Read Nzema Edw 4 Bible Online

Edw 4 - Nzema bible

Edw 4

¹[1] O Nyamenle, me pepɛdievolɛ, mefɛlɛ a die me zo. Mengyianle la, ɛboale me, nwu me anwunvɔne na tie me nzɛlɛlɛ.

²Kenlenzu a bɛkɛgyakyi me nyunlu aze ɛgualɛ a, ebiamɔ? Kenlenzu a bɛkɛgyakyi mgbane mgbane ɛhanlɛ nee adalɛ nzi ɛlilɛ a?

³Bɛnwu ye kɛ Ɛdɛnkɛma ɛnlea nu ɛye fɔɔnwonli ne ɛyɛ ye ɛdeɛ. Mefɛlɛ Ɛdɛnkɛma a ɔte me ne.

⁴ Bɛva ɛya, na bɛmmayɛ ɛtane; bɛyɛ koonwu na bɛdwenle nwo kpalɛ wɔ bɛ ɛkpa ne mɔ azo.

⁵Bɛbɔ azu mɔɔ anwo te la bɛmaa Ɛdɛnkɛma, na bɛva bɛ rɛle bɛwula ye nu.

⁶Menli dɔɔnwo ka kɛ, “O Ɛdɛnkɛma, kpogya ɛ nye zo nea yɛ, na maa saleɛ ɛdo yɛ.”

⁷Wɔmaa me nye ɛlie dɔɔnwo ɛdɛla bɛdabɛ mɔɔ bɛ abɛlɛ nee nwanye rale dɔɔnwo la.

⁸Akee mebala mealafe anzonudwolɛ nu, ɔluakɛ, wɔmɔ Ɛdɛnkɛma ala, yɛɛ ɛsinza me a.