Read Nzema Edw 57 Bible Online

Edw 57 - Nzema bible

Edw 57

¹[36][37] Nwu me anwunvɔne, O Nyamenle, nwu me anwunvɔne, ɔluakɛ wɔ nuhua yɛɛ me ɛkɛla nriandi fea a; mebanriandi mearavea ɛ ndɛba abo, kɔkpula kɛ ahumu mgbole ne mɔ kɛgua la.

²Mesu mefɛlɛ Anwuma Anwuma Nyamenle, Nyamenle mɔɔ maa ye edwɛkɛ di munli maa me la.

³Ɔbazoa yeamaa bɛvi anwuma bɛaralie me, ɔbamaa nyiane ahu menli mɔɔ sisi me la. Nyamenle bamaa ye ɛhulolɛ kpundii ne nee ye nɔhalɛlilɛ ne ara me nwo zo.

⁴Mela awenadema avinli, bɛdi menli adidikpoku nu; bɛ gye le kɛ atwɛ nee ɛda, bɛ nloa nlane le kɛ dadeɛ.

⁵O Nyamenle, kile wɔ kpoleyɛlɛ ne wɔ anwuma lɔ! Maa wɔ anyunlunyia ne ɛda ewiade amuala!

⁶Bɛzuale me ɛhane; nyane bole me nwo zo. Bɛvunle kuma wɔ me adenle nu, na bɛdabɛ bɛ ngome bɛgua nuhua.

⁷O Nyamenle, me ahonle gyi kpundii, me ahonle gyi kpundii! Mebado edwɛne meaye wɔ ayɛlɛ!

⁸Dwazo, me ɛkɛla! Bɛdwazo, me getaa mgbole nee ngyikyi! Mefa ayɛlɛyelɛ meamaa mangyee ye akpudwu.

⁹O Awulae, mebayɛ wɔ mo, wɔ menli kɔsɔɔti avinli; mebaye wɔ ayɛlɛ meahile maanle maanle.

¹⁰Ɔluakɛ wɔ ɛhulolɛ kpundii ne le kpole dwu anwuma, wɔ nɔhalɛlilɛ ne dwu amungu ne anu lɔ.

¹¹O Nyamenle, kile wɔ kpoleyɛlɛ ne wɔ anwuma lɔ! Maa wɔ anyunlunyia ne ɛda ewiade amuala!