Read Nzema Mrɛ 2 Bible Online

Mrɛ 2 - Nzema bible

Mrɛ 2

¹Me ra nrenya, saa ɛtie me edwɛkɛ ne, na ɛfa me mɛla ne mɔ ɛsie kpalɛ,

²ɛyɛ ɛnzonlɛ ɛtie nrɛlɛbɛ edwɛkɛ, na ɛfa wɔ adwenle ɛsie ndelebɛbo zo;

³ɛhɛe, saa ɛsu kɛ ɛkpondɛ adwenlenunwunlɛ, na ɛmaa ɛ ne zo kɛ ɛkpondɛ ndelebɛbo,

⁴saa ɛkpondɛ ye kɛ ɛkpondɛ ezukoa fufule, na ɛkpondɛ ye kpalɛ kɛ anwoneɛ mɔɔ vea la a,

⁵ɛbade Ɛdɛnkɛma ɛzulolɛ ne abo na wɔanyia Nyamenle anwo adwenlenubukelɛ,

⁶ɔluakɛ Ɛdɛnkɛma maa nrɛlɛbɛ; ɔdaye yɛɛ ɔmaa adwenle nee ndelebɛbo a.

⁷Ɔfa nrɛlɛbɛ kpalɛ ɔmaa mɔɔ le tenlene la; ɔle enyinlike ɔmaa bɛdabɛ mɔɔ bɛze nrɛlɛbɛ la,

⁸ɔsinza bɛdabɛ mɔɔ bɛdi pɛlepɛle la ɛbɛlabɔlɛ, na ɔmaa ye menli ne mɔɔ ɛdu bɛ nwo ɛmaa ye la anwo tɔ bɛ.

⁹Saa ɛtie me ne a, ɛbade pɛlepɛlelilɛ nee tenleneyɛlɛ, boɛlilɛ, yɛɛ adenle kpalɛ biala abo,

¹⁰ɔluakɛ ɛbanwu nrɛlɛbɛ na wɔ adwenle abuke kɛnlɛma bie.

¹¹Ɛbava wɔ adwenle wɔabɔ ɛ nwo mgbɔlɔka, na wɔ ndelebɛbo azinza wɔ.

¹²Ɛbava wɔ adwenle wɔalie ɛ nwo wɔavi munzule adenle nu, nee mgbane mgbane ɛhanlɛma asa anu.

¹³Menli ɛhye mɔ kpo ndenle fɔɔnwo ne mɔ na bɛdua awozinli ndenle ne mɔ anu.

¹⁴Bɛ nye die ɛtaneyɛlɛ nwo, yɛɛ bɛ anyelielɛ a le ɛtanelilɛ ala.

¹⁵Bɛle menli mɔɔ bɛ ndenle nu kyeɛhyea, yɛɛ bɛle mɛlɛbɛla.

¹⁶Bɛbalie wɔ bɛavi raalɛ kpamgbanvolɛ anloa anu menlemenle ne asa anu,

¹⁷raalɛ zɛhae kpo ye mbɛlɛra nu ɔ hu, na ɔkpo ye Nyamenle ngyekyeleɛ ne,

¹⁸ɔluakɛ ye awuke bɔ bɔkɔɔ yɛɛ ye ɛbɛlabɔlɛ nu yɛ awozinli.

¹⁹Awie biala mɔɔ kɔ ye ɛkɛ ne la ɛnzia, yɛɛ ye ɛbɛla ɛnwie ye boɛ.

²⁰Yemɔti ɛ nee menli kpalɛ ɛdu na dua tenlenema adenle nu,

²¹ɔluakɛ menli mɔɔ di boɛ la badɛnla azɛlɛ ne azo, yɛɛ menli mɔɔ ze nrɛlɛbɛ la baha zolɛ.

²²Bɛbaye amumuyɛma bɛavi azɛlɛ ne azo, na bɛadu ngunzima bɛavi zolɛ.