Read Nzema Aye 38 Bible Online

Aye 38 - Nzema bible

Aye 38

¹Mekɛ ne anu anwonyane bɔle Belemgbunli Hɛzikaya manle ɔhale ye nee ewule. Na Nyamenle kpɔmanvolɛ Ayezaya, Emɔzo ara ne rakpɔlale ye na ɔzele ye kɛ, “Ɛdɛnkɛma se ɛtoto wɔ sua nu ɛke boɛ na ɛnrɛde kpɔkɛ, ɛbawu.”

²Hɛzikaya hakyile ɔ nye bane nwo na ɔzɛlɛle Ɛdɛnkɛma kɛ,

³“O Ɛdɛnkɛma, mebodo wɔ, kakye kɛ meyeye me ahonle nu mezonle wɔ nɔhalɛ nu, yɛɛ mebɔ mɔdenle meyɛ mɔɔ ɛkpondɛ la.” Na ɔzunle alɔbɔlɛ ɛzunlɛ.

⁴Na Ɛdɛnkɛma dendɛle hilele Ayezaya.

⁵Ɔse, “Kɔ na kɔze Hɛzikaya kɛ, medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne yɛɛ menwu wɔ monle mɔɔ wɔhwi la. Nea, mebava ɛvolɛ bulu nee nnu meaboka wɔ ngoane mekɛ ne anwo.

⁶Mebalie wɔ nee suakpole ɛhye meavi Aselea belemgbunli ne asa anu, na mealie suakpole ɛhye ati.”

²¹Ayezaya hanle hilele belemgbunli ne sonvolɛma ne kɛ bɛdi feege ma bɛdo ye nyila ne azo bɛmaa ɔkpuke na ɔde kpɔkɛ.

²²Hɛzikaya bizale kɛ, “Duzu sɛkɛlɛneɛ yɛɛ bahile kɛ Ɛdɛnkɛma bayɛ me ayile na meahɔ Ɛdɛnkɛma Ɛzonlenlɛ Sua ne anu a?”[7] Ayezaya buale kɛ, “Ɛdɛnkɛma sɛkɛlɛneɛ mɔɔ kile kɛ ɔbali ye ɛwɔkɛ mɔɔ yebɔ la azo la ɛne: Nea, memaa kpolike ne mɔɔ Belemgbunli Ehaze ɛzi la ɛlawolɛ ne ɛhɔ ɔ nzi egyakɛ bulu.” Na ɛlawolɛ ne ziale ɔ nzi egyakɛ bulu. Belemgbunli Hɛzikaya dele kpɔkɛ la, ɔhɛlɛle ayɛlɛyelɛ edwɛne ɛhye: Mendwenlenle kɛ saa megyinla zo a, Mebavi ewiade ye anu meahɔ; Bɛye me kɛ menzinza Ɛbolɔ nlenkɛ mgbole ne mɔ Wɔ me mekɛ mɔɔ ɛha la amuala. Menganle kɛ, menrɛnwu Ɛdɛnkɛma Wɔ teasema maanle nu; Menrɛnwu sonla bieko Wɔ ewiade amra anu. Bɛdu me tɛnlabelɛ bɛhɔ Kɛ mboaneneavolɛ ndanlɛ sua; Me ngoane ɛyɛ kɛ ɛdanlɛ wɔ nwovolɛ sa nu; Ɔpɛ me ɔfi melahyinli ne anu, Alehyenlɛ nee aledwolɛ Ɛpɛ me ngoane zo. Aleɛ dwo a me nwo fofo me maa mesu toonwo alehyenlɛ, Kɛ asɛɛ awenade ɛlɛbubu me mbowule nu; (...)