Read Nzema Edw 65 Bible Online

Edw 65 - Nzema bible

Edw 65

¹[49] O Nyamenle, ɔfɛta kɛ yɛye wɔ ayɛlɛ wɔ Zayɔn; wɔmɔ yɛɛ ɔwɔ kɛ yɛye yɛ ɛwɔkɛ ne mɔ yɛmaa wɔ a,

²Wɔmɔ mɔɔ ɛtie yɛ nzɛlɛlɛ la! Wɔ ɛkɛ ne yɛɛ menli kɔsɔɔti ba wɔ bɛ ɛtane ne mɔ ati a.

³Saa yɛ mɛladonlɛ ne mɔ bo yɛ nwo zo a, ɛfa ɛkyɛ yɛ.

⁴Nyilalɛ ɛha sonla ne mɔɔ ɛkɛkpa nu ɛkɛye ye, ɛkɛva ye ɛkɛra kɛ ɔradɛnla wɔ ɛleka nwuanzanwuanza ne la. Yɛ kunlu badwo wɔ sua nu, wɔ Ɛzonlenlɛ Sua nwuanzanwuanza ne kpalɛyɛlɛ nwo.

⁵Ɛfa nyɛleɛ ɛzulolɛ ɛye yɛ ɛfi ewule nu, O yɛ ngoanelielɛ Nyamenle, ɛle ewiade amuala anyelazo, nyevile nzi amra amuala anyelazo a le wɔ.

⁶Wɔ anwosesebɛ yɛɛ ɛvale ɛhyehyɛle awoka ɛhilele wɔ tumi kpole ne a.

⁷Wɔmɔ mɔɔ ɛmaa nyevile gua diinyi, azɛlɛkye gyakyi ɛbulɛ, na menli adwenle begyebegyeyɛlɛ gyakyi;

⁸amaa bɛdabɛ mɔɔ bɛde ewiade ye ati nee ɔ bo la anwu wɔ sɛkɛlɛneɛ ne mɔ na bɛazulo wɔ. Ɛdawɔ yɛɛ ɛmaa ɛnyelɛ die alehyenlɛ nee aledwolɛ a.

⁹Ɛkpɔla azɛlɛ ye na ɛtɔ nzule ɛgua zo; ɛmaa ɔyɛ azɛlɛ mɔɔ kye aleɛ la. Ɛmaa azule ne mɔ yi tɛkɛɛ; ɛmaa bɛ ma yɛ kpalɛ, ɔluakɛ kɛ ɛhyehyɛle ye la ɛne.

¹⁰Ɛtɔ ezule dɔɔnwo ɛgua ɛya avule ne mɔ azo, ɛmaa ɔtuodua bɛ ahuma ne mɔ; ɛtɔ nyenyensuo ɛmaa azɛlɛ ne do, na ɛyila zo ɛmaa mbaka nyi.

¹¹Ɛmaa bɛ bɛyɔba so dɔɔnwo; ɛleka biala mɔɔ ɛkɛva la aleɛ bu.

¹²Adidileka ne mɔ ndile bele gua zo, anyelielɛ ɛva awoka ne mɔ.

¹³Mboane ɛyi ɛbɔ ne mɔ abo; abɛlɛ ɛyi mbɔnza tɛkɛɛ, na bɛtea nu bɛto anyelielɛ edwɛne.