Read Nzema Edw 62 Bible Online

Edw 62 - Nzema bible

Edw 62

¹[45] Nyamenle ala yɛɛ me ɛkɛla yɛ koonwu kendɛ ye a, ye ɛkɛ ne yɛɛ me ngoanelielɛ vi ba a.

²Ɔ ngomekye ala a ɔle me bodane nee me ngoanelielɛ a, ɔle me aranemgbole; awie ɛnrɛli me nwo zo konim.

³Kenlenzu yɛɛ bɛ kɔsɔɔti bɛkɛgyakyi sonla nwo nziahɔlɛ kɛ bɛku ye a? Sonla mɔɔ bane mɔɔ ɛhyea bɔbɔ la lɛ anwosesebɛ tɛla ye la.

⁴Bɛ adwenle a le kɛ bɛmaa ye dibilɛ abɔ ye, bɛ anyelielɛ a le adalɛbɔlɛ. Bɛfa bɛ nloa bɛyileyila, noko bɛ kunlu ɛdeɛ, ɔle amowa.

⁵Nyamenle ala yɛɛ me ɛkɛla yɛ koonwu kendɛ ye a, ɔluakɛ me anyelazo muala vi ye ɛkɛ.

⁶Ɔ ngomekye ala a ɔle me bodane nee me ngoanelielɛ a, ɔle me aranemgbole; awie ɛnrɛli me nwo zo konim.

⁷Nyamenle anwo zo yɛɛ me ngoanelielɛ nee me enililɛ ne gyi a; Nyamenle le me bodane kpole nee me ɛvealeka.

⁸O adɛsa, bɛva bɛ rɛle bɛwula Nyamenle anu dahuu; bɛha bɛ ngyianlɛ kɔsɔɔti bɛhile ye; Nyamenle le yɛ ɛvealeka.

⁹Awienvolɛma le kɛ anwoma, mgbolema le kɛ ɛlalɛ; ɛgua bɛ tone zo a bɛndo ɛhwee; bɛ kɔsɔɔti bɛ ɛnlomboɛ ɛndo anwoma.

¹⁰Mmafa ɛ rɛle ɛwula apobɔlɛ nu, mmafa ɛ nye ɛto ɛwualɛ zo; saa anwonyia nu noko a, mmafa wɔ ahonle ɛto zo.

¹¹Nyamenle ɛdendɛ ko; mede ɛhye fane nwiɔ; kɛ tumi le Nyamenle ɛdeɛ.

¹² O Awulae, wɔmɔ a ɛlɛ ɛhulolɛ kpundii a. Ɔluakɛ wɔmɔ yɛɛ ɛtua sonla kakɛ, kɛmɔ ye gyima si de la a.