Read Nzema Edw 146 Bible Online

Edw 146 - Nzema bible

Edw 146

¹Bɛye Ɛdɛnkɛma ayɛlɛ! O me ɛkɛla, ye Ɛdɛnkɛma ayɛlɛ!

²Mekɛ tendenle mɔɔ mede ngoane nu la, mebaye Ɛdɛnkɛma ayɛlɛ; mebado ayɛlɛyelɛ edwɛne meamaa me Nyamenle mekɛ mɔɔ ngoane wɔ me nu la.

³Mmafa ɛ rɛle ɛwula arelemgbunli anu mmafa ɛ rɛle ɛwula sonla nu, ɔnlɛ moalɛ biala.

⁴Saa ye ɛnwomenle ne fi ye nu a ɔsia ɔkɔ ye ndɛtɛlɛ ne anu; kenle ko ne ala ɛnee ye ngyehyɛlɛ biala ɛzɛkye.

⁵Nyilalɛ ɛha sonla ne mɔɔ ye boavolɛ a le Gyekɔbo Nyamenle ne, na ye anyelazo wɔ Ɛdɛnkɛma ye Nyamenle ne nu la,

⁶ yemɔ mɔɔ ɔbɔle anwuma nee aze, nyevile nee mɔɔ wɔ nu la amuala la. Ɔdi ye ɛwɔkɛ zo dahuu.

⁷Ɔbua mɔɔ bɛlɛsisi ye la ndɛne pɛlepɛle na ɔmaa mɔɔ ɛhɔne ku ye la aleɛ. Ɛdɛnkɛma dwula pilizama;

⁸ɔtukue mɔɔ anye ɛzi la anye. Ɛdɛnkɛma dwazo bɛdabɛ mɔɔ bɛgua aze la; ɔkulo bɛdabɛ mɔɔ bɛle tenlene la.

⁹Ɛdɛnkɛma sinza nyɛvolɛ, ɔsɔ ahunlanvolɛ nee bɛdabɛ mɔɔ bɛnlɛ bɛ ze la, na ɔsɛkye amumuyɛma adenle ne.

¹⁰Ɛdɛnkɛma bali belemgbunli dahuu, O Zayɔn, wɔ Nyamenle ne bali awolɛndoazo kɔsɔɔti belemgbunli. Bɛye Ɛdɛnkɛma ayɛlɛ.