Read Nzema Aye 15 Bible Online

Aye 15 - Nzema bible

Aye 15

¹ Nrɛlaleɛ mɔɔ fane Mowabe anwo la ɛne. Kɛmɔ kenle ko nɔɔzo yɛɛ bɛbɔle suakpole Aale, yɛɛ kenle ko nɔɔzo yɛɛ bɛbɔle suakpole Kɛɛ la, Mowabe maanle ne anu ɛyɛ diinyi.

²Daebɔnoma ɛhɔ ɛleka ne mɔ mɔɔ bɛsonle la kazu. Mowabema ɛlɛsu Niboma nee Midɛbama. Awie biala ɛkpa ɔ ti, ɛkpa ɔ kɛsa.

³Bɛheda ɛrele bɛluolua gua ne mɔ azo, bɛgyinla azua ti zo nee bɛ azuamgbole zo ɛleka wienyi ne mɔ bɛsu bɛtwi monle.

⁴Hɛhyebɔnoma nee Ɛlɛyalima ɛlɛsu. Bɛte bɛ ne wɔ Gyeehaze, yemɔti akee Mowabe ɛlɔnema ɛlɛsu kpole kpalɛ na bɛ nwo wozo bɛ.

⁵Medi Mowabema anwo nyane. Maanle ne anu amra nriandi kɔfea Zowaa nee Ɛgelate Hyɛlehyaya. Bie mɔ fo boka ne kɔ Luhete kɔsu; bɛdwu Hɛloneeyem adenle nu a bɛsu toonwo asɛɛ debie yɛ bɛ.

⁶Nemelem nzule ne mɔ ɛsesa, ndile ne mɔ ɛwe, mɔɔ bɔle nrɛlɛne[4] wɔ ɔ bo la ɛyela, ndile amolɛ ko bɔbɔ ɛnle ɛkɛ.

⁷Zɔhane ati aleɛ dɔɔnwo mɔɔ bɛnyianle ye, nee bɛ ninyɛne mɔɔ bɛlɛ la, bɛzoale bɛ muala bɛpɛle bɛhɔle Welo Kpɔkɛ Bɔnza ne anzi lɔ.

⁸Ɛzunlɛ ɛde Mowabe maanle ne anu ɛleka biala. Ɛzunlɛ ne ɛdwu Yigeleeyem nee Biyɛyilem.

⁹Ɔluakɛ Daebɔn azule ne mɔ ɛhakyi mogya, noko mebamaa mɔɔ tɛla ɛhye la ara Daebɔn anwo zo; mebamaa awenade ahye Mowabema mɔɔ vile ɛsalɛ na bɛnriandi la ali, na meazɛkye bɛdabɛ mɔɔ bɛhale azɛlɛ ne azo la.