Read Nzema Edw 82 Bible Online

Edw 82 - Nzema bible

Edw 82

¹Nyamenle ɛdɛnla ye ebia nu wɔ ayia nwuanzanwuanza ne anu; saa awozonle ne mɔ yia nu a ɔbua bɛ ndɛne kɛ,

²“Kenlenzu a bɛkɛgyakyi mgbɔvodɛne ɛbualɛ, na bɛkɛgyakyi kɛ bɛdi bɛaboa amumuyɛma a?

³Bɛli pɛlepɛle bɛmaa mɔɔ ɛnlɛ anwosesebɛ nee mɔɔ ɛnlɛ ɔ ze la, na bɛli bɛmaa mɔɔ ɛlɛnwu amaneɛ nee mɔɔ ɛnlɛ bie la.

⁴Die mɔɔ ɛnlɛ anwosesebɛ nee mɔɔ ɛnlɛ bie la; die bɛ fi amumuyɛma asa anu.”

⁵“Bɛnlɛ adwenle yɛɛ bɛnlɛ ndelebɛbo, bɛluolua awozinli nu; azɛlɛ ye adiabo ne mɔ ɛkpusu.

⁶ Mese, ‘Bɛle nyamenle, bɛ kɔsɔɔti bɛle Anwuma Anwumanli ne amra;’

⁷noko bɛbawu kɛ menli wu la, na bɛakpo aze kɛ belemgbunli biala la.”

⁸Dwazo, O Nyamenle, bua ewiade ndɛne; ɔluakɛ maanle maanle kɔsɔɔti le wɔ ɛdeɛ!