɛ dahuu.