Read Nzema Edw 141 Bible Online

Edw 141 - Nzema bible

Edw 141

¹[76] O Ɛdɛnkɛma, mefɛlɛ wɔ a yɛ ndɛndɛ boa me! Saa mefɛlɛ wɔ a gyele ɛ nzo tie me ne!

² Maa me nzɛlɛlɛ ɛyɛ kɛ ɛyɛlɛ evuanlɛ wɔ ɛ nyunlu, na fa me sa mɔɔ memaa ye zo la kɛ nɔsolɛ azubɔlɛ.

³O Ɛdɛnkɛma, maa sinzavolɛ ɛzinza me nloa, na ɔzinza me nloa babonle ye.

⁴Mmamaa me nye die ɛtane nwo, na mepele amumuyɛ ɛyɛlɛ nwo. Mmamaa me nee nindavoma tu, yɛɛ mmamaa me nee bɛ to ɛsalɛ ɛyɛba ko anu.

⁵Maa sonlakpalɛ ɛbo me, ɔle anwunvɔnezelɛ; maa ɔhwi me nyunlu, ɔle nwole wɔ me ti zo, memkpo, ɔluakɛ me nzɛlɛlɛ tia amumuyɛma nyɛleɛ ne mɔ dahuu.

⁶Saa bɛye bɛ bɛwula menli mɔɔ babua bɛ ewule fɔlɛ la asa anu a, yɛɛ bɛkɛnwu kɛ Ɛdɛnkɛma edwɛkɛ ne le nɔhalɛ a.

⁷Kɛ sonla mɔɔ bɛkɛde[77] ye bodane zo la mbowule si sande la, zɔhane ala yɛɛ bɛ mbowule bazande Ɛbolɔ anuhɔlɛ ne a.

⁸O Ɛdɛnkɛma Nyamenle, me nye la ɛ nwo zo; wɔ nuhua yɛɛ menriandi mefea a; mmaye me ɛmaa.

⁹Mmamaa metɔ bɛ ɛhane ne mɔɔ bɛzua me la anu, mmamaa metɔ amumuyɛma ɛhane nu.

¹⁰Maa amumuyɛma ɛgulu nu ɛgua bɛ ngane ne mɔ anu, na maa me nwo ɛyɛ kɔlɔnwo.