Read Nzema Edw 25 Bible Online

Edw 25 - Nzema bible

Edw 25

¹[17] O Ɛdɛnkɛma, ɛdawɔ ala a mesu mefɛlɛ wɔ a.

²O me Nyamenle, wɔ nuhua yɛɛ me rɛle wɔ a, mmamaa me nyunlu gua aze; mmamaa me kpɔvolɛ si me nwo zo agole.

³Ɛhɛe, mmamaa awie biala mɔɔ arɛle wɔ wɔ nu la anyunlu gua aze; na maa bɛdabɛ mɔɔ bɛle ngunzi la anyunlu ɛgua aze.

⁴O Ɛdɛnkɛma, kilehile me maa menwu wɔ ndenle ne mɔ; kilehile me wɔ ndenle ne mɔ.

⁵Kilehile me maa menlua wɔ nɔhalɛ ne anu, ɔluakɛ wɔmɔ a ɛle me ngoanelielɛ Nyamenle a; wɔ nuhua yɛɛ alehyenlɛ biala me rɛle wɔ a.

⁶O Ɛdɛnkɛma, kakye wɔ anwunvɔnezelɛ ne, nee wɔ ɛhulolɛ kpundii ne, ɔluakɛ ɛ nee bɛ vi tete.

⁷Mmakakye me mgbavolɛ nu ɛtane ne mɔ mɔɔ menyɛle, anzɛɛ me mɛladonlɛ ne mɔ. O Ɛdɛnkɛma, wɔ ɛhulolɛ kpundii ne ati, wɔ ahunlunyele ne ati, kakye me.

⁸Ɛdɛnkɛma le kpalɛ nee tenlene, yemɔti ɔkilehile ɛtanema ye adenle ne.

⁹Ɔfa mɔɔ le bɛlɛvo la ɔdua adenle kpalɛ nu, na ɔkilehile ye ye adenle ne.

¹⁰Ɛdɛnkɛma ndenle ne mɔ amuala le ɛhulolɛ kpundii nee nɔhalɛ maa bɛdabɛ mɔɔ bɛdi ye ngyehyɛlɛ nee ye mɛla ne mɔ azo la.

¹¹O Ɛdɛnkɛma, wɔ duma ne ati, fa me ɛtane kyɛ me, ɔluakɛ ɔle kpole.

¹²Nwane a le sonla ne mɔɔ sulo Ɛdɛnkɛma la? Yemɔ yɛɛ Ɛdɛnkɛma bahilehile ye adenle mɔɔ ɔwɔ kɛ ɔfa nu la a.

¹³Ɔbakpazi wɔ ye ɛdɛnlanlɛ nu, na ɔ mra banyia azɛlɛ ne ayɛ bɛ ɛdeɛ.

¹⁴Ɛdɛnkɛma fa bɛdabɛ mɔɔ bɛsulo ye la agɔnwolɛ, na ɔmaa bɛnwu ye ngyekyeleɛ ne.

¹⁵Ɛdɛnkɛma ala a menea ye a, ɔluakɛ yemɔ a ɔbaye me yeavi ɛhane nu a.

¹⁶Kakyi ɛ nye nea me na nwu me anwunvɔne; ɔluakɛ yeha me ngome, yɛɛ melɛte nyane.

¹⁷Ye me adwenleadwenle ne, na ye me fi me amaneɛnwunlɛ nu.

¹⁸Nea me nyane nee me amaneɛnwunlɛ ne mɔ, na fa me ɛtane muala kyɛ me.

¹⁹Nea kɛ me kpɔvolɛma si zonle, nee kɛ bɛsi bɛkpɔ me ɛkpɔlɛ sanlera la.

²⁰O sinza me, na die me ngoane; mmamaa me nyunlu gua aze, ɔluakɛ menriandi mefea wɔ nu.

²¹Maa me kpalɛyɛlɛ nee me nɔhalɛlilɛ ɛbɔ me nwo bane, ɔluakɛ me rɛle wɔ wɔ nu.

²²O Nyamenle, die Yizilayɛ fi ye amaneɛnwunlɛ muala anu.