Read Nzema Edw 2 Bible Online

Edw 2 - Nzema bible

Edw 2

¹ Duzu ati a maanle maanle te atua ɛ? Duzu ati a menli fa adwenle ɛtane ɛ?

²Ewiade arelemgbunli boɔboa dwenle ɛtane, bɛ maanle mgbanyinli bɔ nu kɔ agyinla tia Ɛdɛnkɛma nee mɔɔ yekpa nu yeye ye la.

³Bɛse, “Bɛmaa yɛye yɛ nwo wɔ bɛ tumi bo, na yɛye bɛ kpomgbolo ne yɛ kɔme.”

⁴Mɔɔ de anwuma lɔ la nea bɛ sele, Ɛdɛnkɛma ɛmbu bɛ ɛhwee.

⁵Ɔfa ɛya ɔtendɛ ɔkile bɛ, ɔ nwo yelɛyela ye na ɔka bɛ ɛzulolɛ.

⁶Ɔse, “Wɔ Zayɔn, me boka nwuanzanwuanza ne azo, yɛɛ mezie me belemgbunli ne a.”

⁷ Mebabɔ Ɛdɛnkɛma mɛla ne nolo; ɔzele me kɛ, “Ɛle me ra nrenya, ɛnɛ yɛɛ mewo wɔ a.

⁸Biza me, na mebamaa maanle maanle kɔsɔɔti ayɛ wɔ ɛdeɛ, azɛlɛ ye amuala bayɛ wɔ ɛdeɛ.

⁹ Ɛbava tumi kpole wɔazie bɛ, na wɔabubu bɛ kɛ abua.”

¹⁰Yemɔti, O bɛmɛ arelemgbunli, bɛdie na bɛzukoa nrɛlɛbɛ, bɛmɛ mɔɔ bɛsie ewiade la, bɛla bɛ nwo zo.

¹¹Bɛva ɛzulolɛ bɛzonle Ɛdɛnkɛma, bɛva anwowozolɛ bɛdu bɛgua ɔ gyakɛ anu,

¹²anrɛɛ saa ɔfa ɛya a bɛkɛdɔ nzonle, ɔluakɛ ɔngyɛ na yeava ɛya. Nyilalɛ ɛha bɛdabɛ mɔɔ bɛnriandi bɛkɔfea ye nu la.