Read Nzema Mrɛ 19 Bible Online

Mrɛ 19 - Nzema bible

Mrɛ 19

¹Ehyianli mɔɔ fa adwenle dua la le kpalɛ tɛla sonla mɔɔ tendɛ mgbane mgbane na ɔle koasea la.

²Ɔnle kpalɛ ɔmmaa sonla nrenya kɛ ɔkɛyɛ atianunzule, yɛɛ mɔɔ tia hyee la ɛngyɛ na avo adenle.

³Sonla bɔ ɛbɛla mgbane na ɔte ɔfa ɔ nwo zo a, ɔfa Ɛdɛnkɛma anwo ɛya.

⁴Sonla lɛ ezukoa a ɔlɛ agɔnwolɛma dɔɔnwo, na mɔɔ ɛnlɛ ezukoa la, ɔ gɔnwo mɔ kpo ye.

⁵Sonla mɔɔ di dasewia la ɛnrɛva ɔ nwo dwɔɔ, yɛɛ mɔɔ bɔ adalɛ la ɛnrɛvi ɛsalɛ.

⁶Menli dɔɔnwo kpondɛ kɛ bɛsɔ sonla mɔɔ asa do la anye, yɛɛ awie biala fa sonla mɔɔ kyɛ ninyɛne la agɔnwolɛ.

⁷Ehyianli amediema mrenya kɔsɔɔti bɔbɔ kpo ye, na kɛ ɔkɛyɛ mɔɔ akee agɔnwolɛma ɛnrɛhwe bɛ nwo ɛnrɛvi ɔ nwo ɛnrɛhɔ moa ɛ? Ɔka edwɛkɛ ɔkile bɛ bɔbɔ a bɛndɛne ye zo.

⁸Sonla mɔɔ kɛnwu nrɛlɛbɛ la kulo ɔ nwo; sonla mɔɔ lɛ ndelebɛbo la bakpazi.

⁹Sonla mɔɔ di dasewia la ɛnrɛva ɔ nwo dwɔɔ, yɛɛ mɔɔ bɔ adalɛ la bawu.

¹⁰Ɔnle kpalɛ kɛ koasea kɛdɛnla anwonyia avinli, yɛɛ ɔnle kpalɛ kɛ kanranli kɛzie alehelɛ.

¹¹Adwenle kpalɛ ɛmmaa sonla ɛnva ɛya mgbane mgbane, yɛɛ ɔle anyunlunyia ɔmaa ye kɛ ɔkɛbu ɔ nye ɔkɛgua nvonleɛ zo.

¹²Belemgbunli fa ɛya a ɔle kɛ awenade mɔɔ ɛlɛkpo la, noko ye nyeleyɛlɛ le kɛ ɛbɔlɛ mɔɔ ɛdɔ ndile zo la.

¹³Ralɛ nrenya koasea maa ɔ ze nwu amaneɛ, yɛɛ yelɛ butulelilɛ le kɛ ezule mɔɔ ɛlɛtɔ, mɔɔ ɛmpe ɛlɛ la.

¹⁴Sua nee anwonyia le agyadeɛ mɔɔ vi selɛma ɛkɛ, na yelɛ mɔɔ anye gyi ɔ ti anwo la Ɛdɛnkɛma a fa maa a.

¹⁵Mgbovonleyɛlɛ maa bɛdafe mgbole, yɛɛ ɔmaa ɛhɔne ku bɛ.

¹⁶Sonla mɔɔ di Nyamenle mɛla ne mɔ azo la lɛ ngoane, na mɔɔ kpo Nyamenle edwɛkɛ ne la bawu.

¹⁷Sonla mɔɔ se ehyianvolɛma anwunvɔne la bɔ Ɛdɛnkɛma bosea, na ɔbadua ye kakɛ wɔ ye nyɛleɛ kpalɛ nwo.

¹⁸Tea ɛ ra nrenya wɔ mekɛ mɔɔ anyelazo wɔ ɛkɛ la; mmanea ye ɛmaa ɔsɛkye.

¹⁹Sonla mɔɔ fa ɛya mgbole la nwu ɔ bo aleɛ, ɔluakɛ saa ɛdie ye ɛfi munzule ko anu a, eza ɛbalie ye wɔavi bieko anu.

²⁰Tie folɛdulɛ na die ngilehilelɛ to nu, amaa wɔanwu nrɛlɛbɛ na kenle bie wɔava wɔabɔ wɔ ɛbɛla.

²¹Sonla adwenle ngyehyɛlɛ zonle dɔɔnwo, noko mɔɔ Ɛdɛnkɛma kɛhyehyɛ la a bali munli a.

²²Debie mɔɔ bɛkpondɛ wɔ sonla ɛkɛ ne la a le nɔhalɛlilɛ; ehyianli le kpalɛ tɛla sonla mɔɔ le adalɛ la.

²³Ɛdɛnkɛma ɛzulolɛ fa sonla kɔ ngoane nu, yɛɛ mɔɔ sulo Ɛdɛnkɛma la lɛ ngoane, munzule ɛnrɛdo ye.

²⁴Mgbovonle sonla fa ɔ sa to ɛyɛba nu a ɔnye ye ɛlɛ; ɔ sa mɔɔ ɔfa yeahɔ ɔ nloa anu bɔbɔ la, ɔngola.

²⁵Bɔ agolobɛnwonli ne, na mɔɔ ɛnlɛ adwenle la bazukoa nrɛlɛbɛ; tea sonla mɔɔ lɛ ndelebɛbo la, na ye adwenle nu babuke.

²⁶Sonla mɔɔ fa konle toa ɔ ze na ɔfoa ɔ nli ɔto ɛbɔ nu la le ralɛ nrenya mɔɔ anwo yɛ nyiane a, ɔfɛta ndeanlɛ.

²⁷Me ra nrenya, ɛkulo a gyakyi ngilehilelɛ ɛdielɛ na ɛbanwu kɛ wɔminli wɔvi ɛdendɛlɛ mɔɔ maa adwenle la anwo.

²⁸Dasevolɛ mgbane si pɛlepɛlelilɛ amgbu, yɛɛ amumuyɛnli anloa ka ɛtane.

²⁹Ɔwɔ kɛ bɛtea agolobɛnwonli biala, na bɛbila koasea biala empele.