Read Nzema Edw 14 Bible Online

Edw 14 - Nzema bible

Edw 14

¹ Koasea edwɛkɛ a le kɛ, “Nyamenle ɛnle ɛkɛ.” Bɛzɛkye, bɛbɔ bɛkyi ɛbɛla, sonla ko ɛnle ɛkɛ mɔɔ bɔ ɛbɛla kpalɛ a.

²Ɛdɛnkɛma bele ɔ nye anwuma lɔ nea menli, ɔnea saa nrɛlɛbɛvolɛma bie wɔ nu mɔɔ sonle Nyamenle a.

³Noko bɛ muala bɛminli, bɛ muala bɛzɛkye bɔkɔɔ; sonla ko ɛnle ɛkɛ mɔɔ bɔ ɛbɛla kpalɛ a, kyɛkyɛ, ko bɔbɔ ɛnle ɛkɛ.

⁴Asoo amumuyɛma mɔɔ di me menli ne nwonane kɛ bɛdi aleɛ, na bɛnzonle Ɛdɛnkɛma la ɛnlɛ adwenle?

⁵Ɛkɛ ne ɛzulolɛ kpole baha bɛ, ɔluakɛ Nyamenle nee awolɛndoazo tenlenema lua.

⁶Bɛbazɛkye ehyianli adwenle ngyehyɛlɛ, noko Ɛdɛnkɛma le ye ɛvealeka.

⁷O anrɛɛ Yizilayɛma ngoanelielɛ vi Zayɔn ara! Saa Ɛdɛnkɛma maa ye menli ne eza kpazi a, Yizilayɛma anye balie na bɛali fɛlɛko.