Read Nzema Edw 76 Bible Online

Edw 76 - Nzema bible

Edw 76

¹Bɛze Nyamenle wɔ Dwuda, ye duma le kpole wɔ Yizilayɛ.

²Bɛkyekye ye tɛnlabelɛ wɔ Gyɛlusalɛm, ye sua nu wɔ Zayɔn Boka.

³Ɛkɛ ne a ɔbubule kpɔvolɛma ne ɛda ne mɔ, bɛ enyinlike, konle dadeɛ nee konle ninyɛne muala a.

⁴Wɔ anyunlunyia le kpole, wɔ belemgbunlililɛ le kpole; ɔtɛla awoka mgbole kɔsɔɔti!

⁵Bɛkpokpole akɛnrasesebɛma bɛliele bɛ sa nu ninyɛne; bɛguale aze bɛwule; ɛlɔnema ne amuala annyia gyinlagyakɛ.

⁶O Gyekɔbo Nyamenle, ɛdeanle bɛ nu ala la, ɛkpɔnwɔ nee ye kavolɛ ne dule guale.

⁷Na wɔmɔ, ɛ nwo yɛ ɛzulolɛ kpole! Saa ɛfa ɛya a nwane a kɛhola kɛgyinla ɛ nyunlu a?

⁸Ɛwɔ anwuma lɔ yɛɛ ɛbuale ndɛne a; azɛlɛ zulole na ɔgyinlanle diinyi,

⁹wɔ mekɛ mɔɔ Nyamenle dwazole kɛ ɔbua ndɛne yealie menli mɔɔ bɛsisi bɛ wɔ azɛlɛ ye azo la.

¹⁰Sonla ɛyavalɛ wie Nyamenle ayɛlɛyelɛ ɛyavalɛ nee konle ne anzi, bɛdabɛ mɔɔ bɛkɛha la bali wɔ eni.

¹¹Maa wɔ ɛwɔkɛbɔlɛ ne ɛdwu Ɛdɛnkɛma wɔ Nyamenle ne ɛkɛ, na ye bɛ muala; maa bɛdabɛ mɔɔ bɛbikye ye la ɛva bɛ ahyɛlɛdeɛ ɛrɛlɛ ye, yemɔ yɛɛ ɔwɔ kɛ bɛsulo ye a.

¹²Yemɔ yɛɛ ɔbɛlɛ arelemgbunli aze a, ɔ nwo yɛ ɛzulolɛ maa aleɛabo arelemgbunli.