Read Nzema Edw 61 Bible Online

Edw 61 - Nzema bible

Edw 61

¹[44] O Nyamenle, tie me ɛzunlɛ, tie me nzɛlɛlɛ;

²saa nyane bo me nwo zo na mewɔ moa moa a mesu mefɛlɛ wɔ. Fa me kɔzie bodane mɔɔ wɔ anwuma tɛla me la azo.

³Ɔluakɛ wɔmɔ a ɛle me ɛvealeka, ɛle me pepɛdievolɛ anwosesebɛ mɔɔ ko tia me kpɔvolɛ ne a.

⁴Maa mendɛnla wɔ Ndanlɛ Sua ne anu dahuu, amaa me nwo ayɛ kɔlɔnwo wɔ ɛ ndɛba abo.

⁵Ɔluakɛ, wɔmɔ Nyamenle, wɔde me ɛwɔkɛ ne mɔ, na wɔmaa me agyadeɛ ne mɔɔ menli mɔɔ sulo wɔ la nyia ye la.

⁶Maa belemgbunli ne ɛnyi ɛhyɛ; ɔli mekɛ dɔɔnwo ɔdwu awolɛndoazo kɔsɔɔti anu.

⁷Maa ɔli belemgbunli dahuu wɔ Nyamenle anyunlu; maa wɔ ɛhulolɛ kpundii ne nee wɔ nɔhalɛlilɛ ne ɛrɛla ɔ nwo zo ɛzinza ye.

⁸Yemɔti saa alehyenlɛ biala melɛye wɔ ɛwɔkɛ ne a, mebado edwɛne meaye wɔ duma ne ayɛlɛ.