Read Nzema Edw 52 Bible Online

Edw 52 - Nzema bible

Edw 52

¹[33] O katakyie, duzu ati a ɛfa wɔ amumuyɛ ɛtu ɛ nwo zɛhae ɛ? Nyamenle anwunvɔnezelɛ ne wɔ ɛkɛ ne dahuu.

²Dahuu ɛfa adwenle kɛ ɛsɛkye awie mɔ. Ɛ nloa nlane le kɛ dadeɛ dɛma, ɛpepɛ awie mɔ agyakɛ anzi ndinli.

³Ɛ nye die ɛtane nwo ɛtɛla kpalɛ, ɛkulo adalɛbɔlɛ ɛtɛla nɔhalɛhanlɛ.

⁴Ɛkulo edwɛkɛ mɔɔ sɛkye awie mɔ la, O adalɛ nabalabanli.

⁵Yemɔti Nyamenle babubu wɔ dwɔkɔdwɔkɔ; ɔbaye wɔ yeavi wɔ sua nu; ɔbadu wɔ yeavi teasema azɛlɛ zo.

⁶Tenlenema banwu ɛhye, na bɛazulo, na bɛazele ye bɛaha kɛ,

⁷“Bɛnlea sonla ne mɔɔ anva Nyamenle anyɛ ye ɛvealeka, na ɔvale ɔ rɛle ɔwulale ye anwonyia kpole ne anu na ɔvale ye anwonyia ɔyɛle ye ɛvealeka la.”

⁸Na mame, mele kɛ ɔlivi baka amolɛ wɔ Nyamenle sua nu. Me rɛle wɔ Nyamenle ɛhulolɛ kpundii ne anu wɔ mekɛ mɔɔ ɛnlɛ awieleɛ.

⁹Mebayɛ wɔ mo dahuu, ɔboalekɛ ɛdawɔ yɛɛ wɔyɛ a. Mebabɔ wɔ duma ne nolo, wɔ wɔ menli ne anyunlu, ɔluakɛ ɔle kpalɛ.