Read Nzema Edw 8 Bible Online

Edw 8 - Nzema bible

Edw 8

¹[4] O Ɛdɛnkɛma, yɛ Awulae, wɔ duma ne kpole keda azɛlɛ ye amuala azo! Bɛto wɔ anyunlunyia nwo edwɛne wɔ anwuma lɔ,

² ngakula nee nlɔma a to a. Wɔ kpɔvolɛma ati, wɔbɔ ɛ nwo bane, amaa wɔazi wɔ kpɔvolɛ ne nee mɔɔ di nzenralɛ la aze.

³Saa meto me nye anwomanyunlu, menwu ɛ sa anloa gyima, siane nee nwɔlɔra mɔɔ wɔhyehyɛ;

⁴ ɛnee sonla le duzu mɔɔ ɛdwenle ɔ nwo a; sonla dasanli mɔɔ ɛ nye kuku ɔ nwo zɛhae a?

⁵Noko ɛbɔle sonla ɛmanle Nyamenle dɛlale ye ekyii bie, na wɔva enililɛ nee anyunlunyia wɔwula ye tɛkɛɛ.

⁶ Wɔmaa ye tumi wɔ ɛ sa anloa gyima kɔsɔɔti azo; wɔva debie biala wɔwula ye tumi bo,

⁷mboane nee nlankɛ, yɛɛ ɛbɔ nu nane kɔsɔɔti,

⁸anwomanyunlu nloma nee nyevile nu fɛlɛ, yɛɛ debie biala mɔɔ wɔ nyevile nu la.

⁹O Ɛdɛnkɛma, yɛ Awulae, wɔ duma ne kpole keda azɛlɛ ye amuala azo!