Read Nzema Edw 56 Bible Online

Edw 56 - Nzema bible

Edw 56

¹[35] O Nyamenle, nwu me anwunvɔne, ɔluakɛ menli tietia me nwo zo; alehyenlɛ biala me kpɔvolɛma sisi me;

²me kpɔvolɛma tietia me nwo zo alehyenlɛ biala, ɔluakɛ bɛdabɛ mɔɔ bɛko bɛtia me adubɛnwo nu la zonle.

³Saa ɛzulolɛ ka me a, mefa me rɛle mewula wɔ nu.

⁴Nyamenle ne mɔɔ ye edwɛkɛ ti meye ye ayɛlɛ la, me rɛle wɔ ye nu a menzulo, Duzu a sonla kɛhola kɛyɛ me a?

⁵Mekɛ biala bɛkulo kɛ bɛsɛkye me adenle nu; dahuu bɛdwenle me nwo adwenle ɛtane.

⁶Bɛkuohua bɛ nloa, bɛkɔ me nwo nzia, bɛnea me ɛhɔlɛ nee me ɛralɛ nu kɛ bɛkpondɛ me bɛahu me.

⁷Yemɔti maa bɛ munzule ɛbɔ bɛ ti, O Nyamenle, dua wɔ ɛya ne azo ka menli ne gua.

⁸Ɛdawɔ ɛze me amaneɛnwunlɛ kɔsɔɔti; fa me monle gua toba nu ɛ! Asoo menli ne aluma ɛnle wɔ buluku nu?

⁹Saa mekɛ dwu na mefɛlɛ wɔ a, me kpɔvolɛma bagua ye bɛ nzi. Meze ɛhye, ɔboalekɛ Nyamenle gyi me nzi.

¹⁰Mewɔ Nyamenle ne, mɔɔ ye edwɛkɛ ti meye ye ayɛlɛ, Ɛdɛnkɛma, mɔɔ ye edwɛkɛ ti meye ye ayɛlɛ la anu.

¹¹Nyamenle ne mɔɔ me rɛle wɔ ye nu la, mewɔ ye nu a menzulo. Duzu yɛɛ sonla kɛhola kɛyɛ me a?

¹²O Nyamenle, ɛwɔkɛ biala mɔɔ mebɔ la, ɔwɔ kɛ meye; mebava mo azubɔdeɛ meamaa wɔ.

¹³Ɔluakɛ wɔye me ɛkɛla wɔvi ewule nu, ɛhɛe, wɔzɔ me, wɔammaa meandɔ aze, amaa mealua Nyamenle anyunlu, wɔ wienyi ne mɔɔ ta teasema anwo zo la anu.