Read Nzema Edw 58 Bible Online

Edw 58 - Nzema bible

Edw 58

¹[38] Bɛmɛ maanlebuvoma, asoo bɛka nɔhalɛ? Asoo bɛbua menli ndɛne nɔhalɛ nu?

²Kyɛkyɛ, ngunzi ɛyi bɛ tɛkɛɛ, na bɛdi ɛtane wɔ ewiade ye anu.

³Amumuyɛma nee bɛ petebɔlɛ[39] ne vi bɛ nli akunlu, bɛ nvonleɛ vi bɛ awolɛ nu, yɛɛ bɛbɔ adalɛ.

⁴Bɛ nloa anu bɔlɔ le kɛ ɛwɔlɛ bɔlɔ, bɛ nzo ɛdi kɛ ɛwɔlɛ bɔna,

⁵mɔɔ ɛnde silikyevoma ane, na yeayɛ ngonyiama edwɛne.

⁶O Nyamenle, bubu bɛ gye mɔɔ wɔ bɛ nloa anu la; O Ɛdɛnkɛma, tudu awenadema ngyikyi ne mɔ agye ndendenle ne.

⁷Maa bɛze bɛhɔ kɛ azule mɔɔ ɛdukue la, maa bɛyɛ kɛ ndile, bɛtietia bɛ nwo zo, bɛgyengye.

⁸Maa bɛyɛ kɛ ɛnlonkoɛ mɔɔ kolo yɛ ndeteata, maa bɛyɛ kɛ ralɛ mɔɔ ka nzule nu la.

⁹Nyamenle bava ɛya kpole apia bɛ anyewɔzo ahɔ; bɛ nye zo katete bɛ la ɛnee bɛpɛ bɛ bɛgua kɛ ndile amolɛ.

¹⁰Tenlenenli ne nwu nzenralɛ ne a ɔ nye balie; ɔbawudwu amumuyɛma mogya ne.

¹¹Menli baha kɛ, “Nɔhalɛ, tenlenema ɛnyia bɛ ahatualɛ; nɔhalɛ, Nyamenle wɔ ɛkɛ mɔɔ bua ewiade ndɛne a.”