Read Nzema Edw 16 Bible Online

Edw 16 - Nzema bible

Edw 16

¹[10] O Nyamenle, bɔ me nwo bane, ɔluakɛ wɔ nuhua yɛɛ menriandi mefea a.

²Meka mekile Ɛdɛnkɛma kɛ, “Wɔmɔ a ɛle me Awulae a; menlɛ debie kpalɛ biala kɛ wɔmɔ.”

³Anwondelɛma mɔɔ wɔ azɛlɛ ne azo la le menli kpalɛ, me nye die bɛ nwo somaa.

⁴Bɛdabɛ mɔɔ bɛsonle nyamenle gyɛne la, twe amaneɛnwunlɛ dɔɔnwo maa bɛ nwo; menrɛbɔ bɛ mogya azu ne bie ɛlɛ, yɛɛ menrɛbɔ bɛ aluma menrɛzonle bɛ.

⁵Ɛdɛnkɛma a le me afoa nu ɛdeɛ nee me debie biala a; wɔmɔ yɛɛ ɛlɛ me a.

⁶Me ɛdeɛ ɛdɔ aze anyelielɛ nu ɛmaa me; ɛhɛe, menyia agyadeɛ kpalɛ.

⁷Meye Ɛdɛnkɛma ayɛlɛ, ɔboalekɛ ɔkilehile me, yɛɛ aleɛ dwo a me adwenle kakyehakye me.

⁸ Mefa Ɛdɛnkɛma mesie me nyunlu dahuu; ɔboalekɛ ɔgyi me sa fema zo, ɛhwee ɛngola me bo tu.

⁹Yemɔti medi fɛlɛko na me nye die, mede, me nwo kɔlɔnwo.

¹⁰ Ɔluakɛ wɔanye me wɔammaa Ɛbolɔ, yɛɛ wɔammaa wɔ Nwuanzanwuanza Ko ne amkpɔlɔ.

¹¹Ɛkile me ngoane adenle; anyelielɛ dɔɔnwo wɔ ɛ nwo ɛkɛ, fɛlɛkolilɛ wɔ ɛ sa fema zo dahuu.